الموضوع: معايا 14 الف ...اشترى ايه؟

المشاركة الأصلية كتبت بواسطة amigo1

أنت جربت الفيورا؟؟؟؟؟؟؟؟؟؟؟؟؟؟؟؟
أنا كان معايا 127 خمس سنين ومعايا دلوقت 128 موديل 90 من 8 سنين ( ممتازة)
بس أنا شايف أن ال127 أنسبلة
هيجيب بال14 ألف حاجة نضيفة 127 لكن مش هتجيب حاجة نضيفة 128
وطبعا الاتنين ضعاف بس في الميزنية دي أعتقد ال127 أفضل
علي فكرة 127 علشان ملمومة (مدمجة) تعتبر أقوي من ال128 في الشاسية

ايوه يا باشا جربتها وركبتها كتييييير لكن مشترتهاش لانها متنفعش معايا خالص

وعارف ان شاسيه الفيورا بيستحمل عن ال 128 لان شاسيه الفيورا صغير والحوض صغير
والشاسيه مش بيفتح بسرعه لان اللموتور بتاع الفيورا صغير وسحبه على اده فمش محمل على الشاسيه جامد
بس الفيورا مش بتاعه سفر ولا مشى 60 كيلو كل يوم و 4 افراد يقعدو فيها
والفيورا عجلاتها اللى ورا داخله لجوه لسوء تصميم فبتقلب على السرعات العاليه وعشان كده بتلاقى ناس كتييير مركبلها جنوط وكاوتش عريض وفاتحه العجل اللى ورا شويه

انا عارف بقول ايه لما بقول ال 127 متستحملش الظروف اللى بيحكى عليها صاحب الموضوع هو طلع من ال 128 عشان مش نافعه معاه يجيب 127 اختها الصغيره هههههههههههه

انا شايف الافضل بالترتيب بالنسبه للظروف دى وحيبقى ازيد بسيط من الملبلغ ده او فى نفس السعر بالظبط بدون زياده

لادا او 124 الاتنين ولاد عم والادا مبنيه على ال 124 بس ده لو لقيت 124 حاله كويسه لان اغلبها دلوقتى متبهدل

132 كويسه جدا وبتاعه شقا وفيه منها فيها باور بس فيه ناس بتقول انها بتاكل بنزين عشان 1600 بس فيه ناس تانيه بتقول لا

بولنيز ودى دبابه متحركه بس اللى اسمعه انها فيها مشاكل فى الموتور من ناحيه السخونه وكده بس بتتعدل تقريبا المشكله دى

دول اكتر 3 عربيات بتوع شقا واسعار قطع غيارهم معقوله

غير كده بقا حيدخل فى اليابانى او المانى قديم وصيانه وقطع غيار غاليه وفيه حجات مش موجوده والكلام ده كله

السلام عليكم إخواني
أنا بقى جربت الـ 127 التوب الألماني والـ 128 موديل 80 وجربت البولونيز..
بصراحة كانت مشكلتي مع الـ 127 و الـ 128 أني قاعد في منطقة أرضها صعبة جدًا، وماينفعش معاها عربية ضعيفة... فلما قررت أجيب البولونيز لأن الكل شكر في قوة عفشتها.. وفعلاً كان ليا الفخر أني امتلكت هذه المدرعة الملاكي كما أطلقت عليها.. وهي فعلاً لو في عربية بولونيز حالة نظيفة جبها وهي مش هتتعبك إن شاء الله.. أنا كنت بأقطع بيها ساعات 100 كيلو في اليوم.. وكانت والله العظيم ماتكسفنيش في طريق بس أهم حاجة تكون مظبطها وإيدك فيها.. أما بخصوص موضوع المشاكل إللي في الموتور.. هو مشكلته أن صوته عالي لأن سير الكاتينة جنزير وليس كاوتش، وأنا محستش بالموضوع ده لأن عربيتي كانت فيها مكنة عربية 132 الـ 1600 وكنت مخليها ناعمة جدًا ومتسمعلهاش صوت وهي دايرة..
الميزة بقى في البولونيز عفشتها قوية جدًا وبتقعد فترة طويلة وممكن تحمل فيها 6 أفرد وتمشي وتطلع كباري زي الفل
وفي ميزة تانية أنها على أد فلوسك فعلاً يعني ممكن تلاقي بولونيز موديل 87 في حدود 14000 بس محتاج تدور كويس

المشاركة الأصلية كتبت بواسطة eng_nabil707

متشكر ليكم جميعا على اسداء النصيحة
وشكرا ليك يا استاذ misoalex ع ردك الوفير وفعلا انا لا يناسبني اطلاقا 127 ومتخوف من ال 132 لاني سمعت ان قطع غيارها هي قطع غيار البولونيز وده سر شغلهم معنى كده ان ال 132 بينقرض ... وطبعا مفيش 124 سليمه واللي كويس منها مبيفرطش صاحبها فيها
البولونيز كتير خوفوني منها لانها لا تباع ولا تشترى
الادا ممتازه وكنت بفكر فيها بس قالولي اعاده بيعها ضعيف واتعرض عليا مو 93 ب 14 وفيها اجزاء راشه بره بس مش كلها ومن جوه فابريكه فهل في ملعوب ما في العربيه دي لان كلام حضرتك ان السعر ده يجيب تمانينات !!
انا عارف ان الفلوس حكماني بس هقولك ايه انا بمد رجليا ع قد لحافي
في انتظار مشوره حضرتك وباقي الاعضاء

يبقى خليك فى الادا

ولو ال 93 بالسعر ده فكويس جدا جدا جدا بس اكشف عليها كويس
عموما اسعار المستعمل نزلت اليومين دول

ومتسمعش اللى يقولك بيع اللادا صعب مين قال كده اللادا مطلوبه وناس كتير بتحبها بس فيه ناس مش بتحبها عشان قديمه وناشفه

دور وان شاء الله تلاقى حاجه تناسبك وكده الاختيار الافضل باالنسبالك على كلامك الادا