بولو , ابيزا , و لا جوليت

**SYD** · 29-12-2011 12:30 PM

المشاركة الأصلية كتبت بواسطة himalking

شكرا يا جماعة على كل الردود و المعلومات دي

عجباني أوي مقولة الأخ محمد:

"1- البولو أشيك
2- الأبيزا أأمن
3- الجوليت أوفر"

عموما أنا في قدامي 3 اختيارات كمان دخلو في المنافسة
بيجو 206
فيات بونتو
فيات سيينا

و بصراحة محتار بين الستة (بولو - ابيزا- جوليت - 206 - بونتو - سيينا) ,
أنا عاوز حاجة يكون شكلها جذاب و تستحمل و تكون معمرة و تكون حديثة قدر المستطاع (يعني متكونش مستهلكة أوي)
في حدود 40000 جنيه

بالنسبة لل3 الجداد

البيجو 206 بجد تحفة وبعتبرها أميرة جميلة بين كل العربيات الهاتش باك ذات العيون الساحرة

بس مع الأسف ال206 بالزات ماتتركبش ورا حد وفي مصر بالذات في غياب توكيل ليها وعدم ضمير لتوكيل صيانتها الحالي ومشاكل حساستها الكتيرة اوي ولكن كعربية انا شخصيا بتمني اركبها

الفيات بونتو بصراحة وبدون زعل ومع احترامي لكل الي راكبين بونتو واحترامي للشركة العريقة فيات بس بصراحة هي ماتتركبش لا 60 حصان ولا 75 حصان وتعبانة اخر الشارع

الفيات سيينا عربية جميلة جدا جدا بس ايه الي دخلها وسط الهاتش باك ؟؟؟؟
هي جميلة بس ماتركبش ال1600 بتاعها كله مشاكل
ال1400 محترم نوعا ما وان كان لا يخلو من المشاكل

وعموما هي معظم المشاكل الي اقصدها في الفيات بتكون في الموتور لو اتفتح والحساسات والات الجر

تقبل مروري

والله المستعان
،
،

**SYD** · 29-12-2011 12:39 PM

المشاركة الأصلية كتبت بواسطة crayvor

واحدة من ترشيحاتي البونتو القديمة... بس ماعرفش دي موتورها 60 حصان زي البونتو كلاسيك ولا لأ.
بيجو 206 مش حتلاقي حالة كويسة ب 40 باكو.. ولو لقيت حاتصرف بهبل في قطع الغيار.. ولو مش مشكلة قطع الغيار معاك يبقي شوفلك بوينتر 2004 جميع كماليات مانيوال 1000 سي سي تيربو. حاتعمل 36 ل 38 ألف فابريقة برة وجوة وعربية مالهاش حل بس بحبح شوية ف قطع الغيار. ملحوظة: كنت باصرف عليها من 80 ل 100 جنيه بنزين شهريا

السيينا مش عارف مابحسش بود بيني وبينها.

يبقي بالنسبة لي ترشيحاتي رست علي (ابيزا - جوليت - بونتو - بوينتر(حاططهالك غلاسة))

بصراحة بقي... ارمي كل ده ف الزبالة لو سمحت.

طالما انك دخلت ف 40 ألف شوفلك كليو 1200 مو 2003 يا اما كورسا هاتش باك انضف من كل ده.

الكليو 1200
تحفة بجد
عربية جميلة جدا
ثابتة جدا
ناعمة جدا

الكورسا بردو عربية جميلة جدا

الله المستعان
،
،

**SYD** · 29-12-2011 12:52 PM

بالنسبة لصاحب الموضوع

حضرتك بتتكلم ان معاك 40,000
ممكن يركبوك
1- ابيزا 2000 - 2001
2- سيينا 2006
3- عربيات كتير بس حضرتك ماذكرتهاش في اختياراتك

ترشيحاتي لعربيات شكلها جذاب وقوية وتستحمل
كليو 2003
كورسا 2000 (بحد اقصي 34,000)
بولو فوكس 95 (بحد اقصي 32,000)
بولو 98 (بحد اقصي 35,000)
ابيزا 99 (بحد اقصي 36,000)
فيكترا a موديل 96
سيفيك 93 - 95
سيفيك 91 (بحد اقصي 34,000)

العربيات طبعا المذكورة مفيهاش اوجه تشابه اوي يعني منها الهاتش باك ومنها السيدان ولكن دوول افضل الأختيارات في رينج السعر 40 بحد اقصي

والله المستعان
،
،

**SYD** · 29-12-2011 07:43 PM

المشاركة الأصلية كتبت بواسطة himalking

متشكر جدا يا أستاذ محمد على تعبك معايا و تحياتي و شكري لكل الأعضاء الكرام إللي قدمو مساعدتهم

بس أنا أعرف ان الكليو قطع غيارها غالية جدا جدا و غير متوفرة و صيانتها صعبة و غير منتشرة و مش أي حد بيفهم فيها

بس أنا كده الدايرة و سعت عليا أوي و الأختيارات زادت و بقيت محتار
أنا قدامي عربية و عاوز أخد رأي حضراتكم فيها

http://www.nilemotors.net/nile/26375...post3874015575

الكليو كانت قطع غيارها غالية

النهاردة قطع غيارها متوفرة جديد واستيراد
صيانتها مش صعبة اوي وحضرتك ممكن تدخل علي قسم رينو تتأكد منهم وتعرف مين بيعمل صيانتها برة التوكيل

حضرتك العربيات المكتوبة مش لازم تشتريها كلها
ولكن انا كتبتلك احسن العربيات في حدود 40,000

بالنسبة للفيات بونتو 2003
اعتقد سعرها غالي وكمان مش محبوبة اوي عشان لو موتورها اتفتح مرة مش بيرجع زي الأول

انت احسن حاجة في حدود امكانياتك هي
1- ابيزا 2001
2- بولو 98
3- كليو 2003

العربيات دي قطع غيارها معمرة جدا جدا وموفرة جدا في البنزين ولو قطع غيارها اغلي شوية من الكوري فدة علي حساب العمر الأفتراضي

انا مثلا عندي التيل ب170 جنيه يعني اغلي حوالي 5 مرات من الدايو ولكن لحد اخر لحسة فيه مش بيصفر وكمان بيعيش يمكن 3 او 4 اضعاف عمر الكوري

ضيف علي كدة العزل
يعني لو قفلت الزجاج بتاع العربية لا يمكن تسمع اي صوت من الشارع وبتحس بهدوء غير عادي

ربنا يوفقك

والله المستعان
،
،

**crayvor** · 13-01-2012 09:28 AM

المشاركة الأصلية كتبت بواسطة himalking

الحمد لله اشتريت العربية
بس للأسف الميكانيكي قالي ان الموتور خفيف و هيحتاج عمرة قريب
مش عارف كلامه صح و لا ايه بس ربنا يستر

و كمان الدريكسيون بيرعش جامد في ايدي لما بتحرك من السكون , فقالي انه كده محتاج دسك و اسطوانة
و قالي خليك ماشي عليها شوية لحد ما تجيب أخرها

مش عارف ليه حاسس ان في حاجة غلط

حضرتك جبتها علي كام (سعر)؟
لو الموتور حالته مش حلوة انت كشفت ع العربية الأول قبل ما تشتريها؟ وأخدت العربية علي أساس ان الموتور وحش ولا اكتشفت الموضوع ده وانت سايق؟
كمان لو الموتور حالته مش حلوة يبقي سقط موتور ودخل دا ف دا وريح دماغك.

**himalking** · 15-01-2012 05:10 AM

المشاركة الأصلية كتبت بواسطة crayvor

حضرتك جبتها علي كام (سعر)؟
لو الموتور حالته مش حلوة انت كشفت ع العربية الأول قبل ما تشتريها؟ وأخدت العربية علي أساس ان الموتور وحش ولا اكتشفت الموضوع ده وانت سايق؟
كمان لو الموتور حالته مش حلوة يبقي سقط موتور ودخل دا ف دا وريح دماغك.

أنا خدت العربية على 42.5 ألف جنيه
و كنت واخدها على أساس ان موتورها كويس و انها مش محتاجة أي مصاريف و كان معايا ميكانيكي بيكشف على العربية بس للأسف طلع اي كلام , قالي ان الموتور مية مية
و بعد ما اشتريت ابتديت ألاقي دخنة في الكبوت (من خرطوم الفايظ ) و سحب الموتور مش الطبيعي بتاع 1400 و كمان صوته بيعلى على rpm بالكتير 3 , فروحت أعمل السيرفيس و هناك أكتشفت الحقيقة المرة
و اللي زعلني أكتر اني أكتشف ان صاحب العربية عبارة عن مجموعة من التجار و طبعا مش محتاج أقول انهم كانو مزوقين البضاعة ,عموما الحمد لله

بالنسبة لتسقيط الموتور , أنا فعلا فكرت أعمل كده و سألت في عزبة شلبي على موتور 1400 قالي يعمل 5000 من غير الضفيرة و الكنترول
طبعا أنا استغليت السعر و قلت أستنى شوية

الموضوع: بولو , ابيزا , و لا جوليت

LinkBack

أدوات الموضوع

عرض

-

-

-

-

المواضيع المتشابهه

مطلوب ابيزا أو بولو أو جوليت 2001

جوليت - بولو - ابيزا - بونتو !! معايا 40 الف

ابيزا 94 و لا جوليت

سكودا فابيا ام بولو ام جوليت

مقارنة في حدود ال45 , سيفيك,جوليت,ابيزا,جولف 433

الكلمات الدلالية لهذا الموضوع

المفضلات

المفضلات

ضوابط المشاركة