الحراره في عربيتي غريبه شويه لما امشي براحه بتبقي طبيعيه في النص ولما اجري عداد الحراره بينزل لبدايه الاشاره الزرقاء دا خطر في حاجه
عرض للطباعة
الحراره في عربيتي غريبه شويه لما امشي براحه بتبقي طبيعيه في النص ولما اجري عداد الحراره بينزل لبدايه الاشاره الزرقاء دا خطر في حاجه
ده غالبا عشان الكلاتش بتاع المروحه شغال على الدوغرى مبيفصلش
ثرموستات الحرارة إيه ظروفه؟
لا تقلق شىء طبيعى بسبب برودة الهواء ليس إلا. أنا كنت مسافر اسكندريه و كانت مروحة الريداتير لا تعمل إطلاقا و كانت حرارة السياره على 70 و ليست حتى على الطبيعى 90. المشكله إنك بتجرى و الهواء اللى بتستقبله السياره بارد و بالتالى درجة حرارة السياره هتقل عن المعدل الطبيعى لها جرب و امشى داخل البلد هتجد الحراره عند المنتصف بالضبط, جرب و امشى دون جرى على طريق مفتوح هتجد الحراره فى المنتصف بالضبط, جرب تجرى هتجد الحراره بدأت تنخفض.
طب انا الحرارة عندي علي طول علي النصف و بسافر كل اسبوع اسكندرية و مابتنزلش خالص
لا طبعا مش طبيعي وغلط على الموتور لان في درجة حراره مثاليه للتشغيل كده انت بتقل عنها راجع على ثرموستات كوعة الميه يا هاتكون بايظه او متشاله خالص لو رجعتها الحراره المفروض تفضل في النص تنزل شرطه او اتنين وترجع تاني ده الطبيعي والأفضل لعمر الموتور
+111111111111 ترمستات الكوعة مفتوحة على طول او متسالة...اكشف عليها وغيرها لانها مهمة جدااا واكبر غلط دة يحصل على الموتور ..رخيصة فى حدود 70 80 ج انا فاكر
بس انا مجرد ما امشي براحه الحراره ترفع تاني عادي لما بجري بس بتنزل
لأ طبيعى لأن أنا كان عندى مشكله إن مروحة الريداتير لا تعمل بالأساس و كانت لدى مشله بفيشة الكهرباء و كانت السياره تسير بشكل طبيعى و الحراره فى المنتصف و بمجرد وقوفى لمدة لا تتجاوز الدقيقه تبدأ درجة الحراره فى الأرتفاع بمعدل كبير و بسرعه كبيره و سافرت اسكندريه حضرتك أنا ماشى على 180 - 200 كم و كان مؤشر الحراره على 70 درجه بالرغم إن مروحة الريداتير لا تعمل إطلاقا يعنى على الأقل الحراره تكون على 90 درجه المعدل الطبيعى لكن هذا ما لم يحدث... و بعدين ليتأكد صاحب السياره من كلامى ينزل يمشى بالسياره داخل البلد و هيجد إن حرارة السياره فى المعدل الطبيعى و يمشى على طريق سريع بشكل عادى هيجد حرارة السياره بمعدلها الطبيعى يبدأ يجرى و يعدى حاجز ال 120 كم/ساعه و يظل على هذه السرعه لفتره وجيزه هيجد إن حرارة السياره بدأت تنخفض
الموضوع دة مش طبيعى !
انا عندى الحرارة فى النص على طول !
بجرى مش بجرى الهواء فى وشى او فى ظهرى درجة الحرارة فى النص على طول
و كدة مش بتخلى المحرك شغال بكفائتة لأنك كدة اكنك بتجرى و العربية لسة باردة !
عاوز رد قاطع ياجماعه لو سمحتوا
فعلا الحراره الطبيعى بتاعها انها بتفضل ثابته على النص او قبل النص بفسوه بسيطه وسواء جريت فى السفر او ماشى براحه لا بتنزل ولا بتزيد والحمد لله. كون الحراره بتقل عن الطبيعى فده معناه ان عندك حاجه مش مظبوطه وتقريبا هتتطلع ثرموستات .
يا باشا انا بدرس هندسة ميكانيكا و والدى مهندس ميكانيكا
و انا متأكد 999999999999999999% ان الموضوع دة مش طبيعى طبعا !!!!!!!!!!!!!!!!
كوعة السرموستات بايظة يامتشاله
متأكد يا فهد أنت عارف الحوار اللى حصل لى فى العيد الكبير و موضوع الحراره و المروحه اللى لم تكن تعمل من الأساس و حرارة السياره كانت على 70 و مروحة الريداتير لا تعمل إطلاقا لكن أنا كنت ماشى 180 - 200 كم طول السفر و فى الرجوع لم انزل إلا على 190 - 200 كم!!!
ممكن علشان الهواء كان جاى فى وشك فا مش محتاج المروحة اوى الهواء الى جاى فى وشك كفاية و لكن لو مشيت داخل البلد العربية حتسخن اكييد
بس صدقنى كدة مش صح علشان حتى فى اى عربية جديدة عمر ما درجة الحرارة تنزل عن النص سواء كانت bmw او مرسيدس او حتى هيونداى !
و زى ما بقولك الموضوع دة مش بيحصل عندى
يا أخي انا قلتلك فوق ان المشكله هاتبقى في ثرموستات الكوعه وفي اخوه دخلوا قالوا لا دا طبيعي بس انا حبيت استنى ردود باقي الناس انا كان عندي نفس المشكلة والحرارة كانت بتنزل لأول شرطه وانا على طريق سفر باليل مثلا ولما ركبت كوعة المية بالثرموستات الحراره بقت في النص على طول وهو ده الطبيعي على فكره الاوروبي كله نفس المنطق فيات بي ان اوبل على فكره
انا اتفق مع
</B>TheBuccaneer
و عربيتي في الصيف المؤشر علي طول في النص
و في الشتاء المؤشر علي طول بعد الازرق عاند اول شرطة