الحراره

**rompo10** · 27-12-2011 12:41 PM

الحراره في عربيتي غريبه شويه لما امشي براحه بتبقي طبيعيه في النص ولما اجري عداد الحراره بينزل لبدايه الاشاره الزرقاء دا خطر في حاجه

**hero200451** · 27-12-2011 01:27 PM

ده غالبا عشان الكلاتش بتاع المروحه شغال على الدوغرى مبيفصلش

**mailo** · 27-12-2011 02:10 PM

ثرموستات الحرارة إيه ظروفه؟

**TheBuccaneer** · 27-12-2011 03:37 PM

المشاركة الأصلية كتبت بواسطة rompo10

الحراره في عربيتي غريبه شويه لما امشي براحه بتبقي طبيعيه في النص ولما اجري عداد الحراره بينزل لبدايه الاشاره الزرقاء دا خطر في حاجه

لا تقلق شىء طبيعى بسبب برودة الهواء ليس إلا. أنا كنت مسافر اسكندريه و كانت مروحة الريداتير لا تعمل إطلاقا و كانت حرارة السياره على 70 و ليست حتى على الطبيعى 90. المشكله إنك بتجرى و الهواء اللى بتستقبله السياره بارد و بالتالى درجة حرارة السياره هتقل عن المعدل الطبيعى لها جرب و امشى داخل البلد هتجد الحراره عند المنتصف بالضبط, جرب و امشى دون جرى على طريق مفتوح هتجد الحراره فى المنتصف بالضبط, جرب تجرى هتجد الحراره بدأت تنخفض.

**deblabolbol80** · 27-12-2011 03:50 PM

طب انا الحرارة عندي علي طول علي النصف و بسافر كل اسبوع اسكندرية و مابتنزلش خالص

**ZALABANY** · 27-12-2011 03:53 PM

لا طبعا مش طبيعي وغلط على الموتور لان في درجة حراره مثاليه للتشغيل كده انت بتقل عنها راجع على ثرموستات كوعة الميه يا هاتكون بايظه او متشاله خالص لو رجعتها الحراره المفروض تفضل في النص تنزل شرطه او اتنين وترجع تاني ده الطبيعي والأفضل لعمر الموتور

**E30power** · 27-12-2011 04:00 PM

+111111111111 ترمستات الكوعة مفتوحة على طول او متسالة...اكشف عليها وغيرها لانها مهمة جدااا واكبر غلط دة يحصل على الموتور ..رخيصة فى حدود 70 80 ج انا فاكر

**rompo10** · 27-12-2011 04:39 PM

بس انا مجرد ما امشي براحه الحراره ترفع تاني عادي لما بجري بس بتنزل

**sheko_2000eg** · 27-12-2011 05:40 PM

المشاركة الأصلية كتبت بواسطة thebuccaneer

لا تقلق شىء طبيعى بسبب برودة الهواء ليس إلا. أنا كنت مسافر اسكندريه و كانت مروحة الريداتير لا تعمل إطلاقا و كانت حرارة السياره على 70 و ليست حتى على الطبيعى 90. المشكله إنك بتجرى و الهواء اللى بتستقبله السياره بارد و بالتالى درجة حرارة السياره هتقل عن المعدل الطبيعى لها جرب و امشى داخل البلد هتجد الحراره عند المنتصف بالضبط, جرب و امشى دون جرى على طريق مفتوح هتجد الحراره فى المنتصف بالضبط, جرب تجرى هتجد الحراره بدأت تنخفض.

1+++++
هو ده الكلام السليم

**TheBuccaneer** · 27-12-2011 09:12 PM

المشاركة الأصلية كتبت بواسطة zalabany

لا طبعا مش طبيعي وغلط على الموتور لان في درجة حراره مثاليه للتشغيل كده انت بتقل عنها راجع على ثرموستات كوعة الميه يا هاتكون بايظه او متشاله خالص لو رجعتها الحراره المفروض تفضل في النص تنزل شرطه او اتنين وترجع تاني ده الطبيعي والأفضل لعمر الموتور

لأ طبيعى لأن أنا كان عندى مشكله إن مروحة الريداتير لا تعمل بالأساس و كانت لدى مشله بفيشة الكهرباء و كانت السياره تسير بشكل طبيعى و الحراره فى المنتصف و بمجرد وقوفى لمدة لا تتجاوز الدقيقه تبدأ درجة الحراره فى الأرتفاع بمعدل كبير و بسرعه كبيره و سافرت اسكندريه حضرتك أنا ماشى على 180 - 200 كم و كان مؤشر الحراره على 70 درجه بالرغم إن مروحة الريداتير لا تعمل إطلاقا يعنى على الأقل الحراره تكون على 90 درجه المعدل الطبيعى لكن هذا ما لم يحدث... و بعدين ليتأكد صاحب السياره من كلامى ينزل يمشى بالسياره داخل البلد و هيجد إن حرارة السياره فى المعدل الطبيعى و يمشى على طريق سريع بشكل عادى هيجد حرارة السياره بمعدلها الطبيعى يبدأ يجرى و يعدى حاجز ال 120 كم/ساعه و يظل على هذه السرعه لفتره وجيزه هيجد إن حرارة السياره بدأت تنخفض