الموضوع: كرستاله ولا سيفيك مو 93-95 ولا سيفيا

مع احترامى لاراء الجميع انا هاقول رأى وانا مسئول على كل كلمة بقولها

1- بالنسبة للشكل ( اذواق ) واعتقد انة مابيختلفش علية اتنين بجمالة وشكلة الرياضى جدا

2- بالنسبة لاستهلاك البنزين 210 كم داخل البلد بعد كدة هيقل شوية على الطرق السريعة بيعمل 300 كم للصفيحة وممكن ازيد بس انا قولت اعلى استهلاك

3- بالنسبة للثبات اكيد كلة عارف يعنى اية هوندا وعفشة هوندا العربية ثابتة لحد اخر سرعة فيها غرز وملفات مش طريق مستقيم

4- قطع الغيار متوفرة وبكثرة استيراد - جديد - اصلى - يابانى - تايوانى وكل حاجة بسعرها بس نصيحتى ليك لو معكش تمن الجديد على الاقل اليابانى هات الاستيراد وتمنة مش غالى خالص

5- قلة الاعطال على حسب العربية اللى انت جايبها يعنى ماتجيبش عربية واحد مش صارف عليها ومبهدلها وتقول بتعطل وحط فى الاعتبار السعر هو اللى بيحدد النقطة دية بس عموما العربية اعطالها قليلة جدا

6- محرك السيارة قوى جدا وتسارع رهيب وفتيس اتوماتيك صاروخى بس مع الاهتمام بالصيانة وصيانة المحرك دة ( زيت كويس ونظيف - بوجيهات نظيفة - فلتر هواء يتنظف كل فترة - تنظيف بوابة كل 6 شهور ) وانسى اى مشاكل بإذن الله

7- التكييف اركب اى عربية سيفيك صاحبها محافظ عليها هتلج من السرعة 2 ( تكييفها تحفة ياباشا ) واللى عندة غير كدة يبقى مستخسر فيها او بيوديها لناس مش فاهمة

8- الصالون العربية قاعدة عجالتها 2620 وعرضها 1700 سم اعتقد مساحات كفاية جدا لاى شخص يقعد مستريح عيبها الوحيد ان سقفها منخفض ومش هيحس بية غير الراكب خلفى فقط فى حالة ان يكون السائق طولة اكتر من 185 غير كدة ( انت قاعد فى بحر )

9- العربية ارتفاعها من على الارض شوف موضوع التعلية اللى انا عاملة لو العربية حكت معاك تعالى قولى بس ماتجيبليش مطب 2 متر وتقولى بتحك ومعلش الكريستالة كأنك قاعد على الارض لكن السيفيك اعلى منها وانا واثق من كدة كويس

10- سعر العربية لو حالتها جيدة هتعمل 45 الف لو حالتها جيدة جدا هتعمل 47-48 لو حالتها ممتازة هتعمل 50-52 لو حالة شاذة فابريكة برة وجوة هتعمل 55 الف ( من 40 الى 45 ) اعرف ان العربية عايزة مصاريف

11- اكشف كويس جدا عليها عشان لو العربية طلعت وحشة يبقى انت كدة هتدفع كتييييييييير لحد ماتظبطها لكن لو طلعت حلوة انسى انك تركب حاجة او تعجبك حاجة غيرها وبجد

12- اوبشن السيفيك رهيييييييييييييب لأبعد الحدود فيها كل حاجة كأنك راكب عربية 2008 بالعكس فيها حاجات مش موجودة فى معظم السيارات وبتنافس بقوة فى الشكل والاداء والثبات يعنى ماتستغربش لو لقيت نفسك متفوق على عربيات المانى 2010 فى الثبات والمحرك لان دة الطبيعى لانك معاك محرك 1600 سى سى قوتة 130 حصان على وزن 1150 كجم مع توزيع هائل للفرامل والقوة + ايروديناميك عالى جدا بتخلى العربية كل مابتزود السرعة بتكلبش فى الارض

13- سرعة العربية القصوى 220 كم هتلى عربية من نفس فئتها فى الوقت دة او حاليا بتجيب 220 الا القليل

14- العربية مريحة جدا على الطريق , وانسى انك سايق اصلا من نعوميتها وثباتها وعزلها

انا قولتلك كل مميزات العربية عيوبها بقى :

1- لازم صيانة عند ناس بتفهم والا مش هتعرف تركب العربية

2- اقل قطع غيار هتجيبها جديد اليابانى مالكش دعوة ولا بالتايوانى او الصينى اخر الشارع وهتعطل بيك خليك فى الاستيراد احسن

3- لو المحرك حدث فية مشكلة يستلزم تغيرة اعرف ان التكلفة هتبقى 6000 جنية لاى نوع من المحركات ماعدا ال SiR

4- العربية مع بنزين اقل من 92 مش هتظبط معاك

5- عفشة العربية ناشفة شوية بس مش زى الجديد بتوع اليومين دول بس جميلة ومريحة وخصوصا على السفر

المشاركة الأصلية كتبت بواسطة aboomar22

سمسم خلاص خلص كل الكام بجد انا حبيت العربية دى من حب سمسم فيها اهى فرصة برضه نقله الف الف مبروك يا سمسم اصله عريس جديد بس انا عندى راىء ارفع العربية فى مركز خدمة وسيبك من انك تاخد معاك صنايعى اولا لو مبيفهمش فى نوع وموديل العربية عمره ماهيقول معرفش هيفتى طبعا تانى حاجة عن تجربة سابقة يقولك ليه نجيب عربية ب 50 احنا نشوف حاجة 40 -42 ونشدها على ادينا او العربية اساسيتها حلوه بس محتاجة الف - الفين اعرف فى الحالتين دول ان عمر الشد مايخليها عربية كويسة الا اذا كنت انت محترف وتدفع اكتر من حسبتك بكتيييير واعرف ان الاف الفين هيخشوا فى 6 -7 وبرضه مش هتبقى تمام دور على عربية كويسة ارفعها فى مركز خدمة اسال على الموديل لان فيه عربيات نفس الموديل مثلا هوندا ex si sir الفرق بنهم كبير مش كلهم نفس السنة يعنى كلهم زى بعض واللى هيفيدك فى النقطة دى المنتدى فى قسم المخصص لكل سيارة وبالتوفيق ان شاء الله

الله يبارك فيك ياباشا دة بس من زوقك وان شاء الله نتمنى نشوفك فى اى مقابلة للهونداوية اهوة نتعرف عليك