يارتنى ماركبتها !

**mody1221** · 27-12-2011 05:48 PM

الاخوة الكرام طلبت معايا اركب فوجات نزلت اشتريتها وطلعت عالتوكيل اركبهم قاللى معنديش فوجات قولتللة انا اشترتهم وعايز اركبهم بس قاللى اسف مابنركبش غير الاوريجنال !!!
طبعا اتحرق دمى لانى ماكنتش عايز افك الضفيرة برة التوكيل المهم سألت دلونى على واحد كويس روحت لة فك الاكصدام طبعا والشبكة وركبهم وحط الاكصدام شكلة زفت مفارق عند الفوانيس !!!
ندمت انى اشتريتهم بصراحة لسبب اكبر وهو انى لما بفتح النور الواطى او ارعش بالعالى بلاقى نور التابلوة بيضعف ولما اطفى العالى او الواطى نور التابلوة بيرجع تانى اعمل اية يا جماعة ؟؟ انا زهقت جدا وندمت انى ركبت الزفت الفوجات دى.
هل ارجعلة تانى اخلية يفك سلكهم ويبقو منظر بس؟؟؟؟لانى قلقان من موضوع النور دة ونسيت فى حاجة كمان لما انور العالى صوت الموتور بيعلى والاقى العربية كأنى زودت بنزين. اية رأيكم اعمل اية ؟؟؟؟

**ahmedsrs** · 27-12-2011 06:06 PM

روح للراجل خليه يفك سلكهم ومتخليهوش يعك فى حاجة تانية لو الدنيا رجعت ذى الاول يبقى خلاص لو لسة فى نفس المشكلة روح للتوكيل او حد فاهم

**eldell** · 27-12-2011 06:40 PM

شكل الى ركبهم عك فى حاجه روحله تانى او روح لكهربائى تانى انا مركبهم عندى ومفيش حاجه من الحجات ديه حصلت معايا

**Ralliart** · 27-12-2011 07:25 PM

لو الكهربائي مركبش كتاوت روح اشتمه وركب كتاوت عند واحد بيفهم

**momo44** · 27-12-2011 10:22 PM

المشاركة الأصلية كتبت بواسطة Ralliart

لو الكهربائي مركبش كتاوت روح اشتمه وركب كتاوت عند واحد بيفهم

+100000000000000000

**Land_Cruiser** · 27-12-2011 10:34 PM

المشاركة الأصلية كتبت بواسطة momo44

+100000000000000000

ده كهربائى ده اللى روحتله و لا فطاطرى!!! لازم كتاوت طبعا زى ما الاخوه قاللو لحضرتك

**M.Elgergawy** · 28-12-2011 10:08 AM

وهو اصلا فك الاكصدام والشبكة ليه هو كان فك الطبتين وهيلاقي توصيلات الفوجات موجودة والمفروض انك بتشتري طقم الفوجات بالضفيرة والزرار والمفروض يوصلهم على كتاوت عشان متعملش كل دا ماهو لو كل واحد هيركب فوجات يفك الاكصدام عنها متركبت

**Samooh_2003** · 28-12-2011 04:17 PM

بص انا كنت مركب زيك كدا ومع احترامي للجميع مش لازم الكتاوت عشان تشتغل ولما ركبتهم مافكتش اكصدام وكانو جايين بالضفيرة بتاعتهم والزرار انا طلبت من اللي اركبهم انهم يشتغلو مع اول تكة نور اللي هي السهاري واتحكم انا فيها من الزرار زي الطبيعي ... تقبل مروري وحاول شوف حد نظيف من اصحابك هايفيدك اكيد وركب عندو ووفر علي نفسك انه يلعب فيها تاني ماتضمنش المرة الجاية يعمل ايه فيها تاني ومبروك عليك ويكفيك الشر انشالله

**eldell** · 28-12-2011 06:44 PM

المشاركة الأصلية كتبت بواسطة محمد الجرجاوي

وهو اصلا فك الاكصدام والشبكة ليه هو كان فك الطبتين وهيلاقي توصيلات الفوجات موجودة والمفروض انك بتشتري طقم الفوجات بالضفيرة والزرار والمفروض يوصلهم على كتاوت عشان متعملش كل دا ماهو لو كل واحد هيركب فوجات يفك الاكصدام عنها متركبت

لازم يامحمد باشا يفك الاكصدام علشان يثبت الفوجات من جوه ويوصل السلك والزورار وعلشان يفك الطبه ديه لازم من جوه مش من بره ولو نزل من تحت الاكصدام هيلاقى الكارتيره مش هيعرف يشتغل من تحتها

المشاركة الأصلية كتبت بواسطة samooh_2003

بص انا كنت مركب زيك كدا ومع احترامي للجميع مش لازم الكتاوت عشان تشتغل ولما ركبتهم مافكتش اكصدام وكانو جايين بالضفيرة بتاعتهم والزرار انا طلبت من اللي اركبهم انهم يشتغلو مع اول تكة نور اللي هي السهاري واتحكم انا فيها من الزرار زي الطبيعي ... تقبل مروري وحاول شوف حد نظيف من اصحابك هايفيدك اكيد وركب عندو ووفر علي نفسك انه يلعب فيها تاني ماتضمنش المرة الجاية يعمل ايه فيها تاني ومبروك عليك ويكفيك الشر انشالله

مع احترامى لكلام حضرتك ازاى ركبهم من غير مايفك الاكصدام ممكن يكون فك الكارتيره بدل الاكصدام؟ تقبل مرورى

**Ralliart** · 28-12-2011 07:03 PM

انا عمري في حياتي ما شفت فوجات من غير كتاوت واللي في عربيتي الاصليين راكبين بكتاوت
وبالنسبة لفك الاكصدام انا بغير اللمبة بفك الكارتيرة بس
معرفش تركيبهم هينفع من الكرتيرة ولا لأ