الموضوع: استشارة فوردية

كان عندي فيستا موديل 97 موتور 1300cc و بعتها للاسف نظرا لاحتياجي لسيولة
بجد الفيستا عربية فوق الممتازة و ثابته علي الارض بشكل رهيب
موتورها كويس و مناسب و اداءه عالي -شرط الحالة الجيدة طبعا-
السيارة معمرة للغاية -بردة بشرط حالتها-

يعيبها قلة و ندرة الميكانيكية اللي بيفهموا في اصلاحها علي الرغم من بساطنها -انا جبت من برة Haynes Workshop service and repair manual و ده شارح كل مسمار في العربية و كيفية اصلاحه او استبدالة و امتي وازاي- انا حسيت اني ممكن اصلحها بنفسي بجد لولا عدم امتلاكي للعدد الازمة.

العيب الثاني هو انخفاضها علي الارض قليلا و بالتالي بتحك في المطبات العالية خصوصا لو محملة.
اسعار قطع الغيار بعكس كل الناس ما بتقول عن تجربة بأمانة مش غالية بل متوسطة و اقرب لانها تكون رخيصة مقارنة بالياباني و بعض الكوري .

-