خبطني و كمان عاوز يضربني :((
يا جماعه انا مصدوم مش مصدق ان في ناس لسه بتفكر بالتفكير البدائي و الغبي ده ان البلطجه هي الحل و الصوت العالي و الخناق سواقين الميكروباصات اظن بيحترمو الي ادهم اكثر من الشخص الي قبلته النهدرا
انا كنت مروح علي الساعه 11.30 و كنت مستعجل لاني عندي شغل كتير و عاوز انجزه
كنت ماشي بعزم العربيه عادي و اعد اغرز علي الهادي عشان انجز طريقي لقيت زفه بخلع منها لقيت عربيه كورولا اشتغل علي خطاف قلت اشطا كملت لعب و كان في بعض الغرز بتتقفل عليه و يتأخر شويه و ييجي تاني و عند بوابت الجلاء كدا خد كام غرزه بعد عنه هو جه بعدها جمبي بصيت ليه و بعدين بصيت ادامي و كنت معلي الاغاني كملت و دخلت احمد ماهر و هو كان جاي جري من بعيد و اظنه كان مدايق انا كنت بلف خبطني من الباب الشمال خبطه خفيفه و خد الملف قبلي و كمل و كان عاوز يخش الشارع الي بعد شرعي كبست و دخلت قبله و وقفت خبطني من الباب اليمين ورا و طبق حته في الباب نزلنا كان باين عليه انو ابن ناس لكن اسلوبه كان حقير جدا و اعد يزعق و يقول لي امشي و عملنا مشكله بالصوت جامد صحبه اعد يراضيني و ركبني العربيه و هو بردو اعد يزعق و انا كنت لسه مولع لاني كنت بكلمه بحترام و هو كان قليل الادب جدا :angry06:
اعد يقول لي اطلع و نزل تاني الناس اتلمت عليه و كان في شباب مش عارف جت منين مسكوه هزئوه و بيعلي صوته الناس مسكت فيه و ضربته هو و صحبه و انا واقف زهول و مصدوم من الي وصلت ليه المشكله و باقي الزفه رجعت و اعدو يتكلمو و حصل حوار كبير و اعدو يراضوني و هو بردو مصر اننا هنتقابل تاني و هيتخانق معايا !!
مستوي فكري متدني جدا و اسلوب سئ و كل ده عشان شده خفيفه معداش فيها يبقا عاوز يضربني ايه الي بيحصل ده يا جماعه هو الناس بقت منفسنه و تفكرها سئ جدا كدا ليه دي مش اول مره اشد مع اي حد يكون عاوز يخبطني او يكون عوزني اخبط حد تاني لاني معديه انا هبطل اشد مع اي حد معرفوش خالص مادام الناس بقت معتبره الشد حياه او موت بالشكل ده انا حزين جدا علي مستوي التفكير السئ جدا الي في ناس لسه بتفكر بيه :((
ربنا يهدي الجميع :S_thum1[1]: