الموضوع: خبطني و كمان عاوز يضربني :((

المشاركة الأصلية كتبت بواسطة matrix_it

سيبك منه مش هتنزل مستواك لمستواه و لو شفته تانى اضربه انت يبقى كدة اضرب مرتين بسبب تافه ههههههههههههههه
انسى الموضوع دة خااالص بذات لو انت زى بتاخد كل حاجة على اعصاااابك
الناس دى مش عرفة ترضى غرورها ازاااى و عندهم مبدا شبعة بعد جوعة

عندك حق ولله انا فعلا غلطان اني طولت مع واحد زي ده في الحوار لان النقص كان باين في عينه اصلا :(

المشاركة الأصلية كتبت بواسطة fgfg1975

الغريب ان كل واحد عمل كبير
زمان كل واحد كان عارف مستواه و ميقدرش يفتح فى الاعلى منه
سيبك انت مفيش فايده

كل واحد بيعمل فيها كبير و يعمل مشكله و بعدين ياخد علي دماغه طب هو ليه كل واحد ميكنشي عارف حدوده و ليه ميتعملشي مع الناس كلهم بما يرضي الله ليه المحترم يزعق معاه و قليل الادب يحترمه

المشاركة الأصلية كتبت بواسطة formulator

عايز رأيى بصراحة,
انت غلطاااااااااااااان يا ميدو medoakef
انت اول ما كنت لقيته كده (غشيم او منفسن), المفروض ماكنتش تكمل شد معاه..؟!!
ماتشدش الا مع الناس اللى بتفهم, عشان لا يخبطك ولا يلبسك (او يلبس نفسه) فـ حاجة..
الشد الـfreindly يعنى..

لكن ده, المفروض يا معلم كنت تأخر نفسك سيكا عنه..
او تفرك من الزفة, وتاخد طريق تاااااااااانى غير اللى هو ماشى فيه خاااااااااالص..؟!!!

اللى زى كده: لاااااااااااااازم تقصر معاه..

صح يا ريس لكن هو مكنشي باين منه اي حاجه الا عند الملف و الحقيقه دمي اتحرق لاني مكلمتوش و هو بيخبطني لكن عموما انا بعمل زي ما انت بتقول اي حد بلاقيه بيهبل بخلع منه لكن الزفه كانت هاديه جدا و مكنشي باين فيها اي غباء

المشاركة الأصلية كتبت بواسطة max_ziro

لسة حاصل معايا نفس الموضوع
بس تطور لحد مد الايد و كمان كانوا 3 افراد و انا لوحدى
مسكت واحد منهم عورتة فى وشة و الاتنين التانيين عملوا فيا كل الى هم عايزينة هههههههههههههههههه
مع العلم انة هو الى خبطنى فى باب السواق ولما طلعت اجرى وراة كان بييجى عليا عشان يخبطنة بجمب العربية عشان مجريش وراة و كمان هو الى بدء بمد الايد دة ب الاضافة لطولة اللسان الى وصلت لسب الدين
اول موصلت لمد ايد قولت همسكة اموتة و الى يحصل يحصل فعلا
مسبتوش غير لما شوفت دمة و كمان الناس فى الشارع هى الى فكتة منى و اصحابة كانوا عمالين يضربوا فيا اول ما فك من ايدى خدوا العربية و طلعوا يجروا

لا حول ولا قوه الا بالله و لو الشخص ده كان نزل قال اسف ولا قال معلشي مخدش بالي ولا قال اؤمورني بالي انت عوزه اكيد انت كنت قلت له اتكل علي الله و كان الموضوع كله خلص لكن شغل النفسنه و التفكير الغلط ده ديما هو الي بيعمل المشاكل و يكبرها من لا شئ
ولله انا كنت لحظات و هتوصل معايا لمد الايد لكن كنت ماسك نفسي لاني في منطقتي و كنت مزهول من انو غلطان و بيقول لي امشي و كأن الي واقف ادامه شاب توتو و انا اعد اضربها في دماغي اتخانق ولا و اقول الخناق مفيش منه اي فيده و كنت اتمني انو يهدي و يقول اسف او يراضيني بأي شئ لاني مش عاوز ادعي عليه ولا عاوز اتخانق معاه :(
عموما انا نزلت دورت علي العربيه المبارح لكن ملقتهاش و وصليت ناس كتير عشان يوصلو ليها عشان اخلص بردو الموضوع و اعرفه ان الخناق و البلطجه مش هي الحل و ربنا يهدي الجميع يا رب