لادا 2107

**lad** · 31-12-2011 01:48 AM

والله العظيم ليندم لو جبها خليه يشترها و الايام بيننا لما اقولك جبت اربع عربيات واقولك متجبهاش تفهم من كدا اه ياعم بقولك المصرى منها بينزل ابلتين وكوندنسر (ابلتتتتييييييييييييييييي� �ييييين وكوندنسرررررررررررررر) سنه 2012 وتجيب الروسى ب 54 الف جنيه فلادا و بيقولك الحق احسن مش هتنزل تانى مانشاله عنها منزلت

**a7madramadan** · 31-12-2011 02:28 AM

انا شاري 2009 في اول 2010 زيرو رااااااااااائعة صيانتها رخيييييصة وما عملتلهاش صيانة لحاجات باظت من الأساس الحمد لله لحد دالوقتي مجرد صيانة دورية وتربيط عفشة وبس

العربية ممتازة لو هيمشي مشاوير كتير فالعشوائيات او عربية متوقع منها انه يثقل عليها وتتحمل

بس للأمانة العربية مش عربية رفاهية ولو والد حضرتك سنة كبير قوي او لا سمح الله عنده من الأمراض ما ينهكه جدا او بيتعب قوي قوي من المشاوير الصغييرة ما اعتقدش انها مناسبة قوي ليه لانها عربية ناشفة في معاملتها شوية ويحتاج عربية خفيفة شوية ورفاهيتها أعلى شوية

ومايمنعش انها عربية تقدر تخليها بقزاز كهربائي بحوالي 450 جنيه و ممكن تجيبها مكيفة بس التكييف أدائه متوسط الى ضعيف مقارنة بالعربيات الي فيها تكييف كويس لان العربية مش معزولة حراريا بشكل كويس وكمان يقدر يضيف ليها كل الكماليات الي يحتاجها الي تزيد من رفاهية العربية زي حضرته عاوز

عموما انا شخصيا باقولك العربية تستحق كل جنيه هتدفعه فيها مقارنة بأسعار سوق العربيات ....رينج الــ 50 ألف جنيه سعر كويس جدا ليها ولو العربية مناسبة ليه وبتفكر فالسعر هأقول لحضرتك نصيحة أخوية اشتري وانت مغمض عربية العمر

**mirra** · 31-12-2011 02:03 PM

ايوة كدة يا اخى انصف ال 2107 شوية احسن الجماعة شادين السلخ عليها قوى.و اللة العظيم بالنسبة لتمنها العربية اكتر من رائعة و تسوى اكتر كمان وقارنوا بينها و بين العربيات الصينى الكرتونية اللى فى نفس السعر.

**ahmdmagdy** · 01-01-2012 01:59 AM

المختصر المفيد في الـ2107 انها عربيه ممتازه بس مفيهاش وسائل الرفاهيه

**mirra** · 01-01-2012 02:23 PM

المشاركة الأصلية كتبت بواسطة ahmdmagdy

المختصر المفيد في الـ2107 انها عربيه ممتازه بس مفيهاش وسائل الرفاهيه

هو دة الكلام.

**tifa55555** · 01-01-2012 08:59 PM

المميزات
قويه - تتحمل الطرق المصريه - تتحمل اوزان زى ما انت عايز -قطع غيار رخيصه - سهلة ممكن تصلح فيها حاجات بنفسك
عيوبها
ناشفه - مش بتاعة سرعه عاليه علشان تتحكم فيها كويس- ما فيهاش رفاهيه -محتاجه تربيط عفشه كل شهرين تلاته حسب المشى - شكلها
رأيى الشخصى توكل على الله اشتريها طالما المتاح لديك مبلغ ال50000 جنيه

**ayad2007** · 07-01-2012 11:13 PM

انا عندي لادا 2107 مو 2004 مصري عربية الحقيقة حمالة أسية انا شاريها مستعملة من سنتين تقريباً و الحمد لله لا احتاج الميكانيكي إلا عند تغيير الزيت فقط. و بربط العفشة مرة كل سنة غير كدة مافيش مشاكل و لا سخونة و لا حاجة عادي طالما الريدياتير سليم خلاص . فهي عربية عملية ممكن تكون فعلاً مش مريحه في سواقتها. و ده عادي لما تتعود عليه . و الله علي ما اقولة شهيد