أوبل كورسا 1600 cc سيدان مو 2007 - عيوبها ومميزاتها
السلام عليكم ورحمة الله وبركاته
أنا بفكر جدياً أني أشتري عربية أوبل كورسا سيدان، وفعلاً ربنا وفقني ولقيت واحدة بالمواصفات اللي أنا عايزاها، بس كل ما أتكلم عن العربية دي مع أي حد من اللي بيفهموا في العربيات يقوللي دي مش زي الألماني، كويسة اه بس مش زي بقية الأوبل
وأن الله خلاني أفكر فيها أصلاً هو أن سعرها مناسب بالنسبالي و امكانياتها هي اللي بدور عليه، أنا طريق الشغل بتاعي يعتبر طريق سفر و بما أنه دي هتبقى أول عربية ليا و عندي أمل أنه إن شاء الله مبيعهاش قبل 5 سنين كده على الأقل، ف كنت عايزة حاجة محترمة و حجمها مش صغير لأني مبحبش العربيات الصغيرة ولا شايفة أنه عشان أنا بنت لازم أجيب حاجة صغيرة زي كيا بيكانتو و الكلام ده
معلش أنا طولت في الكلام، بس أنا كنت عايزة إذا سمحتوا أسأل أهل الخبرة عليها، وهل أنا اخترت صح ولا لأ؟
وبرضو كنت عايزة أضيف أنه العربية اللي أنا لقيتها دي و بفكر أشتريها لما جيت أكشف عليها النهاردة في مركز خدمة أوبل في شارع الطيران، مش نفع انها تدخل كشف عام علشان هي عملت صيانة بره، مع أنها كانت بتعمل صيانة قبل كده عندهم في نفس المكان، هل ده حاجة المفروض أقلق منها ولا أتكل على الله؟
و ميرسي جدا و معلش عشان طولت عليكم
