الموضوع: أوبل كورسا 1600 cc سيدان مو 2007 - عيوبها ومميزاتها

بجد شكراً جداً على كل الردود دي والسرعة كمان :)
Hellboy: أنا متشكرة جداً على المعلومة دي، وعموماً أنا هحطها في الإعتبار لما اعمل كشف عليها تاني في مكان تاني
Heshamxp: أنا مش عارفة هما ليه معقدينها كده، بس يمكن عشان خايفين أنه حاجة تبوظ مثلاً وهما بيكشفوا عليها، أنا أصلي روحتلهم الأسبوع اللي فات عشان عربية تانية من نفس النوع لكن هما قالوا أنه عشان العربية مدخلتش ولا مرة في أي صيانة عندهم (وعلى مدار 7 سنين ده يبقى عيب كبير) وأنها لسه متسجلة عندهم على السيستم بإسم جنرال موتورز ومش اسم المالك، ف مش وافقوا أنها تدخل
بس العربية دي (وهي الحمد لله حالتها أحسن من الأولانية) راحت عندهم كتير وفي نفس الفرع كمان، بس عشان هي عملت صيانة بعد كده عند واحد كده في الحرفيين، راحوا زرجنوا
Mohamedaraby: أنا دخلت و كلمت مدير الفرع نفسه و هو رفض، الفكرة هي أنه بالمنظر ده مين بيعمل صيانة هناك، يعني هو كل العربيات اللي بتروح هناك كلها عمرها ما عملت أي حاجة برا، الكلام ده مش منطقي خالص.

أنا شخصياً مقتنعة بالعربية دي لأسباب كتيرة، وربنا يجيب اللي فيه الخير، أنا قررت أروح أكشف عليها في أي مكان تاني لأني بصراحة (مع كامل احترامي) اتقفلت خالص من مركز الطيران ده، اصله مش مشوار يعني و وقت و ترتيبات واجازة من الشغل عشان أروح مرتين ويتقالي لأ

وكنت عايزة أسأل سؤال تاني معلش، ايه هي الأماكن التانية اللي ممكن أروحلها (بعيداً عن منصور) سواء للكشف على العربية أو للصيانة بعد كده كمان
أنا عارفة عن مركز صيانة على طريق الأوتوستراد جنب بنزينة أسو المعادي، وبما اني ساكنة في المعادي و ده أقرب حاجة ليا، كنت عايزة أسأل لو حد اتعامل معاهم قبل كده عن رأيه فيهم

ميرسي جداً مقدماً و بجد أحسن حاجة عملتها هي اني سجلت هنا

ميرسي جداً يا أستاذ فادي، ربنا يباركلك يا رب
ربنا يسهل يا رب و الأمور تتيسر إن شاء الله