معروض عليا لانسر مكوة خليجي..قولولي رأيكم فيها

**start_wow** · 29-12-2011 01:49 PM

السلام عليكم شباب اللانسر
معروض عليا لانسر مكوة موديل 2001 خليجي كاملة اوتوماتيك وعليها طقم جنط وكاسيت سي دي علي كلام صاحب المعرض بيقولي عاملة 95 الف كيلو بس!!! وهيا فبركية برة وجوه وعلي فكرة هيا 1600 سي سي مش 1300 وهيا انجيكشن مش كربراتير والسعر المعروض 68 الف...ايه رأيكم وازاي اتاكد انها خليجي مش مصري ورأيكم في قطع الغيار ايه ؟؟ متوفرة ولا لأ وسعرها كويس ولا عالي لان المعروض دايما في اللانسر بيكون البومة او الكريستالة لكن مش عارف المكوة قطع غيارها زيهم ولا ايه ورأيكم في السعر كده كتير ولا قليل ولو حد جرب المكوة يقولي عربية حلوة حمالة اسية واعتمادية ولا اصرف نظر عنها ؟؟
وشكرا ليكم مقدما...

**mr_vampire** · 29-12-2011 02:22 PM

لقطة ولو عرفت تنزلها شوية يبقي تمام التمام.

**eldell** · 29-12-2011 03:52 PM

السعر كتييير ياباشا وياريت تبص الاول انت على العربيه متاخدش بكلام بتوع المعارض علشان بتسمع حاجه تروح تلاقى حاجه تانيه وبالتوفيق ياكبييير

**start_wow** · 29-12-2011 04:08 PM

طيب السعر المناسب يكون كام ؟؟ وبالنسبة للفتيس الاوتوماتيك منه مشاكل في الموديلات دي وخاصة بعد عشر سنوات من العمل ولا الفتيس لو حالته كويسة يعيش اكتر ؟؟

**SASA3** · 29-12-2011 07:39 PM

الى اقدر اقولهولك الصراحة ان العربية ده حمالة اسية بغبااااااااااااااء و اديها تقول كمان
و مكنة 1600 احسن بس انت ممكن تاخد لفه و تسال على قطع الغيار بالنسبة للاسعار اما بالنسبة للانتشار فأنت بتتكلم فى لانسر يعنى اول عربيه فى مصر

و انت اول ما تفتح باب السواق المفروض تلاقى فى القايم تحت بادج متبرشم عليه موديل السنة و رقم الهيكل
و مكتوب انها مطابقة للمواصفات الخليجية

**maay93** · 30-12-2011 11:12 PM

المشاركة الأصلية كتبت بواسطة sasa3

الى اقدر اقولهولك الصراحة ان العربية ده حمالة اسية بغبااااااااااااااء و اديها تقول كمان
و مكنة 1600 احسن بس انت ممكن تاخد لفه و تسال على قطع الغيار بالنسبة للاسعار اما بالنسبة للانتشار فأنت بتتكلم فى لانسر يعنى اول عربيه فى مصر

و انت اول ما تفتح باب السواق المفروض تلاقى فى القايم تحت بادج متبرشم عليه موديل السنة و رقم الهيكل
و مكتوب انها مطابقة للمواصفات الخليجية

+1111111
بالنسبة للمكواة انا شايفها وعلي حسب معلوماتي هي هي البوما سواء في الفتيس اوالموتور(الانجكشن) وحتي نظام العفشة في المودلات الي حد 2006 الاختلاف فس البودي الخارجي بس
بالنسبة للسعر اهم حاجة عندنا سوق العربية البوما في الموصفات الي بتحكي عليها مستحيل تجبها اما بالنسبة للمكوا في من 55 لحد 70 كاقصي تقدير (كاوتش ودهان......من الاخر مش عايزة مصاريف وطبعا فبريكة)
بالنسبة للعربية الي بتحكي عنها انا شايف 68000 سعر مناسب لو مش محتاجة مصاريف والموديل الكامل فتحة سقف والجنوط الاصلية وتنزل 2000 عشان الموديل وهكذا علي حسب الحالة وسلام عليكم

**alzelafy** · 07-01-2012 02:59 AM

بص انا بعتبر المكواة احسن عربيه فى مصر و نفسى فيها بعد الشارك طبعا بس السعر انا شايف انو عالى انتا تجيبها 2001 كربراتير و هى دى الميزة اللى فيها و هتلاقيها ب 63 الف و شوف على كونتاكت كارز انتا بالسعر دة تجيب بومه مستريح

**Samooh_2003** · 07-01-2012 10:09 AM

فعلا السعر ده يجيب بومة وتقبل مروري

**Haitham10** · 07-01-2012 12:31 PM

لو العربيه حالتها عجباك وعاجبك شكلها اتوكل علي الله
لو متردد جامد ممكن تشتري بومة وخلاص

وبالمناسبة الكربراتير في المكواة مع الاوتوماتيك مش ميزة ابدا .. بيخليها تاكل بنزين خصوصا جو البلد
وال1600 بتوفر عنه كتير جدا

وهي عربيه حمالة آسية فعلا .. كفايه انها مستحملانا ههههههههههه