رينو كليو 2003 الشكل الجديد

**ahmad114** · 29-12-2011 03:34 PM

بسم الله الرحمن الرحيم

← الماركة والموديل /رينو كليو 2003 الشكل الجديد
← اللون /فيراني
← الكماليات /سنتر انذار و تكييف
← حالة رش الدواخل /فبريكه بالكامل
← حالة رش الخوارج /رشه نظافه و زى الجديده
← حالة الموتور /ممتازه جدا
← حالة الكاوتش /الاماميين جداد تماما الخلفي جيد
← مكان المعاينة /الهرم
← السعر المبدئي /38 الف جنيه
← انتهاء الرخصة /حتي 2014
← الاتصال / 01221511090

← عدد الكيلو مترات /128 الف كيلو(لها صيانه عند 130 الف كيلو , لانى عامل صيانه ال 60 عند ال 70 الف)

الحاله العامه للعربيه جيده جدا
انا مالك العربيه و ليست توكيل
بجد يا جماعه العربيه ديه افضل من فيرنا و لانوس لانها اوروبي و اللي بيفهم فى العربيات يعرف يعني ايه اوروبي ثابته جدا على السرعات العاليه و العفشه بتعتها نعامه جدا و العربيه عاليه عن الارض و مبتتهزش لحد 160 بعد كده مجربتش الصراحه :) , برضه العربيه ممتازه فى المناوره و شكلها شيك
العربيه بها اير باج للسائق و فيها ميزه تانيه كتير ميعرفهاش انها مستحيل تمشي من غير المفتاح يعني تطمن من موضوع السرقه ده تماما و تسيب بابها مفتوح و الجدع يمشيها :)
لان المفتاح فيه رقاقه الكترونيه من غيرها العربيه مستحيل تقوم
العربيه برضه معها مفتاحين
فرش العربيه من الداخل جلد اسود و التبلوه بتعها شكله حلو جدا
اللى عاوز يعاينها يتصل بيا افضل علشان مش بدخل كتير على المنتدى
نسيت سبب البيع التحديث لولا كده مكنتش افرط فيها
بالنسبه للى هيسأل عن الصور , ان شاء الله يومين و انزل صور ليها

**hzyn** · 01-01-2012 09:20 PM

حرام عليك تقلل سعرها كده
المفروض الا تقل عن 42000

**ahmad114** · 03-01-2012 12:19 AM

تم انزال السعر لى 36 الف , بسبب اكتشافي ان بسبب تريحه عملتها من قبل عملت انحناء بسيط فى عمود الصلب اللى خلف الاكصدام من الناحيه اليمين , رحت بيها لسمكرى قالى انها بعيده تماما عن حوض الماتور و غير مؤثره , و برضه اللى يحب يوريها لسمكرى معرفته مفيش مشكله
الموضوع ده عرفته من بعد ما عملت الاعلان

**حماده المصري** · 03-01-2012 02:55 AM

قصدك بايه عمود الصلب الفرده من الشاسيه ولا قصدك شاسيه الاكصدام

**mone_eg** · 03-01-2012 09:36 AM

بالتوفيق فى البيع
شكرا لامانه العرض

**zomzom11** · 03-01-2012 12:40 PM

كانت معايا 2002 الشكل القديم وكانت تحفه والله عربيه محترمه بجد وكانت 1200 سى سى وللاسف بعتها ب 36 ملهاش سوق مع انها عربيه محترمه جدا عيبها غلو قطع الغيار وغلو التوكيل وقلة الصنايعيه الى بيشتغلو فيها بره دى عيوبها لكن مميزاتها محترمه ثباتها كويس صالون حلو قويه تكيفها تلاجه رغم انها 1200 سى سى شنطتها واسعه جدا بحر فعلا بس للاسف لازم تكون عارف صنايعى بيشتغل فيها او عليك وعالتوكيل ومراكز صيانتها منتشره بس مش كتير المقطم والرحاب
انا مش هاشترى بس حبيت اقول راى فى العربيه لانها كانت معايا والله العظيم محترمه جدا بس احنا فى بلد الكورى

**vmallek** · 04-01-2012 01:40 AM

شنطة ولا هاتشباك

**vmallek** · 04-01-2012 01:42 AM

الموتور كام سي سي

**ahmad114** · 04-01-2012 10:35 AM

المشاركة الأصلية كتبت بواسطة حماده المصري

قصدك بايه عمود الصلب الفرده من الشاسيه ولا قصدك شاسيه الاكصدام

انا معرفش اوى فى العربيات بس هو العمود الصلب اللى واصل بالاكصدام , و مش باينه اوى يعني اللى يدقق فيها بس يحس بحاجه فيها , بس بعيده تماما عن حوض الماتور لانها ورا الاكصدام على طول

**ahmad114** · 04-01-2012 10:39 AM

المشاركة الأصلية كتبت بواسطة zomzom11

كانت معايا 2002 الشكل القديم وكانت تحفه والله عربيه محترمه بجد وكانت 1200 سى سى وللاسف بعتها ب 36 ملهاش سوق مع انها عربيه محترمه جدا عيبها غلو قطع الغيار وغلو التوكيل وقلة الصنايعيه الى بيشتغلو فيها بره دى عيوبها لكن مميزاتها محترمه ثباتها كويس صالون حلو قويه تكيفها تلاجه رغم انها 1200 سى سى شنطتها واسعه جدا بحر فعلا بس للاسف لازم تكون عارف صنايعى بيشتغل فيها او عليك وعالتوكيل ومراكز صيانتها منتشره بس مش كتير المقطم والرحاب
انا مش هاشترى بس حبيت اقول راى فى العربيه لانها كانت معايا والله العظيم محترمه جدا بس احنا فى بلد الكورى

كلامك سليم , بس قطع غيارها مع انها اغلى بس معمره اكتر من الكورى و الغلو مش بفرق كبير اوى عن قطع الغيار للعربيات الكورى , بالنسبه للصنايعيه بتعها فى صقر قريش فيه مجموعه ميكانيكيين لكل جزء فى العربيات الرينو و فهمين جدا , انا كنت بتعامل معاهم و فيه ميكانيكي اسمه عادل هناك ده شغال فى توكيل رينو بس ميكانيكي محترم جدا , و فيه مركز توكيل كمان فى النزهه