القدرة الحصانية و السرعة القصوي و أشياء أخري (شاركونا برأيكم..)

السلام عليكم..
يا جماعه انا شايف ان الوضع دلوقتي بالنسبة لأي حد بيفكر يشتري عربية جديدة..
زيرو او حتي مستعمله.. انه من اهم الحاجات اللي بيبص عليها و بيقارن بناء عليها القدرة الحصانية للموتور
و السعة اللترية و السرعة القصوي.. ومش هاكدب عليكم انا عن نفسي اكيد الحاجات دي بتبقي في بالي برضه..

و لو لاحظنا برضه في احيان كتير جدا في المقارنات واللي دايما بيبقي فيها عامل من التحيز شوية من الواحد لعربيته
بيبقي احد الاسباب ان عربيتي مثلا كام حصان.. و بتوصل من 0-100 في كام ثانية..

طيب.. ده كلام جميل قوي..
بس لما في مرة قعدت افكر كده شوية في الكلام ده.. لقيت ان الكلام ده كله انا شايف انه كلام تسويقي اكتر منه عملي في الشارع المصري..
و اكرر السوق المصري بالتحديد.. ليه .. تعالوا نفكر سوا بصوت عالي..

لما نتكلم عن السعة اللترية.. يمكن من فترة مش كبيرة قوي.. كانت الناس بتبص علي ان العربية اللي السعة اللترية لمحركها اعلي تبقي احسن و اقوي..
اكيد الكلام ده منطقي طبعا وصح.. اي نعم دلوقتي بعد موضوع البنزين الامور اختلفت شوية..
بس هنلاقي ان الموتور اللي السعة اللترية بتاعته اعلي شوية هو فعلا اقوي.. بس لفظ اقوي ده اكيد نسبي.. مش مطلق..
بمعني.. ان الموتور اللي السعة اللترية بتاعته اقل شوية.. ممكن جدا ان قوته تكون مقاربة او الي حد كبير مقاربة للموتور الاعلي في السعة..
ولو بصينا بقي لحاجة تانية مهمة قوي.. ان قوة الموتور اللي السعة بتاعته اقل ده ممكن تكون كافية جدا لاستخدامات الواحد مننا اليومية او حتي السفر بعربيته.. لما نتكلم عن القدرة الحصانية و السرعة القصوي الامور هتتضح اكتر..

تعالوا مثلا نشوف القدرة الحصانية..
تلاقي عربية نوعها اكس قدرة محركها 125 حصان.. و التانية قدرة 105 حصان.. طيب ده كلام جميل.. الموضوع مش بكتر الحصنة اكيد..
احنا مش في سبق ولا في اسطبل.. ممن جدا ان القدرة الاقل دي تكون كافية جدا لاستخدامنا..
بمعني تاني.. الموتور اللي قدرته 105 حصان مثلا.. هترقي انه بينتج اقصي قدرة دي امتي..؟ عند عدد لفات موتور كبير..
و هتلاقي ان في الواقع تقريبا مفيش خد فينا بيوصل لعدد لفات الموتور اللي بتولد عندها اقصي قدرة للموتور.. ولو وصل ليها يبقي قليل قوي..
يا اما بقي هومن النوع الي غاوي يسابق بعربيته.. و دي نسبه من الناس اللي لا تتجاوز 5% من السوق في مصر..
وعند عدد لفات موتور منخقض شوية.. اللي هو في السواقة العادية بتاعتنا اللي هو بين 3 و 4 الاف لفة.. تقريبا هتكون القدرة المتولدة تقريبا متساوية.. او الفروق بينها طفيفة..

حاجة تانية.. السرعة القصوي..
مين فينا جاب اخر سرعة في عداد عربيته..؟؟ في ناس كتير هتقولي انا قفلت العداد..
كام واحد..؟؟ و قفلت العداد كام مرة..؟؟ و كام مرة من دول كنت حاسس ان الطريق قدامك يساعدك علي كده..؟؟
عل الطرق في مصر تسمح .. وباقول الطرق مش القوانين.. ان الواحد يجيب سرعة كبيرة بعربيته..؟؟
هل الواحد فينا ممكن يأمن علي نفسه في شوارع و طرق البلد دي..؟ والموضوع مش طرق وبس.. لأ طرق و تصرفات غير محسوبة من مستخدمي الطريق..
يعني تضمن انك وانت ماشي في امان الله.. تلاقي خفرة في وسط الطريق..؟؟
تلاقي مطب صناعي مستخبي و من غير علامات ولا عواكس..؟؟
متلاقيش حجر مشرف في وسط اطريق..؟؟ شوية رمل ولا زيت ..؟؟
واحد راكن علي الشمال بيغير فردة كاوتش ولا حتي عربيته عطلت كسل يحركها للجنب التاني..؟؟
ولا واحد سايق نقل بسرعة 50 كم/س علي الشمال..؟؟
قولي ساعتها ممكن تعمل ايه..؟؟ هل هتلحق حتي انك تتشاهد.. (عافانا الله و اياكم.. ورزقنا الشهادة عند الموت..)
حتي لو العربية فيها امان ايه و فرامل ايه.. مطب او شوية زيت مفيلة انها تقلب العربية.. مش هاقولك خسائر في الارواح.. ربنا يسترها معانا جميعها..
هاتكلم في الاسهل من كده.. فلوس كتير قوي في تصليح العربية..

كمان حاجة.. التسارع من الصفر لل100 كم.. كام واحد فينا جرب الموضوع ده..؟؟ و فين ممكن تجربه..
وهل الامر يتعدي التجربة..؟؟ عشان تشوف الرقم اللي مكتوب علي النت ده ولا فغي الكتالوج صح ولا لأ..؟؟
بيتهيألي الاجابة باجماع هتكون محدش جرب اصلا.. (انا جربته مرة بس ملحقتش اوصل لل100 اصل عشان عجايب الطريق.. )

بلاش كل الكلام اللي قولت عليه.. الناس اللي بتتناقر و تتشاحن بخصوص ثبات العربية..
الناس فاكرة ان الصبات يعني وانت ماشي علي 200 و ماسك الدركسيون كويس.. وماشي في خط مستقيم..
ماهي اي عربية ممكن توصل للسرعة دي وهي كويسة و شوية هوا بس يخلوها تروح و تيجي..
لكن مين فينا اصلا كان شجاع انه يجرب يحود الدركسيون اصلا وهو علي سرعة اعلي من 120 ولا باقصي تقدير 140؟؟
هل حد جرب..؟؟ و لو جربت..؟؟ هل كنت واثق في عربيتك..؟؟ ولا مكنتش خايف و مرعوب احسن العربية تلف منك و تعمل مصيبة..؟؟
الحالة دي الواحد مش بيجربها غير مرة واحدة لا قدر الله وهي انه لو كان خلاص فيها مصيبة و كده كدهخربانة خلاص..
يعني اعملها و يا طابت يا 2 عور.. (لا قدرالله..)

اكيد طبعا ان الكلام اللي باقوله ده مش ساري علي كل العربيات .. يعني تقريبا كلنا عربياتنا مش مؤهلة او بمعني تاني
صعب اننا نعمل بيها الكلام ده.. هتبقي في خطورة علينا..
و الاخطر من كده ان الطرق في مصرنا هنا.. لا تسمح نهائي بالحاجات دي..
ولا حتي اننا نوصل لأننا نجرب اقصي امكانيات العربية من ثبات و سرعة قصوي و قدرة حصانية..
ولو سمحت اننا نجرب بنبقي حاطين ادينا علي قلبنا من المفاجأت..

اتمني اني اكون قدرت اوصل وجهة نظري للناس..
وهي كالتالي..
الفروق بين العربيات في الامكانيات اللي قولتها دي كلها بسيطة قوي بالنسبة للسوق بتاعنا هنا..
يعني.. كمبصش للنقط دي نظرة اساسية لما نفكر في عربية.. خلينا نكون واقعيين و نعرف بنشتري عربية عشان احتياجاتنا فيها ايه..
خلينا مش نكون متعصبين لعربية في مصلحة عربية عشان موتورها اقوي 10 حصان.. و نتخانق و نحتد علي بعض بسبب كده..
خلينا بلاش نجرب الحاجات دي عشان اللي يعمل كده بيبقي فعلا في خطر جامد جدا علي روحه ..
عشان للأسف طرقنا غير مؤهلة اننا نمشي فيها بعربيات اساسا.. اخرها عربيات نص نقل.. و تستحمل الطرق دي بالعافية اصلا..

انا اسف جدا علي الاطالة..
ووقانا الله و اياكم شر الحوادث و شر مفاجآت الطريق..

كلام حكيم يأخذ بكل إحترام ولكن قوة الحصان مش علشان السباق فقط أو السرعة العالية و لكن علشان أنت لو طالع مطلع حتحس بفرق كبير بين ماتور قوي و ماتور ضعيف كما إن الماتور القوي يجعل العربية مرتاحة وبذلك العمر الإفتراضي للماتور بيطول لأنه وفي السرعات المتوسطة بيكون مرتاح غير لما يكون ضعيف أما الناس بالتقفل العداد طبعا أنا معاك جدا إنه تهور لا مبرر له للسائق و للسيارات الأخري و كم من سائق متهور دمر أسرة بكاملها بسبب السرعة العالية و يذكرني حادث كان علي كوبري أكتوبر تسبب في قتل عائلة كاملة و ربنا يرحمنا

اقتباس:

---

المشاركة الأصلية كتبت بواسطة Salah_sr

كلام حكيم يأخذ بكل إحترام ولكن قوة الحصان مش علشان السباق فقط أو السرعة العالية و لكن علشان أنت لو طالع مطلع حتحس بفرق كبير بين ماتور قوي و ماتور ضعيف كما إن الماتور القوي يجعل العربية مرتاحة وبذلك العمر الإفتراضي للماتور بيطول لأنه وفي السرعات المتوسطة بيكون مرتاح غير لما يكون ضعيف أما الناس بالتقفل العداد طبعا أنا معاك جدا إنه تهور لا مبرر له للسائق و للسيارات الأخري و كم من سائق متهور دمر أسرة بكاملها بسبب السرعة العالية و يذكرني حادث كان علي كوبري أكتوبر تسبب في قتل عائلة كاملة و ربنا يرحمنا

---

أولا.. اشكرك علي التفاعل مع الموضوع و ابداء الرأي بطريقة في منتدي الذوق و الاحترام..
مش جديدة علي منتدانا العزيز..
بس احب اوضح نقطة.. ان المطالع بتعتمد علي العزم..و ممكن عربية موتورها صغير في السعة اللترية و يكون عزم المطالع بتاعه بيطلع بصورة كويسة علي عدد لفات موتور منخفض..
يعني احب اضيف علي كلام سعاتك انه برضه مش مقياس.. لأن العزم ممكن يكون برضه متقارب..

اقتباس:

---

المشاركة الأصلية كتبت بواسطة Salah_sr

كلام حكيم يأخذ بكل إحترام ولكن قوة الحصان مش علشان السباق فقط أو السرعة العالية و لكن علشان أنت لو طالع مطلع حتحس بفرق كبير بين ماتور قوي و ماتور ضعيف

---

بس القوة الحصانية مش هي الدليل على قوة الموتور في المطالع

بل عزم المحرك اللي بالنيوتن/متر هو اللي يفرق في المطالع و التحميل

اما الحصان فهو مقياس لقدرة الموتور على الجريبالعربية

اقتباس:

---

المشاركة الأصلية كتبت بواسطة Ahmed Samy

بس القوة الحصانية مش هي الدليل على قوة الموتور في المطالع

بل عزم المحرك اللي بالنيوتن/متر هو اللي يفرق في المطالع و التحميل

---

يعني أفهم من كدة يا أحمد إن العزم إلي بباوند /فوت ماينفعش يكون مقياس


حبيت أهزر معاك بس :)

Thanks
Eng.Sherif Shaker

كلام جميل جدا بس برضة محدش بيفكر كدة و انا حتى

لازم اجيب عربية كويسة من ناحية قوة الموتور

لأنى مجرب ال 1000 سى سى :( و ال 1600 :) فرق السماء و الأرض

اقتباس:

---

المشاركة الأصلية كتبت بواسطة fahd_628

كلام جميل جدا بس برضة محدش بيفكر كدة و انا حتى

لازم اجيب عربية كويسة من ناحية قوة الموتور

لأنى مجرب ال 1000 سى سى :( و ال 1600 :) فرق السماء و الأرض

---

انا معاك طبعا في الموضوع ده.. بس انا باتكلم علي الناس اللي ممكن تكون بتدقق قةي في عربيتين نفس السعة و فرق العزم ولا القجرة الخصانية قليل قوي..
و يحصل تشتت او نقاش حاد في المقارنات..
لكن اكيد في فرق.. بس كل واحد و احتياجاته برضه..

اقتباس:

---

يا جماعه انا شايف ان الوضع دلوقتي بالنسبة لأي حد بيفكر يشتري عربية جديدة..
زيرو او حتي مستعمله.. انه من اهم الحاجات اللي بيبص عليها و بيقارن بناء عليها القدرة الحصانية للموتور
و السعة اللترية و السرعة القصوي.. ومش هاكدب عليكم انا عن نفسي اكيد الحاجات دي بتبقي في بالي برضه..

و لو لاحظنا برضه في احيان كتير جدا في المقارنات واللي دايما بيبقي فيها عامل من التحيز شوية من الواحد لعربيته
بيبقي احد الاسباب ان عربيتي مثلا كام حصان.. و بتوصل من 0-100 في كام ثانية..

---

اقتباس:

---

بس لما في مرة قعدت افكر كده شوية في الكلام ده.. لقيت ان الكلام ده كله انا شايف انه كلام تسويقي اكتر منه عملي في الشارع المصري..
و اكرر السوق المصري بالتحديد.. ليه .. تعالوا نفكر سوا بصوت عالي

---

فعلا كلام حضرتك صحيح جدا و العبد لله لما فكرت اشترى عربيتى قاعدت اكتب معادلة كالاتى (الاحتياجات المطلوبة من هذه العربية + مصاريف الصيانة الشهرية + مصاريف الاعطال المفاجئة + مصاريف البنزين + قوة تحمل العربية + السعة اللترية + العمر الافتراضى للعربية ( موديل كام) +الامكانيات المادية للشراء + سعر اعادة البيع + مدة الاقتناء + تكلفة الاصلاح فى حالة الحوادث ( بعد الشر ) + امكانية اضافة الكماليات ( زجاج كهرباء - انذار - سنتر)و بناء على هذا و لمدة 3 شهور و اسئلة واستفسارات من خبراء المنتدى هنا والاصدقاء و سائقى التاكسى ) اخذت قرار الشراء السيارة ( لادا 2105 موديل 1994 سعة الموتور 1200 cc )

الواحد لازم يبقى عارف هو عايز اة من العربية اللي حيشتريها

و مش كل واحد لة نفس الاحتيجات

أنا معاك في كل اللي انت قلته ..
بس أحب أتناقش في الموضوع دة برضه ..
بالنسبة لإحتياج الشعب المصري مش هتزيد عن محرك 1300CC ليه .. ؟1
1- الإحتياج اليومي للسيارة مش هيزيد عن المشوار من الشغل او الكلية للبيت و العكس بالإضافة إلى المشاوير الليلية و الفسح و طبعاَ كلها بتبقى داخل البلد .
2- المحرك ال 1300CC يصل ببعض السيارات إلى سرعة 170 و 180 كلم / ساعة في حين إن السرعة الرسمية و المقررة للطرق السريعة في مصر 120 بما فيها الطرق الحرة و مش هتزيد عن 140 مستقبلاَ في حالة تطوير الطرق و زيادة السرعة يعني عندنا 40 كلم / ساعة سرعة قصوى زيادة عن الحاجة .
3- المحرك ال 1300CC فأقل بيؤمن عزم مناسب لنقل ال 5 أفراد الموجودين داخل السيارة بالإضافة إلى أمتعتهم .
4- بالنسبة للشباب اللي بيقول لك أنا قفلت العداد و حبت 200 و 210 كلم / ساعة و بيتباهى , طيب ال 210 دي ممكن تيجي برضه على موتور صغير ( محدش ياخد كلامي دة على إنه دعوة و تحريض على تقفيل العداد ) .
5- بالنسبة للتوكيلات في مصر هنا بتستغل إن الشعب المصري مش عارف مصلحته و بيشتري عربيات كبيرة و قوية و بتنزل فئات و موديلات كثيرة لإستنزاف جيوب المصريين , عندك مثلاَ التويوتا الكورولا الجديدة نازلة ب 1400CC 110HP & 1600CC 142HP طيب ليه تنزل المحرك ال 1600CC مادام التاني قوي و مكفي لإحتياجات أي أسرة تنزل بقى ال 1600CC ليه .. ؟!
بالنسبة لي أنا ببحث عن القوة بس القوة المعقولة يعني في حدود ال 110 حصان لأني ماشي بمبدا
YOU HAVE SOMETHING WHEN YOU DON'T NEED IT BETTER THAN YOU NEED SOMETHING WHEN YOU DON'T HAVE IT .
مع خالص تحياتي ..
:):)

أنا معاك في كل اللي انت قلته ..
بس أحب أتناقش في الموضوع دة برضه ..
بالنسبة لإحتياج الشعب المصري مش هتزيد عن محرك 1300CC ليه .. ؟1
1- الإحتياج اليومي للسيارة مش هيزيد عن المشوار من الشغل او الكلية للبيت و العكس بالإضافة إلى المشاوير الليلية و الفسح و طبعاَ كلها بتبقى داخل البلد .
2- المحرك ال 1300CC يصل ببعض السيارات إلى سرعة 170 و 180 كلم / ساعة في حين إن السرعة الرسمية و المقررة للطرق السريعة في مصر 120 بما فيها الطرق الحرة و مش هتزيد عن 140 مستقبلاَ في حالة تطوير الطرق و زيادة السرعة يعني عندنا 40 كلم / ساعة سرعة قصوى زيادة عن الحاجة .
3- المحرك ال 1300CC فأقل بيؤمن عزم مناسب لنقل ال 5 أفراد الموجودين داخل السيارة بالإضافة إلى أمتعتهم .
4- بالنسبة للشباب اللي بيقول لك أنا قفلت العداد و حبت 200 و 210 كلم / ساعة و بيتباهى , طيب ال 210 دي ممكن تيجي برضه على موتور صغير ( محدش ياخد كلامي دة على إنه دعوة و تحريض على تقفيل العداد ) .
5- لماذا أستهلك بنزين أكثر في حين إن أنا ممكن أستهلك بنزين أقل .
6- بالنسبة للتوكيلات في مصر هنا بتستغل إن الشعب المصري مش عارف مصلحته و بيشتري عربيات كبيرة و قوية و بتنزل فئات و موديلات كثيرة لإستنزاف جيوب المصريين , عندك مثلاَ التويوتا الكورولا الجديدة نازلة ب 1400CC 110HP & 1600CC 142HP طيب ليه تنزل المحرك ال 1600CC مادام التاني قوي و مكفي لإحتياجات أي أسرة تنزل بقى ال 1600CC ليه .. ؟!
بالنسبة لي أنا ببحث عن القوة بس القوة المعقولة يعني في حدود ال 110 حصان لأني ماشي بمبدا
YOU HAVE SOMETHING WHEN YOU DON'T NEED IT BETTER THAN YOU NEED SOMETHING WHEN YOU DON'T HAVE IT .
مع خالص تحياتي ..
:):)

كلام سليم جدا ولازم الناس تاخد بالها من الحته الباور هورس بتاع العربيه لان فيه شركات كتير بتعملها كدعايه وهيه بتبقى خدعه كبيره زى مثلا عندى فى الصنى كاتبين بالونط العرض 118 حصان وبخط صغير اوى عند 6000 rpm مين فى الدنيا حيمشى بموتور عربيته على 6000 rpm ده غير برضه انهم كاتبين بخط صغير اوى ان صافى الباور ديه 105 حصان (الكلام ده كان على وقع نيسان بتاع اليابان)

اقتباس:

---

المشاركة الأصلية كتبت بواسطة SAbuhashem

يعني أفهم من كدة يا أحمد إن العزم إلي بباوند /فوت ماينفعش يكون مقياس


حبيت أهزر معاك بس :)

Thanks
Eng.Sherif Shaker

---

مش ده عزم العربيات اللي الدريكسيون على اليمين برضه :)

يا باشمهندس احنا دكاترة سنان على قد حالنا :tooth:

و ناديني تلاقيني ....
بالعربي
بالهندي
بالتركي
بالصيني ........:)

اقتباس:

---

المشاركة الأصلية كتبت بواسطة Ahmed Samy

مش ده عزم العربيات اللي الدريكسيون على اليمين برضه :)
يا باشمهندس انت تقول و احنا نقول صح

و ناديني تلاقيني ....
بالعربي
بالهندي
بالتركي
بالصيني ........:)

---

طيب الحمد لله ان مفيش بيننا الكوبلية التاني..
ابجني تجدني في خدمتك طوالي..
بالي ع الفلوس و الفلوس علي بالي..

الحمد لله هنا بنعمل بمبدأ خليان اصحاب يا حبيبي.. :)

على فكرة السيارات الأوروبي سيارات عزمها بالنيوتن/متر جبار مقارنة بالقدرة الحصانية لها و ده بيديلها قوة جبارة و عمر طويل و استهلاك بنزين متوسط و ده عن تجربة في الباليو أو الفيات عموما.القدرة الحصانية مش هي الاساس الاساس هو العزم ثم القدرة الحصانية يعني معلش فيات مش غبية عشان تعمل الGrand Punto بقوة 77حصان و تكون تعبانة في الأخر وكذلك في الA5 الناس اللي بتقول الموتور بتعها ضعيف هو ممكن يكون ضعيف بالنسبة للأداء الرياضي بس كعزم و عمر الموتور حاجة تانية خالص,غير السيارات الكوري فهم يهتمون بالقدرة الحصانية و التصارع و تلاقي العربية اخرها معاك 8سنين و ده برضه عن تجربة

ماتنسوش ياجماعة ان فية حاجات تانية في العربية
بتسحب قدرة الموتور وتقلل من عزمة بصورة جبارة
اولها التكييف "اللي بقي أساسي في كل العربيات الجديدة"

ثانيها المعدات الأخري زي الباور ستيرنج والكماليات الأخري
اللي بتحمل علي الموتور.

يعني لو فعلا" أحتياجي لعربية سعة 1200 - 1400
لازم يكون فية 300-400 سي سي زيادة للكماليات
دة علشان تبقي العربية بحالة موتور جيدة ولا يضطر
السائق الي الحرق عليها لتعويض الأحمال.

اسمحولى اشارك فى الموضوع دة بمشاركة هى لا تعبر عن رأى بقدر ما هى توضيح لبعض المفاهيم

فى الرابط ده

http://nilemotors.net/Nile/showthrea...CD%D5%C7%E6%EC

اقتباس:

---

المشاركة الأصلية كتبت بواسطة sab3aawy

اسمحولى اشارك فى الموضوع دة بمشاركة هى لا تعبر عن رأى بقدر ما هى توضيح لبعض المفاهيم

فى الرابط ده

http://nilemotors.net/Nile/showthrea...CD%D5%C7%E6%EC

---

مرجع يا باشمهندس..
الف شكر يافندم علي التوضيح الرهيب..

طيب يا استاذ سبعاوى
ايهم افضل
عربية اقصى عزم ليها عند 3000 لفة
او عربية اقصى عزم ليها عند 5000 لفة
مع العلم ان الاثنين اقصى عدد لفات ليهم 5000 لفة

مدام في كل الكم ده من الناس المثقفة الي فاهمة إحتياجاتها إيه سر العقد و الكلاكيع المتأصلة في السوق المصري و عبادة السيدان و ال1600 و كتر الأحصنة.

اقتباس:

---

المشاركة الأصلية كتبت بواسطة Ahmed Taha

مدام في كل الكم ده من الناس المثقفة الي فاهمة إحتياجاتها إيه سر العقد و الكلاكيع المتأصلة في السوق المصري و عبادة السيدان و ال1600 و كتر الأحصنة.

---

خليني اقولك حاجة..
الواحد فينا لما بيكون عايز يشتري عربية..بيبقي محدد فلوس معينة يشتري بيها..
لو فكر في احتياجاته بس.. هيلاقي انه ممكن يشتري عربية اقل من المبلغ اللي هو حاطه في دماغه..
وفي الحالة دي بتخلي الواحد ممكن يعلا باختياره شوية.. فهمتني..؟؟
وموضوع السيدان ده انا عن نفسي مع ان معايا هاتش باك.. بس عايز اجيب سيدان لسبب واحد..
اني باحتاج الشنطة كتير.. و لو سافرت بابقي محتاج شنظة في السفر مع ان سفرياتي مش كتير..
الناس بتبص ليها بمنطق اما ماحتاجش حاجة و تكون موجوده احسن ما احتاجها و مش الاقيها..
بس برضه الناس واخدة انطباع او شكل العربية الهاتش باك بيوحي ان شنطتها اصغر..
ولو ان في بعض الاحيان بتكون شنطة عربيات هاتش باك اكبر من شنطة سيدان..
لكن بالنسبة للسعة و الحصنة.. مش بتفر.. لو ان الواحد بقي بيبص اكتر لتوفير البنزين..
قبل كده بشوية كان فرق السعر بين ال1300 و 1600 مش كبير قوي.. و فرق استهلاك البنزين برضه مش كبير قوي..
يبقي خلاص ايه المشكلة.. لكن دلوقتي الوضع اختلف..

اقتباس:

---

المشاركة الأصلية كتبت بواسطة HESHAM AMIN

طيب يا استاذ سبعاوى
ايهم افضل
عربية اقصى عزم ليها عند 3000 لفة
او عربية اقصى عزم ليها عند 5000 لفة
مع العلم ان الاثنين اقصى عدد لفات ليهم 5000 لفة

---

ألإجابة ستتوقف على شكل منحنى العزم مع سرعة المحرك مع كلتا السيارتين

يعنى لو ان السيارة الأولى اقصى عزم لها عند 3000 لكن منحنى العزم بيظل قريب من ال 3000 دول ومش بيبعد عنهم اوى قبل وبعد ال 3000 يبقى العربية دى هتكون افضل فى المدينة ومش هتموت منى على الطرق المفتوحة

ولو العربية اللى اقصى عزم لها عند 5000 لفة منحنى العزم بتاعها شديد الإنحدار مما يجعل عزم العربية ميت فى السرعات التقليدية يبقى هتكون عربية سفر كويسة لكن ميته فى مناورات المدينة

وطبعا العكس بالعكس

عموما السيارات اللى عزمها الأقصى عند RPM منخفضة يمكن تصميم نسب تخفيض تروس عالية لها والسيارات اللى عزمها الأقصى عند RPM مرتفعة يمكن تصميم نسب تروس منخفضة لها، وبالتالى فإن تكامل التصميم يمكن ان يغطى اوجه قصور المحرك

وعلى ذلك فإن النقيصة التصميمية فى اداء المرحك ليست فى كون نقطة اقصى عزم عند عدد لفات عالى او منخفض ، ولكن فى كون منحنى العزم ينحدر بشدة حول نقطة اقصى عزم

والله يا ا حمد كلامك صح 100 فى المية بس انا كنت مضطر اشترى عربية السعه الترية عالية علشان السفر انا بسافر كتير قوى بالعربية واقل مشوار 600 كيلو متر علشان كدة بحتاج عربية قوية علشان تستحمل معايا السفر

كلام ذى الفل
تلاقى مكتوب فى الأعلانات اللى فى الصحف
- أفضل سياره فى فئتها
-140 حصان و الموقع بتاع العربيه دى مكتوب فيه انها 121 حصان
-عفشه رياضيه تساعدك على المناوره على اساس انك فى طياره
- حزام الأمان ثلاثى نقاط التثبيت اللى بقى بيتكتب فى مواصفات العربيه دلوقتى على اساس انه حاجه جديده من نوعها و مش موجوده فى كل العربيات:seeya::seeya::seeya::seeya::seeya ::seeya::seeya:

اقتباس:

---

المشاركة الأصلية كتبت بواسطة HESHAM AMIN

طيب يا استاذ سبعاوى
ايهم افضل
عربية اقصى عزم ليها عند 3000 لفة
او عربية اقصى عزم ليها عند 5000 لفة
مع العلم ان الاثنين اقصى عدد لفات ليهم 5000 لفة

---

the answer will depend on the car... is it a race car or road going car??

MMamdouh

المحصلة النهائية للقصص بتاعت العزم و القوة بتبان فى السرعة القصوى و التسارع من صفر الى 100 لان القدرة و العزم كارقام مطلقة لا تعنى اى شىء نتيجة تجاهل عناصر الوزن و نسب الفتيس و مقاومة الهواء و خلافة و بالتالى مش شرط العربية ال100 حصان تيقى اسرع من ال90 حصان

بالنسبة للاستخدام... انا عمرى ما فكرت اقفل عداد عربية... ولا شايف ان تقفيل العداد اختراع يعنى... اى واحد غشيم تديلة شوية اسفلت فاضيين فى اى طريق سفر حيقفل العداد... مش فلم يعنى... لكن رقم السرعة القصوى بيعكس القدرة الحصانية مع الوزن و مقاومة الهواء و نسبة السرعة الاعلى فى الفتيس

زمن التسارع من صفر ل100 برضة محسبتوش لكن بيفرق جدا جدا فى العربية.. لان ساعات كتير بتلاقى نفسك فى موقف محتاج تعدى من اللى جنبك قبل ما الدنيا تقفل عليك و تفادى حد بالبنزين بدل الفرامل... العربية اللى عزمها حاضر هى اللى حتعمل القصة دى و برضة مش شرط رقم العزم لان فى عربيات عزمها بيظهر على لفات عالية و بالتالى فى سواقة المدينة حتبقى العربية تعبانة و مش حتحس بحلاوتها على على الطوالى و RPM عالى... طبعا العزم اللى على لفات قليلة يفرق معاك فى المطالع و الكبارى و لما تركب عدد كبير من الناس ى العربية

ملحوظة: العربيات الدايو اساس مواتيرها معتمد على مواتير الاوبل عشان كدة بيبقى القدرة الحصانية بتاعتها اقل من نظيرتها لكن عزمها قوى و على لفات قليلة

بالنسبة للثبات... مش حتحس بقيمتة الا لما تواجه موقف حرج على الطريق و هنا حيبان العربية ماسكة نفسها ولا لا.... زمان من كذا سنة لما كنت صغبر كنت باخد غرزة على 130 و قفلت فا فرملت و انا بحود فا ضهر العربية رقص يمين و بعدين شمال بس الحمد لله عدت على خير... مش معنى كدة ان الثبات بيفرق مع الناس اللى بتاخد غرز فقط لكن بيفرق فى المواقف الصعبة اللى بتضطر فيها انك تضغط على العربية لاخر حدودها عشان تتفادى حادث او مشكلة على الطريق مثلا... اى عربية حتبقى ثابتة فى خط مستقيم... ساعة الجد فيه عربيات حتنجدك و عربيات توديك فى داهية

MMamdouh