السيراتوا عملتها :( (مرضتش تدور)

**Deshahcoka** · 29-12-2011 11:29 PM

رجالة !

من فترة كدة السيراتوا كانت زي الفل .. المهم كنت قاعد فيها ومشغل الكاست بتاع نص ساعة كدة وبشحن الموبايل و العربية طافية و الكونتاك اول تكه... المهم فجأة الكست فصل بشغله مش راضي... المهم جيت ادور اسمع تكتكتكتكتكتكتك و مفيش ! قلت وش البطارية نامت.. المهم اتسوحت في الشتا و البرد لغاية ما اتصرفت في وصلة و دورت العربية وقتي دارات ! و من ساعتها اشتريت وصلة و مش بسيب اي حاجة شغالة في العربية ولوا لدقيقة و بحرق كتير!

الناس بتقلق العربية بقالها حوالي سنتين و كدة البطارية الجافة لازم تتغير عشان عمرها سنة او اتنين بس ! هل ده صح ؟ هل ممكن العربية تعملها تاني ؟ يعني ممكن العربية تبطلع و هيا ماشية و الجو ده ؟ ولا اخرها لو بطلتها مش حتدور لو البطارية ودعت ؟ عشان مستخسر اغير البطارية دلوقتي بس عاوز اعرف ايه اسوء حاجة ممكن تحصل ! يعني انا شايف انوا اخرها مش حتدور تاني لكن تبطل و زي ما الناس بتفتي معتقدش ...

وممكن سؤال كدة هيا البطارية بتاعتها كام امبير ؟ وعلى كام ؟

**Ashraf_Ibrahim** · 29-12-2011 11:41 PM

البطارية تخلي العربية تطفي؟!
مستحيل طبعا
وظيفة البطارية انها تقوم العربية وتشغلها
اول العربية ما اشتغلت حمل الكهربا كله بيتنقل على الدينامو فالبطارية ملهاش اي لزمة والدليل على كدة شغل العربية وافصل البطارية خالص وشوف ايه هيحصل؟!
لا شيء العربية هتفضل شغالة زي ما هي بدون اي مشاكل
اقصى مشكلة انها تيجي تدورها متدورش
بس الفكرة ما دام بطارية جافة يبقا بص على الاندكيتور بتاع البطارية وشوف لونه ايه هل ماتت خالص واللا محتاجة تتشحن!
هو العمر الافتراضي للبطارية طبقا للضمان سنة او 50000 كم ايهما اقرب -دا ضمان البطاريات-
كان عندي بطارية بس سائلة معملتلهاش صيانة خالص ماتت بعد سنة وشهر يعني 13 شهر بالتمام والكمال لو كنت بعملها صيانة ومتابعها كانت كملت كتير بس ياللا مش مشكلة
شوف الانديكيتور ولو كدة غير البطارية
اعتقد بطارية السيراتو 55 امبير

**Deshahcoka** · 29-12-2011 11:44 PM

المشاركة الأصلية كتبت بواسطة ashraf_ibrahim

البطارية تخلي العربية تطفي؟!
مستحيل طبعا
وظيفة البطارية انها تقوم العربية وتشغلها
اول العربية ما اشتغلت حمل الكهربا كله بيتنقل على الدينامو فالبطارية ملهاش اي لزمة والدليل على كدة شغل العربية وافصل البطارية خالص وشوف ايه هيحصل؟!
لا شيء العربية هتفضل شغالة زي ما هي بدون اي مشاكل
اقصى مشكلة انها تيجي تدورها متدورش
بس الفكرة ما دام بطارية جافة يبقا بص على الاندكيتور بتاع البطارية وشوف لونه ايه هل ماتت خالص واللا محتاجة تتشحن!
هو العمر الافتراضي للبطارية طبقا للضمان سنة او 50000 كم ايهما اقرب -دا ضمان البطاريات-
كان عندي بطارية بس سائلة معملتلهاش صيانة خالص ماتت بعد سنة وشهر يعني 13 شهر بالتمام والكمال لو كنت بعملها صيانة ومتابعها كانت كملت كتير بس ياللا مش مشكلة
شوف الانديكيتور ولو كدة غير البطارية
اعتقد بطارية السيراتو 55 امبير

ربنا يطمنك يا باشا :) انا قلت كدة برضه بس الناس بتفتي بغباء ! ده واحد بيقلي الجافة بتتفك و بتغيرها كارته و تتصلح ! قلده ماشي ان شاء الله !

هيا مفيهاش حاجة للاسف :( مقفله من فوق مش باينلها ماركة ولا انديكيتور :(

**moha4tec** · 30-12-2011 01:23 AM

يا باشا العربيه مفيهاش حاجه .
انت اللى شغلت حجات و فضات البطاريه بنفسك و ده غلط و مكتوب فى الدليل اللى معاك .
و لو البطاريه باظت عمرها ما هتعطل العربيه ابد و هى دايره ابدا ابدا
انما لو باظت و كانت مدوره و بطلت و جيت تدور ممكن متدورش .
حضرتك لازم يكون معاك الوصله عشان انت عارف الاوتوماتيك طبعا .
ثانيا حضرتك فك اواطيش البطاريه و نضفها كويس هى و الكابلات و بعد كده وصلهم و ربط و امشى مشوار مش اقل من 35 كم و البطاريه هتشحن نفسها .
بس خلاص

**Ashraf_Ibrahim** · 30-12-2011 10:36 AM

المشاركة الأصلية كتبت بواسطة mmffor

الكلام ده مش صح مع العربيات الحديثة و خصوصا الاوتوماتيك
و حتى القديمة بتلاقي الاضاءة ضعيفة جدا و اي حاجة كهرباء مش شغالة كويس

الكلام دا سليم وصحيح جدا
انا سافرت المنوفية ورجعت بدون بطارية وكل حاجة شغالة تمام جدا
كلامي عن تجربة عملية

**korkor** · 30-12-2011 04:50 PM

المشاركة الأصلية كتبت بواسطة deshahcoka

رجالة !

من فترة كدة السيراتوا كانت زي الفل .. المهم كنت قاعد فيها ومشغل الكاست بتاع نص ساعة كدة وبشحن الموبايل و العربية طافية و الكونتاك اول تكه... المهم فجأة الكست فصل بشغله مش راضي... المهم جيت ادور اسمع تكتكتكتكتكتكتك و مفيش ! قلت وش البطارية نامت.. المهم اتسوحت في الشتا و البرد لغاية ما اتصرفت في وصلة و دورت العربية وقتي دارات ! و من ساعتها اشتريت وصلة و مش بسيب اي حاجة شغالة في العربية ولوا لدقيقة و بحرق كتير!

الناس بتقلق العربية بقالها حوالي سنتين و كدة البطارية الجافة لازم تتغير عشان عمرها سنة او اتنين بس ! هل ده صح ؟ هل ممكن العربية تعملها تاني ؟ يعني ممكن العربية تبطلع و هيا ماشية و الجو ده ؟ ولا اخرها لو بطلتها مش حتدور لو البطارية ودعت ؟ عشان مستخسر اغير البطارية دلوقتي بس عاوز اعرف ايه اسوء حاجة ممكن تحصل ! يعني انا شايف انوا اخرها مش حتدور تاني لكن تبطل و زي ما الناس بتفتي معتقدش ...

وممكن سؤال كدة هيا البطارية بتاعتها كام امبير ؟ وعلى كام ؟

على العموم نفس اللى حصل فى عربيه مراتى من حوالى 3 اسابيع وجبت واحد بتاع بطاريات ودورناها بوصله ورحنا المحل وقيسنا البطاريه قالى عاوزه تتغير وغيرتها ب 400 جنيه , فعلا غريبه العربيه بقالها 2.5 سنه بس , مش عارف البطاريه باظت بسرعه كتير بس الاولاد كتير بيسيبوا نور الصالون مولع وكده

**Deshahcoka** · 30-12-2011 05:53 PM

المشاركة الأصلية كتبت بواسطة korkor

على العموم نفس اللى حصل فى عربيه مراتى من حوالى 3 اسابيع وجبت واحد بتاع بطاريات ودورناها بوصله ورحنا المحل وقيسنا البطاريه قالى عاوزه تتغير وغيرتها ب 400 جنيه , فعلا غريبه العربيه بقالها 2.5 سنه بس , مش عارف البطاريه باظت بسرعه كتير بس الاولاد كتير بيسيبوا نور الصالون مولع وكده

ده بيقلك بتقعد سنة بالكتير ولا زم تتغير !

حاجة تجن :(

-

-

الموضوع: السيراتوا عملتها :( (مرضتش تدور)

LinkBack

أدوات الموضوع

عرض

-

-

-

المواضيع المتشابهه

السياره لا تدور على وضع p و تدور على وضع n

كوبلين السيراتوا باظ!

ستاير السيراتوا

سعر السيراتوا في السعودية

الحقوني العربية عملتها فيا ومش عايزة تدور ... وسيبتها وروحت !!

الكلمات الدلالية لهذا الموضوع

المفضلات

المفضلات

ضوابط المشاركة