الموضوع: رأيكم ايه في الالنترا دي

انا رايى ماتشغلش بالك بالعداد المهم حالة العربية لان العداد ممكن يكون عالى نتيجة السفر كتير والطرق السريعة بتكون مريحة للموتور

المشاركة الأصلية كتبت بواسطة sabregas2010

انا رايى ماتشغلش بالك بالعداد المهم حالة العربية لان العداد ممكن يكون عالى نتيجة السفر كتير والطرق السريعة بتكون مريحة للموتور

فعلا ده احتمال كبير وخاصة ان العربية واقفة ومش باين عليها متهانة وصالونها شكله نضيف يعني تقريبا صاحبها بيحافظ عليها وبرضه لسه هاخد السمكري والميكانيكي معايا واللي فيه الخير ربنا يقدمه..

أولا : كل عام وانتم بخير جميعاً ومصر بلدنا الحبيبة في خير وجميع الشعب المصري بخير وبصحة وسعادة دائما يارب ً
ثانيا : ً أنا أخوكم ابومازن مصري مقيم في احدي الدول الخليجية وصديقي وزميلي في العمل مصري برضه معاه الالنترا 2006 المهم لو قولتلكم العداد عامل كام كيلو مش هاتصدقوني خالص حوالي 225 ألف كيلو وبالحروف مائتان وخمسه وعشرون الف كيلو ، والسيارة زي الفل وسحب خرافي وتكييف تمام التمام كل اللي بيسوي فيها صيانات دورية في مواعيدها من تغييير زيوت وفلاتر وسيور ( أصلي طبعاً مش مضروب ) خدو بالكم من الحته دي ، المهم السيارة بجد تحفة الالنترا وخصوصاً الجو عندنا نااااااااااار يا حبيبي نااااااااار طول السنة بالاضافة الي المسافات هنا ما تحسب ليها أقل مشوار بال 500 كيلو (بدون مبالغة) واحياناً كتييير بالالف رايح جاي وفي نفس اليوم .
سامحوني طولت عليكم شوية بس الخلاصة سيارة اقتصادية في كل شئ ، صفقة ناجحة بكل المعاني وسوقها ماشي عندنا و مطلوبة وبتمسك فيها مبلغ لو نظيفة ومسألة العداد يا جماعة هنا مش حد بيهتم بيها أوي زي عندنا في مصر الحبيبة طالما الصيانات بتتعمل في مواعيدها مظبوط وقطع الغيار أصلي
والله علي ما أقول شهيد
كل عام وأنتم بخير
وأخيرا سامحوني يا شباب علي الرغي الطويل بس احيانا الواحد بيكون زهقان من الغربة وعاوز يفك شوية .
تقبولي مرورى المتواضع

النهارده خدت معايا مكيانيكي وسمكري يشوفوا العربية واتضح ان العربية فيها دهان رفرين وشنطة ومش زي ما كان صاحب المعرض بيقولي انها فبريكة من الاكصدام للاكصدام وطبعا سيبته ومشيت بالرغم من ان حالة العربية كويسة الا انه احساس بعدم الراحة بعد ما اتضح انه مش صادق في البيعة و ربنا يسهل والاقي الالنترا تانية تكون حلوة...