طريقة الغاء صوت التنبية لحزام الامان

**mohmmed_yuosse** · 30-12-2011 02:24 PM

طريقة سهلة جدا و مش هتاخد منك 3 دقائق

اولا : فك المسمارين دول بس هما النكية نجمة فا هتحتاج تشترى طقم الصيني ب 10 جنية بس تعبان طبعا لكن هايقضي الغرض
http://img819.imageshack.us/img819/3802/30122011074.gif

بس خلي بالك من البنزين البلاسيك الي في الصورة الي جاية
http://img14.imageshack.us/img14/9038/30122011073.gif
دول بنزين راكبين فوق فبعد ما تفوك المسامير فوك الكافر من تحت عشان ما يتكسروش
http://img685.imageshack.us/img685/4883/30122011072.gif

الفكرة في ان الحديدتن دول لما بيلمسو في بعض يبقي الحزام مش راكب فا احنا كل الي هانعملوا نعوج واحد فيهم بيحيس ما تلمس التانية هانزوءها بمفك لغايت ما تبعد عن التانية بس براحة و بالعقل عشان ما تتقطمش

و عشان ما حسش بالذنب اربطوا الحزام بردة انا لغيتة بس عشان الازعاج في المشاوير القصيرة

**ugaritian** · 30-12-2011 05:54 PM

وليه وجع القلب ده كله هي فيشة موصولة بكبل يتم فكها و خلاص

**MMamdouh** · 30-12-2011 06:13 PM

سبحان الله... يعنى الفيلم دة اسهل من ان الواحد يلبس الحزام؟؟؟؟؟؟

MMamdouh

**shawkylotfy** · 30-12-2011 09:00 PM

ياجماعة ركبوا الحزام دا انت لو مش مركب الحزام وحصل لاقدر الله مفاجاءة والايرباج طلع (لو سليم يعنى) هيطلفك ووشك هيتحرق ويشلفط .... موضوع الحزام دة عادة وحشة عند المصريين لدرجة ان صحابى بيتريقوا علية انى بركبوا .. فعلا بلد ماشية بالمشقلب

**farahat** · 30-12-2011 09:04 PM

المشاركة الأصلية كتبت بواسطة shawkylotfy

ياجماعة ركبوا الحزام دا انت لو مش مركب الحزام وحصل لاقدر الله مفاجاءة والايرباج طلع (لو سليم يعنى) هيطلفك ووشك هيتحرق ويشلفط .... موضوع الحزام دة عادة وحشة عند المصريين لدرجة ان صحابى بيتريقوا علية انى بركبوا .. فعلا بلد ماشية بالمشقلب

معلومة بسيطة بس ويا ريت تكون مفيدة ..
الإيرباج أصلاً مش بيفتح لو الحزام مش مربوط !

**SoFiMaN** · 30-12-2011 11:25 PM

المشاركة الأصلية كتبت بواسطة farahat

معلومة بسيطة بس ويا ريت تكون مفيدة ..
الإيرباج أصلاً مش بيفتح لو الحزام مش مربوط !

معلومة جديدة نوفي عليا !!!! الف شكر لك فرحات باشا عليها.

**shawkylotfy** · 31-12-2011 04:21 AM

المشاركة الأصلية كتبت بواسطة farahat

معلومة بسيطة بس ويا ريت تكون مفيدة ..
الإيرباج أصلاً مش بيفتح لو الحزام مش مربوط !

فعلا لو المعلومة صحيحة يبققوا الناس بتوع رينو دول بيفهموا

**shawkylotfy** · 31-12-2011 04:57 AM

المشاركة الأصلية كتبت بواسطة farahat

معلومة بسيطة بس ويا ريت تكون مفيدة ..
الإيرباج أصلاً مش بيفتح لو الحزام مش مربوط !

الايرباج بيطلع حتى لو الحزام مش مربوط انا قريت الكتالوج ودة كلام رينو
If seat belts are not worn, the occupants are exposed to the risk of serious injury in the event of an accident. It may also increase the risk of minor superficial injuries occurring when the airbag is deployed, although such minor injuries are always possible with airbags.

**farahat** · 31-12-2011 05:09 AM

الموضوع مش موضوع رينو بس
الفكرة إن قوة فتح الإيربج بتكون شديدة جداً وممكن تسبب ضرر للسائق أو الراكب في حالة فتحها في حادث لا قدر الله (دة لو إتفتحت مباشرةً في وشه ) ، وعشان كدة بيكون معمول حساب مسافة معينة بين الراكب ومكان الإيرباج ، ومعمول حساب المدى بتاع الحزام إنه يمسك جسم السائق أو الراكب بعيد عن مجال فتح الإيرباج لحد ما تكون إتفتحت وعملت ذي مخدة واقية تحميه بدل ما هي إلي تصطدم بسرعتها فيه .
في حالة بقى لو الراكب أو السائق مش رابط حزام الأمان ، في حالة الحادث لا قدر الله هيندفع بسرعة كبيرة ناحية الأمام في حين هتكون الإيرباج بتندفع بسرعة كبيرة ناحيته ، ودة في حد ذاته ممكن يصيبه ، وممكن يكون أخطر من الحادث نفسه في بعض الحالات .

عشان كدة فيه شركات كتير بتفضل انها متفتحش الإيرباج في حالة إن الحزام مايكونش مربوط ، منهم رينو ومنهم مرسيدس وفورد وناس تانية ، وفيه ناس بيتستعمل حساسات في الكرسي عشان تعرف وضع الراكب مع حساسات ربط الحزام عشان تحدد تفتح الإيرباج ولا لأ .

المهم يعني إن الحزام مهم ، وحتى لو الواحد كان فاكر إن الإيرباج هتحميه ، فالنتيجة ممكن تكون غير التوقعات ، وتعديل حاجة بسيطة ذي كدة ممكن يغير أو يلغي حاجات تانية مش في الحسبان . وفي الاول والاخر ربنا هو الحافظ.
وربنا يسترها معنا جميعاً