اقتباس المشاركة الأصلية كتبت بواسطة supermario1980 مشاهدة المشاركة
أولا شكرا جزيلا لردك على الموضوع ولكن ارجو التوضيح انا اريد سيارة عائلية قوية و معدل الامن فيها كبير و تكون اوتوماتيك.

1- بالنسبة لسؤالك "هل أنت تقدر تصرف على الميجان ؟" مش مصرفها قريبة من اللوجان يعنى الطبيعى ولا اجزئها بتبوظ بسرعة مش معمارة.
2- لو انا اشتريت واحدة حالتها جيدة هل هتحتاج مصريف عالطول ولا ايه؟
3- ايضا من اين استطيع شراء واحدة جيدة وهل اعلانات كونتكت كار معقولة؟
4- أيضا هناك سيارة فبريكة برة و جو 2007 مشية 80 كيلو عاملة 75 الف هل كتير؟

شكرا مرة اخرى وانتظر ردك أخى العزيز.
1- لأ قطع غيارها معمرة بس هتلاقيها أغلى من اللوجان
ده غير أن اللوجان الزيرو مش هتحط أيدك فيها لمدة سنتين تلاتة على أقل تقدير.

2- أى عربية مستعملة ممكن و أنت ماشى تبوظ حاجة منك و أنت مش عامل حسابها....ده إستعمال و عمر أفتراضى......محدش يقدر يحكمها.

3- للأسف معرفش

4- مش متأكد لأنى بقالى فترة برة مصر.
اقتباس المشاركة الأصلية كتبت بواسطة Ahmazong مشاهدة المشاركة
ابن عمي كان معاه واحدة .. طلعت عينيه بصراحة .. بس فعلا حاجتها غليا زي أي فرنساوي ..
شوف أى عربية يابانى إنتاج نفس السنة و قارن بين قطع الغيار بتاعتها و بتاعة الميجان فى التوكيل و قولى أيه رأيك.

أنا فاكر كان فيه واحد صاحبى معاه إلنترا 2006 و كان عاوز لها تيل أمامى و سأل فى التوكيل و أنا كنت معاه و قالوله 400 و شوية........و تيل الميجان فى التوكيل بالتركيب بحوالى 450 أو 500

و موجود لها تيل أوروبى برة التوكيل بحوالى 120 إلى 150 جم لو أنا فاكر صح.
و الطنابير أوروبى برضه بحوالى 550

و الكويلات ( البوبينة ) من 150 لحد 450 برة التوكيل و فى التوكيل 500 أو 550 .

و عموماً أسعار قطع غيار الأوربى بتبقى أعلى شوية من اليابانى بس بتبقى معمرة أكتر شوية.

و شوف الموضوع ده هتلاقى فيه أسعار قطع غيار فى التوكيل و برة التوكيل بس قديمة شوية

كــل مــا تريـــد معرفتــــه عــن الميــــجان II

و لو دورت فى قسم الميجان هتلاقى مواضيع تانية فيها أسعار من قريب و أرخص من الأسعار اللى فى الموضوع ده.