يا جماعه هو مافيش غير بريدجستون....ماتشوفوا اي ماركة تانية..بيرلي ولا دانلوب ولا ميشلان..
عرض للطباعة
يا جماعه هو مافيش غير بريدجستون....ماتشوفوا اي ماركة تانية..بيرلي ولا دانلوب ولا ميشلان..
سوري مالحقتش اضيف لينك جووود يير في المداخلة ايلي فاتت...عموما دة وكيلهم في مصر ...والشركة الام بتصنع كل المقاسات الـ 15...
http://www.egyptire.com/map.html
يا جماعه الماركات دي عالمية ....وبتنزل مع عربيات اسعارها فوق الـ 180 الف..
وبعدين لما تكون الشركة عالمية وسمعتها كويسة....يارب يكون التصنيع في موزمبيق...
ما انتوا شايفين العربيات نفسها بتتصنع فين...الياباني بقي جنوب افريقي ...والالماني والاسباني ...بقي تشيكي وسلوفاكي..وبرتغالي..وارجنتي يني...والاوربي زي الفيات بقي صيني...
العولمة يا رجالة ....لاخت الياباني ياباني ولا الهندي هندي...تاتا اشترت جاجوار ولاند روفر....خلاص ...انت الوقتي بتشتري براند نيم...مش مهم اتعمل فين المهم انة ما يكونش مضروب....
إنت عندك حق طبعا إن إنت بتشتري براندنيم مومش مهم معمول فين المهم إنه أصلي.
بس برده كل شركة من دول ليهم مميزات وعيوب وبالنسبة ليا شايف إن مفيش أحسن من بريدجيستون من ناحية الجودة وكمان من ناحية التوكيل.بجد شركة النيل للمشروعات عاملين نظام رهيب وتوكيل من أحسن التوكيلا في مصر.
تخيل بقى لما يبقى كاوتش محترم جدا وعالمي وبتاع فورميلا الرسمي وياباني ونقشات لا غبار عليها عالميا وتوكيل رهيب وضمان حقيقي وكل ده بسعر أي فرده تانية من أي نوع من أي محل:)
أنا أسف نسيت أقول كمان إن مش معنى كده إن مفيش غير بريدجيستون لا طبعا بس أنا إن شاء الله هفضل أشتري بريدجيستون لحد ما يبقى الحصول عليها بصعوبة الحصول على رغيف العيش:)ساعتها هفكر في الحاجات التانية.
وكمان ما تنساش ان بريدجستون الياباني بتبقي نقشاتها احدث من بتاعت الدول التانية
لانها بتفضل النقشات الحديثة غالية عشان معمول عليها ابحاث تطوير كتير وبيضاف ده لتمن الكاوتش
لما يلموا حق الابحاث يدو النقشة لمصانع الدول التانية
بريدجستون كاوتش فعلا لا يعلي علية والانسب للعربيات الياباني الحديثة
وانا فضلتة عن التويو الاصلي
وان شاء الله لما اخلص هاجيب 16 على 55
والله يا جماعه ما دام البريدجستون جامد قوي كدة....يبقي خلاص توكلنا علي الله...بس الضمان دة من المستورد بس ولا من اي موزع...وهل كل المقاسات ياباني..ولا في اندونيسي وتايواني ...وحجات تانية...
وكمان يا أستاذ هيرو الكاوتش turanza GR80 ده كاوتش وهمي بجد سوبر سايلانت ونقشة ملهاش حل وثبات رهيب وثبات في المية تحفة وفرامل رهيبة...........إلخ :) بجد حاول تقرأ الريفيو بتاعته من النت وشوف بيقولوا عليه إيه وياباني وتخيل بكام؟؟؟؟؟؟؟570 جنيه فقط للمقاس بتاعي اللي هو 192-60-15.قولي إيه النوع اللي زيه بالظبط وبنفس المواصفات في السوق المصري وبكام؟؟؟؟هتلاقي زيادة النص على الأقل وهتلاقي نفسك بتشتري من محلات عادية يعني لا توكيل ولا أحزنون:)
هو فيه ياباني وأندونيسي وتايلاندي وكل حاجة على حسب النقشة والموديل.وبعدين هاته من أي فرع من بريدجيستون في القاهرة أو إسكندرية أو طنطا أو الغردقة أو المنصورة.والضمان بيبقى من شركة النيل للمشروعات اللي هيا الوكيل الرسمي.
يعني لو اشتريته من اي محل بره غير التوكيل هيبقى مالوش ضمان ؟
طيب والسعر هيفرق ولا نفس السعر ؟
اقصد ايه المشكلة لو اشتريت بريدجستون من اي محل عادي ؟