نداء انسانى عايز اغير الموتور الفليشيا

**mimi115** · 30-12-2011 09:46 PM

محتاج مساعده عايز اسقط موتور فى عربيتى الفليشيا اى نوع موتور اللى ينفع يسقط عندى

**ehab_osman** · 31-12-2011 06:39 AM

العملية بسيطة ؟؟؟؟؟؟؟؟؟؟؟؟؟؟؟ جيب زى نفس الموتور القديم 1300 cc كاربيرتير وجب الموتور كامل كامل جب الموتور كامل كامل ........... مش ناقص حاجة ؟ ولا تسمع كلام الميكانيكى ولا الراجل اللي ببيع لك الموتور .

مرة ثانية جيب زى نفس الموتور القديم 1300 cc كاربيرتير وجب الموتور كامل ........... الموتور كامل سوف يعمل من 3000 ال4000جم انت وشاطرتك ؟؟؟؟؟؟؟؟؟؟؟؟ وانا انصحك تجيبة من بور سعيد ............... ( تجيبه كامل 1300 cc كاربيتير )
وربنا يوفقك .

**ayman20100** · 31-12-2011 11:35 AM

انا هرد على حضرتك مع اني مش متخصص بس انا اعرف ان ممكن تسقط ماتور البولو على الفليشيا وحضرتك جيبه بالسعة الى انت عاوزها 1300 او اكتر بس انا مش شايف ميزة في ماتور البولو الميزة لو ينفع تسقط ماتور هوندا مثلا او ميتسوبيشي حاجات بور هورس عالي واداء عالي غير كده خليك في الماتور الاصلي بتاعها او سقط الماتور الاكبر ال 1600 سي سي بس هتجيبه كامل اكيد واسمع ان قطع غياره مش منتشرة زي ال 1300 بس انت طبعاً ساعتها هتتعامل مع بتوع الاستيراد في قطع الغيار وهيبقى متوافر عندهم

**sakr_skoda** · 31-12-2011 08:58 PM

المشاركة الأصلية كتبت بواسطة ehab_osman

العملية بسيطة ؟؟؟؟؟؟؟؟؟؟؟؟؟؟؟ جيب زى نفس الموتور القديم 1300 cc كاربيرتير وجب الموتور كامل كامل جب الموتور كامل كامل ........... مش ناقص حاجة ؟ ولا تسمع كلام الميكانيكى ولا الراجل اللي ببيع لك الموتور .

مرة ثانية جيب زى نفس الموتور القديم 1300 cc كاربيرتير وجب الموتور كامل ........... الموتور كامل سوف يعمل من 3000 ال4000جم انت وشاطرتك ؟؟؟؟؟؟؟؟؟؟؟؟ وانا انصحك تجيبة من بور سعيد ............... ( تجيبه كامل 1300 cc كاربيتير )
وربنا يوفقك .

السلام عليكم ورحمة الله وبركاته
ياخ احمد خليك مع الأستاذ ايهاب هو لسة مسقط موتور بعد ما ياعينى داخ السبع دوخات وبس برضوا انا عند رئى اشترى الموتور بدون وحدات التغذية حيفر عليك كتير ولو كانت ما تفرقش معاك خلاص هاتو كامل كامل والكمال لله وحدة عز وجل بس شوف لازم يكون معاك ميكانيكى مخلص جدا وشاطر انا عارف انه نادر تلاقى الصنف دا بس ربنا يعينك تلاقى ميكانيكى مخلص جدا وشاطر....*

**ayman20100** · 01-01-2012 05:06 PM

ياجماعة الخير واضح ان السؤال مش لتغيير ماتور بنفس الماتور لانه بيسأل على الانواع وموضوع تسقيط المواتير معروف عشان يزود امكانيات العربية بمحرك افضل غير الاصلي بتاعها ده الى فهمته من السؤال .... وياريت صاحب الموضوع يوضح هو عاوز ايه ؟؟

**sakr_skoda** · 01-01-2012 06:51 PM

على حد علمى المرور لا يسمح بتغيير الموتور غير نوع السيارة يعنى يغير للعربية الاسكودا اى موتور من شركة اسكودة سعة الموتور دا مقبول اما تغيير ماركة الموتور متهيئلى كدا مرفوض فى المرور ولو حد عنه نظرية تختلف مع نظريتى ياريت يعرضها لتعم الفائدة....*

**ehab_osman** · 02-01-2012 05:56 PM

المشاركة الأصلية كتبت بواسطة benmatar

السلام عليكم
بالنسبة لتغيير موتور نوع سيارة... أي نوع!!! لنوع آخر فهو أمر مرفوض مروريا ولن يتم التجديد أو عمل رخصة بهذا التغيير، يعني إييييييه؟؟؟ يعني عربية سكودا مستحيل تركب له موتور تويوتا أو أوبل مثلا والمرور مش هيوافق. طب ممكن أركب موتور أوكتافيا على عربية فيليشيا أو موتور ميجان في عربية كليو؟؟؟ الجواب أيوة ممكن طالما مخرجناش من نفس الماركة الأم. طب ممكن أركب موتور فيليشيا 2001 على فيفوريت 95؟ الجواب أيوووووة. ومن هنا حضرتك لازم تكون عارف إن عربيتك الفيليشيا المحترمة مش هينفع تركب لها موتور عربية تانية إلا الفيفوريت أو الأوكتافيا أو الفابيا حتى لو فانتازيا 2012..... كل الكلام ده مرورياااااااا وقانونياااااااا....
طب الجزء التاني وهو من الآخر اللي يهمنا كلنا ألا وهو فنيا وماديا، بالنسبة للفيليشيا أكيد لو هتسقط موتور يبقى إما إنك عاوز نفس الموتور الأصلي 1300 كربراتير أو ممكن موتور فيليشيا وش أوكتافيا حقن ألكتروني، وممكن تدور في بورسعيد مدينة الأبطال على موتور استيراد فيليشيا 1600..... معقولة؟؟؟ أيوة فيليشيا نزلت بموتور 1300 بنزين (اللي عندنا كلنا) سواء كربراتير أو حقن ألكتروني و موتور 1600 بنزين حقن ألكتروني (في أوروبا) وموتور 1900ديزل!!!! كلام اكيد.
بس بالنسبة للموتور 1600 خد بالك إن أجزاؤه مش متوافرة إطلاقا في محلات قطع الغيار هنا في مصر عشان كدة تركيبه والتفكير فيه محتاج دراسة، بس أكيد هتكون عربيتك صاروخية. وممكن معلومة بس بصراحة مش أكيدة ولازم تسأل فني متخصص سكودا هي إمكانية تركيب موتور أوكتافيا 1600 موديلات 99-2000 لأن المعلومة دي لو صح تكونة سيادتك نجحت في الحصول عى موتور قوي جدا ورائع ومعدلات تسارع وقوة ممتازة مع توافر قطع العيار لأن عندنا في مصر أوكتافيا من 97 وقطع غيارها عند محلات سكودا.... بس لازم تغير نظام الفرامل معاها ولازم يكون الموتور كامل بمساميره... وآسف للإطالة علما بإن الموضوع ده أولا يتطلب فني متخصص سكودا شاطر وبكررها تاني، وهتدخل القصة في حوالي 6000ج.م موتور يالفيتيس كامل وسفر وانتقلات ونقل موتور ومصنعيات ومصاريف نثرية ودوخة لابأس بها.... السؤال: هو موتور الفيلشيا الأصلي وحش في إيه لو هو سليم وحالته كويسة؟؟
ملحوظة عن تجارب عملية:
موتور الفيلشيا 1300كربراتير قوته 60 حصان (مش بطالين)
موفر في الوقود جدا مقارنة بالموديلات المثيلة
قطع غياره وأجزاؤه معقولة وموفرة وأوروبي محترمة
صيانة غير معقدة بالشكل المتخيل من قبل ناس كتير

+1
ده كلام زى الفل ...............

**mimi115** · 02-01-2012 06:42 PM

الله ينور عليك مشكورين جدااا على سرعه الرد انا كنت عايز اعرف ممكن اغير الموتور اسكودا بموتور فولكس والموتور 1600سى سى وش اوكتافيا عايزين نعرف اذ كان فى حد سقطه على شان انا معروض عليا موتور كامل موديل 2001/2002 بسعر 4000 الف قطع الغيار ظروفها ايه بس الرجل بيقولى ان قطع الغيار موجوده عنده استيراد وبيقول فى جديد انا عايز اعرف ممكن اعمل ايه و بيقول انه عنده موتور 1300 سى سى من غير فيتاس وكربراتير بكباس التكيف والسربنتينه موديل عالى ايه رايكم على فكرة الموتور حق الاكترونى