كلام زي الفل يا باشا الله ينور
عرض للطباعة
انا غيرت فردتين كاوتش ستارماكس التركي مقاس 195\60\15 وركبتهم قدام ..... مكملوش 7000 كيلو ( اربع شهور ) وواحدة فيهم طلع فيها بلونة .... سألت قلولي ممكن تكون اكلت مطب جامد ...... قلتلهم انا كنت بالكاوتش القديم اللي هو بريللي 195\55\15 باخد المطبات ومش بيهمني والكاوتش ماشاء الله مشي معايا لحد 58 الف كيلو ... ومش راحمه من رزع ومطبات وجري بسرعة ... ده حتى المساعدين انتهت والكاوتش لسه ما طلعش فيه بلونه ..... بس خلاص غيرتهم بفردتين بردجستون تاياندي سعر الفردة كان حوالي 535 شامل كل حاجة ..... هي بصراحة البردجستون انعم .......... بس فرد البريللي القيمة كنت باخد بيها الملفات على 120 ولا حتى كان بيهمني ........... الملف اللي العربيات بتاخده على 70 كنت باخده على 100 ........ ماشاء الله كان كاوتش تمام ماحستش بقيمة الثبات بتاعه الا لما غيرته بس بصراحه كان ناشف شوية عن البدرجستون ........ البدرجستون طري بس على حساب الثبات الرهيب بتاع البريللي ..... بس لو الواحد بيسوق طبيعي يكون معاه كويس جدا