الموضوع: مساعدة عاجلة لوحوش المنتدي

المشاركة الأصلية كتبت بواسطة Ahmazong

فعلا الحاجات ديه مش موجودة .. بس ممكن تقولي إيه فيدتهم الزيدة عن الصني ؟؟؟

التعليق الخلفى ال Dual Link بيدى ثبات اكتر وراحه اكتر للركاب الخلفيين , الفرامل الخلفيه Disc افضل من ال Drum , الكاوتش الاعرض ثبات اكتر , التقفيل الكورى اكيد احسن من التقفيل المصرى , الوسع لو اسره مكونه من 5 افراد

كل دى فوايد

المشاركة الأصلية كتبت بواسطة Ahmazong

حضرتك بتستهان بال ABS و AIR BAGS صح ..
حضرتك العربية الصيني نازلة فيها abs و airbags .. عوامل أمان مينفعش تستغنى عنها ..
الصني فيها مش abs بس abs ebd ba ..

هو انا استهونت بيها طبعا مهمه جدا ولو كانت الاوبترا بتنزل ب Abs و AirBags تبقى فعلا شبه كامله والكمال لله

فرامل الصني معروفة طبعا أعلى من أوبترا
بكتير من إن أوبترا سكاكين ورا وقدام

حضرتك حكمت على اى اساس فرامل الاوبترا ممتازه

الصني فيها 2 airbags مش واحدة ..

مظبوط فى السوبر صالون

الصني فيها عفشة سبورت الوبترا مافيهاش..

عفشه فى السوبر صالون برضه , ايه اللى متغير فيها عن العاديه ؟

الصني فيها جنط سبورت الوبترا مفيهاش ..

فى السوبر صالون ومقاسه 15 وعرضه 185 برضه

كاسيت cd برموت kenwwood ..

الاوبترا فيها CD + Tape + Radio وفتحة AUX بس من غير ريموت

stability الصني أعلى من أوبترا مع إنها اخف منها ..

برضه حضرتك حكمت على الاوبترا بان ثباتها اقل مع انها لو مكانتش اعلى فهى لا تقل عن الصنى

الصني ياباني تقفيل مصري .. طلعت نزلت ياباني ..
طبعا اوبترا كوري تقفل كوري جميل .. بس هتفضل كوري ..

تماما واكيد التقفيل الكورى والعربيه جايه من بلدها احسن مايتركب فيها 40 % من مكوناتها مصرى , والكورى كمكونات وخامات مش اقل من اليابانى للدرجه دى , والاتنين اصلا قدام , وللعلم موتور الاوبترا من GM والفتيس من Aisin يابانى

الوبترا اوسع من الصني من جوه .. ده النقطة اللي كفتها راجحة لوبترا فقط ..

اكيد بس مش فقط

توكيل نيسان غني عن التعريف < للاحسن طبعا >
توكيل chervrolet غني عن التعريف < للأسوأ طبعا >
والله اعلم ..

اكيد كلامك مظبوط

تقبل مروري .. تحياتي لحضرتك

شكرا لذوق حضرتك وفى النهايه هى اراء ووجهات نظر والا مكنتش حضرتك تشترى صنى وانا اشترى اوبترا

المشاركة الأصلية كتبت بواسطة Sameh_OO7

انا كنت بقول زى حضرتك كده بالظبط ( لحد ما ربنا وفقنى وارشدنى للطريق السليم وجبت الصنى )
على فكرة انا ركبت وسوقت اكتر من مره اوبتر فى حالة الزيرو مع صديق ليا وبمنتها الامانة الصنى تتفوق عن الاوبترا فى كل شئ ______ ماعدا الوسع الداخلى لصالح الاوبترا
( بس مش معنى كده ان الصنى ضيقة بالعكس ديه تركب 3 ورا مستريحين )
لكن لو واحد وزنه مثلا 150 كجم هيبقى مخنوق فى قاعدة الصنى ومرتاح فى الاوبترا وديه اوزان نادره
بس كعربية وثبات وفرامل وفتيس ورؤيه واضحة فى المرايات وموتور قوى (يبقى صنى)
وبالنسبة للصاج انا شايف ان الاتنين صاجهم كويس عن باقى السياراة من فئتهم .. واخيرا تقبل مرورى

يافندم ربنا يباركلك فيها ويكفيك شرها

بس نقطة تتفوق فى كل شئ دى مفهمتهاش

الصنى مش عربيه وحشه بس مش معقول تبقى احسن من عربيه زى الاوبترا فى كل حاجه امال الناس بتشتريها ليه مش معقول عشان الوسع فقط اكيد كل عربيه ليها مميزاتها وليها عيوبها

وبخصوص موضوع الكنبه مش لدرجة 150 كجم انا وزنى حوالى 70 كجم لو 3 زيى قعدوا فى الكنبه هايبقوا يادوب فى حين الاوبترا ماشاء الله يركب 3 مرتاح جدا و 4 مزنقين والسواق واللى جنبه مظبطين الكرسى براحتهم

والنقط اللى حضرتك ذكرتها ثبات فرامل فتيس كويسين فى الاوبترا , الرؤيه فى المرايا الجانبيه هى اللى غبيه فعلا يا اما تتعود عليها ياتغير الكف بتاع المرايا بواحد اعمق شويه

وموتور الاوبترا هو صحيح 107 حصان وعزم 150 نيوتن والعربيه وزنها 1240 كجم بس الاوتوماتيك بتجيب من 0 - 100 فى 10 ثوانى ونص الصنى اللى هى المفروض 118 حصان بتجيبهم فى اد ايه ؟

اما الصاج مستحيل يبقى كويس فى الاوبترا اكيد الصنى احسن ولو صاج الصنى زى الاوبترا يبقى الاتنين ضعاف لان من اكبر عيوب الاوبترا ضعف الصاج خصوصا السقف والكابوت

وشرفنى مرور حضرتك


وباعتذر للاستاذ arakyosolom للخروج عن مسار الموضوع