أرجو مساعدتكم , ايه رأيكو في العربية دي أوبل فيكتر 99

**himalking** · 31-12-2011 05:15 PM

رجالة المنتدي , أنا قدامي عربية و أتمنى ما تبخلوش على أخوكو بالنصيحة

اوبل فيكترا موديل 1999 فبريكة من الداخل ورشة بلخارج , 200000 كم ,جميع الكماليات مانيوال 1600 سي سى , عفشة مجددة بلكامل فى التوكيل سرفيس حديث تكيف باور اربعة زجاج كهرباء, وحدات رفع مريات كهرباء ابى اس اتنين اير باج كاوتش تيوبلس حديث

و دي صور ليها
http://www.contactcars.com/Images/PostedCars/8188403001202011000470340g7mg8jq.jpg
http://www.contactcars.com/Images/PostedCars/8188403001202011000470340tgsjl3v.jpg
http://www.contactcars.com/Images/PostedCars/8188403001202011000470340uumcvbj.jpg

هو طالب 48500 يا ريت تقولو لي رايكم فيها و هل السعر كده مناسب و لا غالي

الأحمر للمداخلات الإدارية فقط
مشرف القسم 4ب

**فادى محمد** · 31-12-2011 06:45 PM

بص ياباشا..
السعر حلو طبعا ,بس بصراحه علشان انت وثقت فينا وطلبت راينا والكلمه امانه,العربيه دي مغيره حجات كتير جدا يمكن محدش ياخد باله منها ...
-الاكصدام الامامي بالشبكه والفوانيس بتوع موديلات من 2000 الي 2003 اللي بنسميها فيكترا بي 2(الاكصدام كله بلون السياره)انما من 96 الي 99 فيكترا بي1(فيها رمش اسود بطول الاكصدام)
-الاكصدام الخلفي برده مش بتاعها بتاع بي2
-الابواب ال4 متغيره برده بي2 ,البي 1 جريد الابواب والمقابض لونهم اسود انما بي2 بلون السياره
-التابلوه متغير كله التابلوه اللي نزل مصر فوق الدرج اليمين متفرغ انما الاوروبي بيبقي كده مقفول.
-فبره الفتيس متغيره برده لان العربيه دي نزلت 2 زجاج كهربا بس مش 4 ومن غير اير باج (ايه اللي يثبت ان الاير باج شغاله؟؟)

++خلي بالك بفي...
هو لما غير الاكصدام الامامي اضطر يغير اللي ورا كمان علشان يبقوا زي بعض وماغيرش الشنطه ولا الفوانيس الخلفيه (الشنطه والفوانيس فيكترا بي1) والزجاج الخلفي برده بي1 ,عرفت ازاي؟؟
لمبه الستوب اللي في نص الزجاج تحت انما في البي 2 متعلقه لفوق
معني كده ان احتمال تكون العربيه دي اتعرضت لحادث كبير من الامام والحادث امتد للتابلوه اللي اضطر يغيره والله اعلم بس الصور اللي حضرتك عارضها بتقول كده ولك مطلق الحريه وربنا يوفقك.تحياتي

دي صوره البي1 من 96 الي 99

**himalking** · 31-12-2011 07:28 PM

المشاركة الأصلية كتبت بواسطة hellboy

بص ياباشا..
السعر حلو طبعا ,بس بصراحه علشان انت وثقت فينا وطلبت راينا والكلمه امانه,العربيه دي مغيره حجات كتير جدا يمكن محدش ياخد باله منها ...
-الاكصدام الامامي بالشبكه والفوانيس بتوع موديلات من 2000 الي 2003 اللي بنسميها فيكترا بي 2(الاكصدام كله بلون السياره)انما من 96 الي 99 فيكترا بي1(فيها رمش اسود بطول الاكصدام)
-الاكصدام الخلفي برده مش بتاعها بتاع بي2
-الابواب ال4 متغيره برده بي2 ,البي 1 جريد الابواب والمقابض لونهم اسود انما بي2 بلون السياره
-التابلوه متغير كله التابلوه اللي نزل مصر فوق الدرج اليمين متفرغ انما الاوروبي بيبقي كده مقفول.
-فبره الفتيس متغيره برده لان العربيه دي نزلت 2 زجاج كهربا بس مش 4 ومن غير اير باج (ايه اللي يثبت ان الاير باج شغاله؟؟)

++خلي بالك بفي...
هو لما غير الاكصدام الامامي اضطر يغير اللي ورا كمان علشان يبقوا زي بعض وماغيرش الشنطه ولا الفوانيس الخلفيه (الشنطه والفوانيس فيكترا بي1) والزجاج الخلفي برده بي1 ,عرفت ازاي؟؟
لمبه الستوب اللي في نص الزجاج تحت انما في البي 2 متعلقه لفوق
معني كده ان احتمال تكون العربيه دي اتعرضت لحادث كبير من الامام والحادث امتد للتابلوه اللي اضطر يغيره والله اعلم بس الصور اللي حضرتك عارضها بتقول كده ولك مطلق الحريه وربنا يوفقك.تحياتي

دي صوره البي1 من 96 الي 99

و الله انت أستاذ , ربنا يكرمك

أنا سألت أخ في المنتدي على العربية دي قالي انت ايه اللي يخليلك تشتري عربية عاملة 200000 كم

أنا قدامي كذا واحدة تانية موديل 97 , و برضه 200000 كم بـ 46 ألف
هو الـ 2000000 كتير على العربية ؟؟

**felash** · 31-12-2011 08:27 PM

لا مش كتير اهم حاجة تكون محافظ عليها

**mmamdouh73** · 31-12-2011 08:36 PM

[QUOTE=hellboy;3874019401]بص ياباشا..
السعر حلو طبعا ,بس بصراحه علشان انت وثقت فينا وطلبت راينا والكلمه امانه,العربيه دي مغيره حجات كتير جدا يمكن محدش ياخد باله منها ...
-الاكصدام الامامي بالشبكه والفوانيس بتوع موديلات من 2000 الي 2003 اللي بنسميها فيكترا بي 2(الاكصدام كله بلون السياره)انما من 96 الي 99 فيكترا بي1(فيها رمش اسود بطول الاكصدام)
-الاكصدام الخلفي برده مش بتاعها بتاع بي2
-الابواب ال4 متغيره برده بي2 ,البي 1 جريد الابواب والمقابض لونهم اسود انما بي2 بلون السياره
-التابلوه متغير كله التابلوه اللي نزل مصر فوق الدرج اليمين متفرغ انما الاوروبي بيبقي كده مقفول.
-فبره الفتيس متغيره برده لان العربيه دي نزلت 2 زجاج كهربا بس مش 4 ومن غير اير باج (ايه اللي يثبت ان الاير باج شغاله؟؟)

++خلي بالك بفي...
هو لما غير الاكصدام الامامي اضطر يغير اللي ورا كمان علشان يبقوا زي بعض وماغيرش الشنطه ولا الفوانيس الخلفيه (الشنطه والفوانيس فيكترا بي1) والزجاج الخلفي برده بي1 ,عرفت ازاي؟؟
لمبه الستوب اللي في نص الزجاج تحت انما في البي 2 متعلقه لفوق
معني كده ان احتمال تكون العربيه دي اتعرضت لحادث كبير من الامام والحادث امتد للتابلوه اللي اضطر يغيره والله اعلم بس الصور اللي حضرتك عارضها بتقول كده ولك مطلق الحريه وربنا يوفقك.تحياتي

دي صوره البي1 من 96 الي 99
[
++++++1

**tananybasha** · 31-12-2011 09:29 PM

دى الصور
انما السعر غريب

**فادى محمد** · 31-12-2011 10:55 PM

كوكتيل فيكترا يا طناني بس انا حاسس انها ملسوعه في وشها بلاش منها احسن والالماني ممكن يمشي لغايه 500 الف كم وتلاقي العربيه عفيه والموتور بصحته..
نسيت حاجه كمان ممكن مهندسين التوكيل نفسهم مايخدوش بالهم منها..
الكبوت طبعا متغير..قولي ليه؟؟
رشاشات الميه بتاعه الازاز اللي علي الكبوت في مو 99 بتبقي قريبه من بعض انما الاوروبي بعيده شويه

**tananybasha** · 31-12-2011 11:31 PM

مش هافهم فى البى زيكم يا فادى

**SYD** · 01-01-2012 01:45 AM

تحياتي وكل تقديري للمهندس فادي باشا

طبعا مفيش كلام تاني بعد كلام فادي

بس انا ليا تعقيب صغير

كمان الأبواب فرشها متغير لأنها بلون الطابلوه

وانا عندي اعتقاد في حاجة
اظن ماحدش بيغير كل الحاجات دي الأبواب والكبوت والأكصدامين والطابلوه والطارة والكونسول والفوانيس الأمامية

هو موضوع الحادثة وارد
لكن انا اعتقد انه مغير الحاجات دي تشبها بالبي او كان بيشد العربية واضطر يغير كل الحاجات دي ودة وارد وخصوصا انها عاملة كيلومتر كتير يعني ممكن تكون شقيت واضطر يغير وطبعا في مصر وارد جدا تلبس بوشك او تضطر تغير الكبوت بسبب ان حد اقعد عليه طبقه او من كتر التريحات في الركن والجراج

وعلي العموم الدواخل هي خير دليل علي موضوع الحادث ولو الحادث جه في الصاج مش مشكلة طالما اتسمكرت او اتغير الصاج الي باظ وعموما الألماني مايعبوش ابدا تغير الصاج انا شخصيا في عربيتي تغير حتي الصدر مايعبش العربية لأنه علي مسامير ومفهوش اي تكت يخص رقم الشاسيه او الvin او اي بيانات للعربية وبالتالي تغييره اسهل ما يكون كذلك الرفارف كذلك الكبوت كذلك الأبواب والأكصدامات
وبردو عندنا في الأبيزا بيغيروا العربية كلها عشان يعدلها علي شكل ال98 وبتبان في الشكمان والأكصدامات والزجاج الخلفي والرفارف والطابلوه والعدادات و فرش الأبواب وبردو مايعبش العربية

لو العربية حالتها حلوة اتكل علي الله
اهم حاجة تكشف بدقة شديدة علي الدواخل وخصوصا الصدر 1
2- القوايم
3- القوايم الخلفية (لحسن تكون فعلا الحادثة جامدة جدا وفي لحامات في القوايم الخلفية ومغيره سقف)
4- العتب
5- الشنطة

لو كل دة سليم توكل علي الله

وللمرة التانية
الألماني مايعبوش تغير الصاج او الأكسسوارات او حتي الموتور

تقبلوا مروري

والله المستعان
،
،