اشترى لانوس ولا فيرنا

**AHMEDCAR** · 04-01-2012 12:17 PM

الانوس لو هتجيبها دايو لكن لو شيفورليه لا و الف لا لالالالالالالا

الفيرنا فراملها احسن من الدايو يا جدعان بس عاوزه واحد بيفهم و دمتم

**ICE_MAN** · 04-01-2012 12:34 PM

المشاركة الأصلية كتبت بواسطة AHMEDCAR

الانوس لو هتجيبها دايو لكن لو شيفورليه لا و الف لا لالالالالالالا
فعلا الشيفورليه اسوأ من الدايو

الفيرنا فراملها احسن من الدايو يا جدعان بس عاوزه واحد بيفهم و دمتم
الفرامل تبدو جيدة لما تكون على سرعة تحت ال 100 انما لو بتجرى و فرملت مرة واحدة هتلاقيها سيئة .. برضو اللانوس نفس الكلام و مش افضل منها فى شىء

تقبل مرورى

**mxz911** · 04-01-2012 01:22 PM

انا هقول من وجهه نظرى وكل واحد بيقول حسب احتياجه للعربيه :

طلعت العربيه بالنسبالى مهمه جدا لذلك بفضل الفيرنا
تكيف اللانوس سئ جدا بجد ووقت تشغيله العربيه بتموت !
الفرامل بتاعت الفيرنا اقل من اللانوس
صالون الفيرنا اضيق من اللانوس

لو انا هختار هجيب فيرنا !

**mostafa mahmod** · 04-01-2012 01:34 PM

طب متجيب نوبيرا احسن من الاتنين

**mailo** · 04-01-2012 04:00 PM

مع احترامي الكامل لأ طبعا

أنا ركبت الفرنا نزلت الكرسي على الأرض ورجعته ورا عشان أبقى تقريبا مستريح زي ماأنا متعود فالسواقة وكنت متكتف
حاولت أقعد فالكنبة اللي ورا معرفتش اخش العربية أصلا

ماختلفناش يا باشا ما انا قلت ان اللانوس اوسع

أنا قصدي فرق الوسع مش بسيط

عديت على مطب مش عالي قوي وواحدة واحدة لدرجة إني وقفت عليه عشان العربية ماتحكش والنتيجة المطب كله علم عالعربية من تحت

برضو ماختلفناش ما انا قلت ان اللانوس اعلى .. بس بفرق مش كبير و ممكن تكون الفيرنا اللى حضرتك ركبتها فيها عيب

مفيهاش الهوا بجد متدلعة دلع السنين
صاحبها كان راكب جنبي
بيخاف يسمع صوت الموتور وحنية الدنيا كلها فلمطبات

العفشة في اللانوس أحسن كتير من الفيرنا بس عزل الفرنا أحسن

اختلف بشدة .. العفشة فى الفيرنا احسن كتيير من اللانوس لكن العزل سيء فى الاتنين

العزل سيء في ال 2 بس فالفيرنا أحسن شوية , العفشة في رأيي أحسن فاللانوس

زراير الإزاز مكانها مريح أكتر في الفرنا

اعتقد مكان الزراير واحد فى الاتنين

فالفيرنا الزراير تحت إيدك "الدركسيون" على طول إنما في اللانوس متأخرة ناحية جسم السواق شوية

غير كده اللانوس أحسن فالباقي

طيب و الموتور و التكييف و الفتيس اخبارهم ايه ؟؟ يا راجل ده كفاية منظر عداد الكيلومتر بتاع اللانوس يخليك تحس انها عربية موديل 90 و فتيس الفيرنا انعم بكتيير و تكييفها احسن بكتيير و موتورها احدث dohc و اقوى بكتيييييييييييييير و فيه منها اوتوماتيك!

فتيس الفيرنا انعم كتير قوي "حريمي شوية :)"
التكيف مجربتوش
لانوس فيها auto وفيها 1600 بس مش منتشرين
الموتور أنا متعود على lanos وبعرف استعمله كويس يعني بعرف أجريه وقت ماأنا عايز وبسوق بيه هادي وقت ماأنا عايز
دي بترجع للسواق وكل واحد عارف عربيته كويس وعارف هي بتطلع اللي عندها إزاي

**ICE_MAN** · 04-01-2012 04:21 PM

الموتور أنا متعود على lanos وبعرف استعمله كويس يعني بعرف أجريه وقت ماأنا عايز وبسوق بيه هادي وقت ماأنا عايز
دي بترجع للسواق وكل واحد عارف عربيته كويس وعارف هي بتطلع اللي عندها إزاي

انا معاك ان السواق يعرف يطلع افضل ما فى عربيته لكن احنا هنا بنقارن بين موتورين و بصراحة افضل اداء لموتور اللانوس اقل بكتير جدا من افضل اداء لموتور الفيرنا.

**mailo** · 04-01-2012 05:28 PM

تمام قوي كده أنا معاك إن الموتور بره العربية فرنا أحسن طبعا

بس الموتور جوه العربية اللانوس أحسن

**ICE_MAN** · 05-01-2012 05:28 PM

المشاركة الأصلية كتبت بواسطة mailo

تمام قوي كده أنا معاك إن الموتور بره العربية فرنا أحسن طبعا

بس الموتور جوه العربية اللانوس أحسن

لا ياباشا موتور الفيرنا اقوى بره و جوه العربية و اعتقد ان النقطة دى بالذات محدش اختلف عليها قبل كده

**shaddadfalcon1** · 05-01-2012 10:00 PM

المشاركة الأصلية كتبت بواسطة ice_man

لا ياباشا موتور الفيرنا اقوى بره و جوه العربية و اعتقد ان النقطة دى بالذات محدش اختلف عليها قبل كده

بيتهيالي ميلو قاصده ان العربيات قصاد بعض من غير مواتير يبقي الفيرنا احسن بالمواتير يبقي الفيرنا احسن لان فرامل اللانوس يادوب علي قد موتورها لكن الفيرنا الفرامل ملهاش علاقه بالموتور
تحس انها عامله زي واحد بيلعب كمال اجسام بس عنده رعاش وشلل اطفال

**Sehsss** · 06-01-2012 12:11 PM

المشاركة الأصلية كتبت بواسطة ice_man

بص ياباشا انا شركتى بتدينى عربية و العربية دى ايجار بالتالى بتتغير كل شوية بناء على عوامل كتيير مرتبطة بالمعرض اللى بنأجر منه علشان كده انا جربت كل العربيات الكورى و اليابانى تقريبا و كمان جربتهم فى ظروف قاسية جدا من سفر لتحميل لدخول طرق غير ممهدة (مرة عملت 30 الف كيلو فى شهر واحد بمعدل الف كيلو يوميا تقريبا) علشان كده انا بتكلم عن تجربة و مش بفتى.

فعلا اللانوس احسن بكتيير من الفيرنا (والله مش علشان عربيتى و على فكرة انا ببيعها مش علشان عيب فيها لكن علشان على طول راكب اللانسر علشان اوتوماتيك و المانيوال فعلا مش نافع فى البلد دى) لكن لو رجع بيا الزمن قبل ما اشتريها هاشتريها تانى وتالت كمان (لكن اوتو مش مانيوال) فعلا العربية ممتازة من موتور لعفشة لسحب و كمان زيرو اعطال و كمان قطع غيار رخيصة و كمان تمنها فيها لو حبيت تبيعها .. كل ما يعيبها زى مانا قلت انها واطية شوية (و ده عادى مش عيب قاتل و الا ما كانش حد ركب سيفيك) و كمان ديقة شوية غير كده بصراحة مفيهاش عيوب تانية.. انما اللانوس بصراحة فيها موتور لوحده يخلينى ماركبهاش و كمان عفشتها مش زى الفيرنا و الفتيس بتاعها رخم مش ناعم زى بتاع الفيرنا و كمان التكييف فى الفيرنا احسن.

صدقنى جرب فيرنا حالتها حلوة هتعرف ان كلامى صح لانى حاسس انك ركبت عربية فيرنا سيئة خلتك تكره الفيرنا كله.

تقبل مرورى

بس في شكاوى كتيرة منها يا باشا وناس جايباها من الزيرو، خاصة العفشة