عاوز اشترى سيارة جديدة ومحتار
ارجوكم افيدونى عن مميزات وعيوب اللانوس والفيرنا
عرض للطباعة
عاوز اشترى سيارة جديدة ومحتار
ارجوكم افيدونى عن مميزات وعيوب اللانوس والفيرنا
لانوس وياريت تبقي دايو مش شيفروليه
lanos
الاتنين حلوين بس ماتور الفيرنا اقوى فى الجرى
توكل على الله فى فيرنا
بص يا معلم انا هقولك المفيد " انا معايا لانوس و مسوقتش فيرنا بس هقولك على اللى اعرفه من اصحابى و من الاعضاء "
كماتور الاتنين ماتورهم كويس بس ماتور الفيرنا طلعته سريعه و بيجمع بسرعه - اما اللانوس هفو بطىء على ار بى ام قليل انما لما تزود انساه بيادى الغرض جامد " الفيرنا 106 حصان تقريبا و اللانوس 86 حصان "
الفرامل الاتنين مش قد كده انما اللانوس احسن من الفيرنا
الصالون اللانوس اوسع
قطع الغيار الاتنين بيتباعوا فى السوبر ماركت و سعرهم رخيص جدا و هتلاقى من الصينى لغايه الاصلى
الثبات اللانوس احسن بشهاده الناس كلها
التكييف الاتنين جامدين كعاده الكورى
العيوب
الفيرنا عربيه جميله بس يعيبها شويه حاجات
موتورها قوى جدا و ده عيب لانه بيخليك تجرى بيه و العربيه اساسا مش مستحملاه و كمان صوته عالى
ثباتها وحش جدا بعد ال 120 بتبقى هوا
و انت شاريها زيرو بتحتاج ترصيص
فراملها وحشه اوى بالنسبه للماتور بتاعها محتاج فرامل اقوى من كده
اللانوس :
العزل بتاعها وحش جدا
السحب بطىء جدا فى استجابته و خصوصا مع التكييف بس لما بتعدل فيشه الاوكتان بتتظبط الحكايه دى
و اخيرا فيه ميزه فى الاتنين و هى ان الاتنين هما اقوى قسمين فى نايل موتورز و خصوصا قسم الدايو و هو كان السبب انى اشترى دايو
و فى النهايه هما عربيتين فى نفس الفئه السعريه و هتلاقيهم قريبين اوى من بعض " و مفيش عربيه ايا كانت مفيهاش عيب "
و حاول ان انت تركب الاتنين و تشوف ايهما اريحلك
دايو لانوس طبعا، واقرا المقارنة اللي مثبتة في القسم
طب حضرتك ليه ماحطيتش ف اعتبارك حاجات تانية؟ زي اللوجان مثلا أو البروتون (بس يفضل اللوجان)؟ أنا عارف ان مصاريف صيانتها أغلي شوية بس علي الأقل احسن من العربيتين الحجريتين اللانوس تصنع من سنة 97 ماتغيرش فيها مسمار الا الفانوس الخلفي غيرو شكله عام 2000. والفيرنا تصنع منها الكوري من عام 99 وغبور كمان مش بيحطلها موتورها الأصلي (الأصلي 1500 هو بيحط 1600 عشان كدة العربية مش ثابتة).
بروشور اللوجان
http://www.renault.com.eg/CountriesD...ogan-sedan.pdf
لانوس
خلاصة الكلام اللانوس صالونها اوسع (فرق بسيط) و اعلى عن الارض (بفرق بسيط ايضا) و الباقى كله لصالح الفيرنا..
+1اقتباس:
خلاصة الكلام اللانوس صالونها اوسع (فرق بسيط) و اعلى عن الارض (بفرق بسيط ايضا) و الباقى كله لصالح الفيرنا..
فيرنا طبعا
مع احترامي الكامل لأ طبعا
أنا ركبت الفرنا نزلت الكرسي على الأرض ورجعته ورا عشان أبقى تقريبا مستريح زي ماأنا متعود فالسواقة وكنت متكتف
حاولت أقعد فالكنبة اللي ورا معرفتش اخش العربية أصلا
عديت على مطب مش عالي قوي وواحدة واحدة لدرجة إني وقفت عليه عشان العربية ماتحكش والنتيجة المطب كله علم عالعربية من تحت
العفشة في اللانوس أحسن كتير من الفيرنا بس عزل الفرنا أحسن
زراير الإزاز مكانها مريح أكتر في الفرنا
غير كده اللانوس أحسن فالباقي
الثبات و الفرامل متقاربين جدا و من الاخر الاتنين تعبانين
الفيرنا موتور احدث و افضل تكييف افضل عفشة افضل
مع احترامى لحضرتك و انا هستفيد ايه لما البلد العضو المحترم صاحب الموضوع يركب فيرنا او حتى البلد كلها تركب فيرنا ؟؟؟؟؟
انا بنصحوا باللى شايفه صح - من وجهة نظرى - و لو انا مكانه كنت هختار ايه و كمان رايى ده بناء عن تجربة اكتر من 10 عربيات لانوس.
تقبل مرورى
بص ياباشا انا شركتى بتدينى عربية و العربية دى ايجار بالتالى بتتغير كل شوية بناء على عوامل كتيير مرتبطة بالمعرض اللى بنأجر منه علشان كده انا جربت كل العربيات الكورى و اليابانى تقريبا و كمان جربتهم فى ظروف قاسية جدا من سفر لتحميل لدخول طرق غير ممهدة (مرة عملت 30 الف كيلو فى شهر واحد بمعدل الف كيلو يوميا تقريبا) علشان كده انا بتكلم عن تجربة و مش بفتى.
فعلا اللانوس احسن بكتيير من الفيرنا (والله مش علشان عربيتى و على فكرة انا ببيعها مش علشان عيب فيها لكن علشان على طول راكب اللانسر علشان اوتوماتيك و المانيوال فعلا مش نافع فى البلد دى) لكن لو رجع بيا الزمن قبل ما اشتريها هاشتريها تانى وتالت كمان (لكن اوتو مش مانيوال) فعلا العربية ممتازة من موتور لعفشة لسحب و كمان زيرو اعطال و كمان قطع غيار رخيصة و كمان تمنها فيها لو حبيت تبيعها .. كل ما يعيبها زى مانا قلت انها واطية شوية (و ده عادى مش عيب قاتل و الا ما كانش حد ركب سيفيك) و كمان ديقة شوية غير كده بصراحة مفيهاش عيوب تانية.. انما اللانوس بصراحة فيها موتور لوحده يخلينى ماركبهاش و كمان عفشتها مش زى الفيرنا و الفتيس بتاعها رخم مش ناعم زى بتاع الفيرنا و كمان التكييف فى الفيرنا احسن.
صدقنى جرب فيرنا حالتها حلوة هتعرف ان كلامى صح لانى حاسس انك ركبت عربية فيرنا سيئة خلتك تكره الفيرنا كله.
تقبل مرورى
الانوس لو هتجيبها دايو لكن لو شيفورليه لا و الف لا لالالالالالالا
الفيرنا فراملها احسن من الدايو يا جدعان بس عاوزه واحد بيفهم و دمتم
انا هقول من وجهه نظرى وكل واحد بيقول حسب احتياجه للعربيه :
طلعت العربيه بالنسبالى مهمه جدا لذلك بفضل الفيرنا
تكيف اللانوس سئ جدا بجد ووقت تشغيله العربيه بتموت !
الفرامل بتاعت الفيرنا اقل من اللانوس
صالون الفيرنا اضيق من اللانوس
لو انا هختار هجيب فيرنا !
طب متجيب نوبيرا احسن من الاتنين
اقتباس:
مع احترامي الكامل لأ طبعا
أنا ركبت الفرنا نزلت الكرسي على الأرض ورجعته ورا عشان أبقى تقريبا مستريح زي ماأنا متعود فالسواقة وكنت متكتف
حاولت أقعد فالكنبة اللي ورا معرفتش اخش العربية أصلا
ماختلفناش يا باشا ما انا قلت ان اللانوس اوسع
أنا قصدي فرق الوسع مش بسيط
عديت على مطب مش عالي قوي وواحدة واحدة لدرجة إني وقفت عليه عشان العربية ماتحكش والنتيجة المطب كله علم عالعربية من تحت
برضو ماختلفناش ما انا قلت ان اللانوس اعلى .. بس بفرق مش كبير و ممكن تكون الفيرنا اللى حضرتك ركبتها فيها عيب
مفيهاش الهوا بجد متدلعة دلع السنين
صاحبها كان راكب جنبي
بيخاف يسمع صوت الموتور وحنية الدنيا كلها فلمطبات
العفشة في اللانوس أحسن كتير من الفيرنا بس عزل الفرنا أحسن
اختلف بشدة .. العفشة فى الفيرنا احسن كتيير من اللانوس لكن العزل سيء فى الاتنين
العزل سيء في ال 2 بس فالفيرنا أحسن شوية , العفشة في رأيي أحسن فاللانوس
زراير الإزاز مكانها مريح أكتر في الفرنا
اعتقد مكان الزراير واحد فى الاتنين
فالفيرنا الزراير تحت إيدك "الدركسيون" على طول إنما في اللانوس متأخرة ناحية جسم السواق شوية
غير كده اللانوس أحسن فالباقي
طيب و الموتور و التكييف و الفتيس اخبارهم ايه ؟؟ يا راجل ده كفاية منظر عداد الكيلومتر بتاع اللانوس يخليك تحس انها عربية موديل 90 و فتيس الفيرنا انعم بكتيير و تكييفها احسن بكتيير و موتورها احدث dohc و اقوى بكتيييييييييييييير و فيه منها اوتوماتيك!
فتيس الفيرنا انعم كتير قوي "حريمي شوية :)"
التكيف مجربتوش
لانوس فيها auto وفيها 1600 بس مش منتشرين
الموتور أنا متعود على lanos وبعرف استعمله كويس يعني بعرف أجريه وقت ماأنا عايز وبسوق بيه هادي وقت ماأنا عايز
دي بترجع للسواق وكل واحد عارف عربيته كويس وعارف هي بتطلع اللي عندها إزاي
الموتور أنا متعود على lanos وبعرف استعمله كويس يعني بعرف أجريه وقت ماأنا عايز وبسوق بيه هادي وقت ماأنا عايز
دي بترجع للسواق وكل واحد عارف عربيته كويس وعارف هي بتطلع اللي عندها إزاي
انا معاك ان السواق يعرف يطلع افضل ما فى عربيته لكن احنا هنا بنقارن بين موتورين و بصراحة افضل اداء لموتور اللانوس اقل بكتير جدا من افضل اداء لموتور الفيرنا.
تمام قوي كده أنا معاك إن الموتور بره العربية فرنا أحسن طبعا
بس الموتور جوه العربية اللانوس أحسن
الاثين اثبتوا نفسهم فى مصر وبشده
الاثنين اسهل صيانة فى الدنيا واخص قطع غيار بلا منافس
اعتقد استهلاك بنزين اللانوس اكتر
الاثنين واطيين على الارض وبيحكوا فى المطبات ( يمكن الفيرنا اوطى حاجه بسيطه )
الاثنين فراملهم وحشه
اللانوس ماتورها مش قد كده والفيرنا ماتورها جباااااااااار على وزنها وديه ميزه كبيره وعيب فى نفي الوقت
اللانوس ثباتها معقول والفيرنا ثباتها وحش
عفشه الفيرنا انعم
للأسف زى ما انت عارف ان معظم الشكاوى هنا فى مصر عبارة عن حالات فردية (ودى بتحصل حتى فى المرسيدس) او ناس سمعت من ناس سمعت من ناس .. وده بيعمل سمعة سيئة على عربيات كويسة زى الصنى و البروتون و غيرها .. علشان كده انا بطلت احكم على اى عربية مجربتهاش حتى لو المانى
+111111
الأثنين كويسين بس أنا شايف الفيرنا احسن عن تجربة الفيرنا ماتورها احلا وشكلها احلا انا الحمد لله بقالها معايا100000 كم مغيرتش غير الكبالن وباقى الصيانات العادية بس تقريبا دى اخر سنة ليها فى السوق عشان عقد التجميع الى واخده غبور حيخلص وياريت حد يأكد المعلومة دى
احيك بشدة على موضوع متحكمش على عربية مركبتهاش نفسي نطبق بجد الموضوع ده .. :verygood::verygood::verygood: ..
بص يا جماعة أنا كان معايا العربيتين ..
بالنسبة للفرامل و العفشة و والتكييف الفيرنا ..
بالنسبة للوسع الداخلي و استهلاك البنزين و رخص قطع الغيار الانوس ..
موضوع الموتور بقى .. الفيرنا ممتازة جدا جدا جدا في طلعتها لحد 120 أو 140 مثلا .. الانوس موتور نفسه طويل ممكن يعدي بعد كده .
و خده بالكم عفشة DAWEOO كله وحشة محدش بيشكر فيهم ابدا ..
تحياتي لحضرتكم ..
فيرنا ....
اقل من 1600 cc ماتنفع فى مصر مع التحميل والتكييف والسحب افضل لك الفيرنا وشكل انظف من اللانوس
لو عاوز لانوس يبقى تنسى تشغل التكييف
ولو عاوز طلعة قوية وتكييف محترم تجيب فيرنا بس تنسى الجري فوق 100 كيلو
والله أعلم
تقبل مروري
أشكرك على تعليقك واتفق معاك فى كل شىء عدا موضوع النفس الطويل ده لان بجد و عن تجربة موتور اللانوس مستحيل يعدى من موتور الفيرنا على اى سرعة
+1111111
+1111111
تنسى الجرى !! ده الفيرنا مابتعملش حاجة فى الدنيا غير الجرى ههههههه بص ياباشا فى الاول هتخاف تجرى بيها بعد ال 100 فعلا لكن بعد ما تركبها شوية و تاخد عليها انا متأكد انك هتقفل العداد بعد اقل من شهر..
فيرنا + جنوط15 = اعمل اللى انت عاوزة ومتقلقش
والله العظيم العربية دى رائعة ... 3 سنين معايا احط المفتاح وادور وماشاء الله عمرها ماقالت لأ
ولسة كاتب فى موضوع تانى صاحبى معاة واحدة عاملة 240الف كيلو مغيرش غير طقم دبرياج ب 450جنية
اتكل على الله وهات الفيرنا .... الانوس بعد ماراحت لمنصور بقت ذفت