هل أشترى من الوكيل نفسه ولا من معرض؟

**aesaad** · 13-06-2007 06:05 PM

ياجماعة أنا ناويت إن شاء الله أشترى لانسر 1600 مانيوال بضمان الوكيل "مصرية"، عرفت إن الأسعار كلها تقريباً واحدة عند الموزعين المعتمدين، وسألت فى الوكيل نفسه اللى هو شركة مصرية اللى فى 3أ ش. رمسيس وعرفت إن عنده نفس السعر.

هل أشترى من الوكيل وللا من موزع؟ وإيه الميزة أو الفرق؟

كمان محتاج أعرف إيه الأوراق والمستندات اللى المفروض آخدها من اللى هاشترى من عنده؟

وأشكركم جداً

م/أشرف

**اسلام المصرى** · 13-06-2007 06:32 PM

شوف يا سيد أشرف على حسب علمى لا يوجد فرق بين الوكيل و الموزع و لا توجد ميزة أيضا نصيحة منى أشترى من عند مصرية علشان تاخد ورقك بسرعة مختوم و ممضى بدل ما لسه الموزع يبعت للوكيل و هكذا تكسب وقت يعنى أما بالنسبة للأوراق على حسب ما أنا فكر أولا كتيب الضمان بتاع الصيانة ثانيا شهادة الضمان بتاعت العربية الأصل مختومة و ممضية
ثالثا صورة من الأفراج الجمركى علشان ثرخص بيها العربية. ونمر تجارية طبعا لو مش هترخص على طول مع أننى لم أفعل ذلك مشيت بيها حوالى 3 أو 4 أيام سيبت الورق اللزق عليها و توكلت على الله :D هذا طبعا مش صحيح بس برده حرام تتأجر ب 60 أو 70 جنيه و أعملها كمان شهادة مخالفات قبل ما أسلمها و أخش فى متاهات و وجع دماغ.

و ربنا يوفقك يا سيد أشرف و لو أنا فى حاجة نسيها ياريت الأخوة الأفاضل يكتبوها للمنفعة العامة و السلام عليكم

**Dr Ahmed** · 13-06-2007 06:41 PM

زى ماقال أخى الشبح بالضبط لكن النمر التجارية عندنا فى بنها ايجارها فى اليوم 25 جنيه ولم يطالبنى أحد بشهادة مخالفات أو غيره ، بس نصيحتى تتمم على السيارة من الخارج والداخل وتذكر الله أول ما تدخلها وتجرب كل ما يمكن تجربته وتبص على العدادات وجوه الكبوت وعلى الاستبن والكاسيت وضمانه وابقى اشتريلها غطا من هناك او وانت راجع مع كلبش دركسيون بمفتاح.

**اسلام المصرى** · 13-06-2007 06:52 PM

تمام يا د. أحمد :D أنا موضوع النمر التجارية مش متأكد منه 100 فى 100 ده كلام أحد البائعين داخل المعرض اللى جبت منه السيارة. و للحفاظ على فرش السيارة خصوصا فى حالة وجود أطفال ركب فرش للعربية و دواسة لأرضية الشنطة للحفاظ عليها و ديه متوفرة فى شارع دمشق أو عند بتاع الفرش.

**Nader** · 13-06-2007 10:25 PM

انا اختلف مع اخواني الاعزاء انا شايف ان من الممكن الفصال قليلاً فالمعارض وانت اولى بفرق السعر بس دة مش ممكن مع معرض المصرية.

**اسلام المصرى** · 14-06-2007 08:37 PM

أنا بعد مناقشات و مناورات الحمد لله نزلت من تمنها ألف جنيه , جرب عند الرواس و عند الموزعين شوف مين هيديك أحسن سعر و ربنا معاك.

**bassam nagy** · 14-06-2007 08:57 PM

انا مع الاخ نادر بالفعل يوجد فصال فى المعارض لو هاتشترى كاش

**M_ElSabaa** · 14-06-2007 08:58 PM

هل أشترى من الوكيل وللا من موزع؟ وإيه الميزة أو الفرق؟

كمان محتاج أعرف إيه الأوراق والمستندات اللى المفروض آخدها من اللى هاشترى من عنده؟

ممكن تروح معرض لايف موتورز الى فى جامعة الدول فى المهندسين صاحب المعرض ده قريب صاحب التوكيل وناس محترمة جدا وممكن ينزل 1500 جنيه وانا اشتريت منهم وهما ناس كويسيين جدا الصراحة
وهتاخد ضمان العربية وكتيب الصيانة و الكاتالوج و مبايعة العربية والافراج الجمركى
واهم حاجة زى ما قاله الاخوة هنا لازم تجيب معاك كلبش الدريكسيون لغاية لما تركب انذار ان شاء الله وخد بالك من كل حاجة فى العربية ويستحسن تاخد حد معاك يبص برده لو فى اى حاجة
ومبروك مقدما وربنا يباركلك فيها

**emadfk** · 14-06-2007 10:11 PM

على فكرة انا اشتريت من المعرض ده

دول ناس محترمين جدا و اخر ذوق و اسعارهم مهاوده عن باقى السوق

وهتاخد ضمان العربية وكتيب الصيانة و الكاتالوج و مبايعة العربية والافراج الجمركى وشهادة الترخيص للمرور الى انت تريده وشهادة البيانات

ومبروك مقدما وربنا يباركلك فيها و يكفيك شرها

8) 8) 8) 8)

الموضوع: هل أشترى من الوكيل نفسه ولا من معرض؟

LinkBack

أدوات الموضوع

عرض

-

-

-

-

المواضيع المتشابهه

عايز أشترى سيراتو sx من الوكيل

ســــؤال مهم (أشترى من الوكيل ام من الموزع)

أشترى عربية دلوقتى ولا أستنى معرض الأهرام ؟؟

منيــن أشترى كماليات خارج الوكيل لميـــجان 2008

حدث بالفعل ::. أشترى من الوكيل أضمن . . .-

الكلمات الدلالية لهذا الموضوع

المفضلات

المفضلات

ضوابط المشاركة