هل يعامل كموتور جديد أم قديم؟؟؟
مثال يفضل استخدام الزيوت التخليقية للموتور الحديث هل بعد العمرة ينطبق هذا الكلام عليه؟؟؟
عرض للطباعة
هل يعامل كموتور جديد أم قديم؟؟؟
مثال يفضل استخدام الزيوت التخليقية للموتور الحديث هل بعد العمرة ينطبق هذا الكلام عليه؟؟؟
متابع بأهتمام
كل الى اعرفة ياباشا انك تلين الموتور و كل اجزائة تطبع على بعض زى الجديد كدة موضوع الزيت دة معرفش بقى ممكن حد من الاخوة يفدوك فية
هو حضرتك بتعمل عمرة ليه ؟؟؟
عشان نسبة الخلوص بين السلندر والصباب بتاعها كبرت وبالتالي الموتور يبدأ ياكل الزيت او بمعني ادق يدخله معاه في غرفة الحريق ويحرقه ويطلعه في الشكمان ودة سبب ان لما الموتور يخف (يقل كبسه) بيحرق الزيت (بياكله) ويبقي لون العادم ملون ابيض مزرق علي خفيف
العمرة حضرتك بتروح لخراط ياكل من الوش والميكانيكي بيعوض الي اتاكل بجوان زيادة
والميكانيكي بيغير بساتم واحيانا الشواكيش بتاعة الصبابات وبيخرط البساتم عشان تطبع مع السلندر
وعشان كدة الموتور الجديد بيسموه 000
والي اتعمله عمرة بيسموه 010
والي اتعمله عمرتين بيسموه 020
والثلاث عمرات يسموه 030 وهذا هو الحد الأقصي لخرط السلندر وتركيب جوانات
طب لو العمرة اتعملت مظبوط عند خراط محترف وميكانيكي بيفهم
تقريبا بيبقي الموتور رجع زي الأول بس طبعا عمره الأفتراضي مش زي الجديد وعرضة في اي وقت انه يضرب جوان
وبالتالي لو اتعملت صح مفيش مانع من استخدام زيت تخليقي بس بعد فترة التليين
في خلال فترة التليين يستحسن تحط زيت عادي بس مش زيت تقيل وتغيره بعد 500 كم او 1000 بالكتير عشان يكون نظف الموتور وياخد معاه الرايش بتاع الخراطة وهو نازل وطبعا بتغيير الفلتر
والله المستعان
،
،
انا لسه عامل عمره كامله لعربيتي الفليشيا ودي كانت اول مره اعمل عمره لاي عربيه معايا وعملت موضوع والرد كالتالي
الاول بتاخد صفيحه بنزين والعربية واقفه مكانها يعني بتدور العربية وتسبها شغال في اليوم ساعه او اتنين
وبعدين بتمشي 500 كيلو تحت سرعة 60
وبعدين كمان 500 كيلو ما بين 60-120
وبعدين 500 كمان دي بقئ بتكون حضرتك فيها بتعود عربيتك علي عدد لفات الماتور الي تنقل فيها يعني مثلا انت بتنقل من الاول للتاني عند 3000 لفه وهاكذا
بس يستحسن تحط زيت 1000 كيلو عشان هتغيره بعد 1000 كيلو الاولي
ويا ريت تستمر عليه عشان كل ما طول الزيت في العربية بيكون مش كويس للماتور
تمام
و الفترة الأولى هى اللى بتدى الموتور عمرة اللى هيفضل بعد كده
و اى غلطه
بتضيع الموتور فى الفترة دى