الموضوع: أفيدونى أفادكم الله

والله كلامك مقنع جدا يا استاذ benmatar وانا عن نفسى كنت مقتنع بيه رغم كل الكلام والتخويف من قطع الغيار
بس كل العربيات الاوربى اللى شفتها كانت حالتها مش تمام ومكنش فيه نصيب
اخر حاجة شفتها كانت بيجو 206 بس عشان شبابى وكدا صاحبها كان جايب أجلها
ومشكلة الشراء فى المستعمل ان الواحد مش بيقدر ياخد النوع اللى هوا عاوزه بالظبط لأن اللى بيحكمه حالة العربية

المشاركة الأصلية كتبت بواسطة matrix_87

والله كلامك مقنع جدا يا استاذ benmatar وانا عن نفسى كنت مقتنع بيه رغم كل الكلام والتخويف من قطع الغيار
بس كل العربيات الاوربى اللى شفتها كانت حالتها مش تمام ومكنش فيه نصيب
اخر حاجة شفتها كانت بيجو 206 بس عشان شبابى وكدا صاحبها كان جايب أجلها
ومشكلة الشراء فى المستعمل ان الواحد مش بيقدر ياخد النوع اللى هوا عاوزه بالظبط لأن اللى بيحكمه حالة العربية

السلام عليكم
شكرا للرد، أنصح حضرتك بموضوع مهم ألا وهو الصبر حبتين في الشراء لأن سيادتك مش بتجيب عربية كل يوم، وواثق إن زي ما بتلاقي حالات مش تمام هتلاقي حالات ممتازة، في عربيات بتلاقيها حالة فريدة بس لف واسأل ودور. أنا عارف المشغوليات والزهق من اللف والدوران ودي حاجة مجربها بس لما ربنا يكرمك بعربية أوروبي محترمة أو حاجة حالتها تمام هتستريح. وبالنسبة لبيجو 206 عشان شبابي هتلاقي متهان منها كتير. ركبت بيجو كتير ولازلت وبقل لحضرتك هتلاقي 405 محترمة، وفي عربية أنا عارف إن ناس كتير مش معايا في الرأي بس مع احترامي مش الكل بيقول رأيه عن دليل وإنما كتير بيقول رأيه لمجرد سمع أو كلام، يعني رينو كليو عربية محترمة وجربت منها موديل 2001 الفرنساوي الشكل القديم وموديل 2003 التركي الشكل الجديد بصراحة عربيات تمام التمام من ثبات وقوة وتوفير بنزين وقطع غيارها زي الفل بس الحقيقة إنها لازم تتصين عند متخصص رينو محترف وتفضل معاك زيرو. ممكن تلافي حاجة 2004-2005 في نفس الحدود وهتلاقي منها فابريقة كمان، وكفاية إن معدلات الأمان بتاعتها عالية وفيها إيرباج. آسف للإطالة بس مهتم إن حضرتك تركب حاجة كويسة.