ماتريكس 2007

**AbuAdam** · 26-05-2008 02:05 AM

سيارة هيونداي ماتريكس 2007 فول اوبشن مانيوال

لونها بترولي , معاها الضمان بالصيانة الدورية و مختوم و الكتالوج

فيها سي دي بايونيير أصلي بالضمان

استعمالها كله على الدائري ما بين المعادي و التجمع الخامس

37000 كم

المطلوب 80000

**timo_crosswind** · 26-05-2008 02:10 AM

بصراحه سعرها كتير اوي وخصوصا انها مانيوال ...سعرها جديد دلواقتي عامل 84 الف جنيه وعامله كيلوات كتير فوق الطبيعي ....لاني اعرف ان الطبيعي المعدل يكون من 15 الف الي 20 الف كم في السنه
انا راي ان سعرها مبالغ فيه جدا مهما كانت حالتها

**ابوشريف** · 26-05-2008 02:11 AM

السلام عليكم

اعتقد السعر عالى كتير يا ابو ادهم

خصوصا ان الكيلو متر يعتبر كتير على استخدام سنه واحده

وربنا يوفقك لما فيه الخير

**AbuAdam** · 26-05-2008 08:27 AM

يا جكاعة هوه فعلا كتير عن الطبيعي بس كله على طريق مفتوح يعني على الدائري و سواقة هادية جدا جدا ....

و على العموم احنا اخوة و انا اتمنى مصلحتكم زي مصلحتي بالظبط و أكتر

انتو عايزين تدفعوا فيها كام ؟

**Dr.A.Nabil** · 26-05-2008 08:38 PM

انا شايف انها 70 او 72 الف

**AbuAdam** · 27-05-2008 02:05 AM

لأ مش للدرجة دي متخسفش بيها الأرض

**mhDeeb** · 27-05-2008 10:19 PM

انت لازم تبيع العربية دى فعلا لان انت لو مبعتهاش العربية كمان سنة حتكون عاملة 60 الف كيلو متر في سنتين وبكدة حتجيب مبلغ قليل خالص
وحاليا العربية كدة متعتبرش كسر زيرو لانها اشتغلت كتير يا ابو ادهم
سواء دائرى محور حتى لو كان سفر المهم ان العداد بيعد
وربنا يسهلهالك وتلاقى بيعة كويسة لها

**Dr.A.Nabil** · 29-05-2008 12:52 AM

بص يا باشا
احسب كل شهر استهلاك للعربيه ب 1400 ج
وكل 10 الاف كم .. ب 2000 ج

وتقدر كده تحسب تقريبا متوسط سعر العربيه

**ابوشريف** · 29-05-2008 01:23 AM

المشاركة الأصلية كتبت بواسطة ahmodium

بص يا باشا
احسب كل شهر استهلاك للعربيه ب 1400 ج
وكل 10 الاف كم .. ب 2000 ج

وتقدر كده تحسب تقريبا متوسط سعر العربيه

حسبت بطريقتك يا د احمد طلع السعر 65000

انا اعرف واحد باع 2005 فابريقه بره وكانت عامله 38 الف كيلو

باعها ب64 الف

وبما ان عربية ابو ادهم 2007 فانا شايف ان 68 الى 70 سعر كويس

وكمان هى كان سعرها زيرو العام الماضى 77

**kemoelord** · 29-05-2008 01:55 AM

يا جماعه انا شايف ان السعر النهائي تبعها يتراوح ما بين (70 - 72 ) الف لسببين
1- العربيه بينزل من سعرها 10 الاف لما تعدي كسر الزيرو
2- العربيه الحقيقه عامله كتير جدا بالنسبه لاستخدام عام واحد فقط لان الاستخدام الامثل في العام الواحد يترواح ما بين ( 15 - 17 ) الف فقط وده وجهة نظري المتواضعه جدا