يا سحس العربية وصاحبها تحت امرك
واهى فرصة الينلك عربيتك شوية صح :36_2_33: بدل الحرق اللى انت بتحرقه جوة البلد ده
الحرق مفيهوش أي مشكلة على الموتور .. كان في موضوع معمول في القسم عن الحرق ده .. إن شاء الله لو كل غياراتك على 6.5 ..
الموضوع أهوه ..
http://www.nilemotors.net/Nile/200543-rpm.html
يا عم احمد مهما قولت وكل خبراء العربيات فى العالم قالوا برضه مش مقتنع ان الحرق لحد فوق 5000 ده عادى كده وطبعا مع الوقت هايجهد الموتور وابقى قابلنى لو كملت بيه 100 الف كم
وكمان الحرق على كل الغيارات مش متساوى
يعنى ايه فايدة انى احرق ع الاول والتانى لحد 5000 عشان اوصل لسرعة 50-60 و80-90 عالتوالى؟!!!
انا لو باحرق اخرى ع التالت 4000 والرابع 5000 غير كده ما انصحش للحفاظ ع العربية لأنى مش داخل سباق
الا اذا اتعرضت لموقف طارىء وساعتها احرق ان شالله على 7500
احب اضيف معلومة كمان عالماشى انه اللى بيحرق بيبقى عاوز يخرج قوة الموتور الحصانية على كل غيار ودوران العزم وده بيختلف من موتور لموتور ومن عربية لعربية حسب مواصفات التصميم
وفى حالتنا النيسان صنى كما هو مذكور فى الكتالوج والبروشور
الحد الاقصى للقدرة 118 حصانا / 6000 دورة فى الدقيقة
والحد الاقصى لعزم الدوران 16.5 كجم-متر/ 4000 لفة فى الدقيقة
عشان كده انا باقول اخرى 4000-4500 لأن عزم الدوران اقصى ما يمكن فى الرينج ده فوق كده حرق بنزين ع الفاضى بدون ان يترجم لقوة سحب وجربوا بنفسكم وشوفوا
وكمان اقوى غيار فى العربية هو الرابع من حيث الاستجابة والتسارع وفيه هتلاقى مؤشرين عدادات الrpm والسرعة ماشيين مع بعض
وموضوع العلامة الحمرا والوصول ليها ده عداد ولازم يبقاله آخر ومش معنى كده اننا فى العربيات الملاكى العادية الغير معدلة نفضل ماشيين لحد ما نوصلها ده ممكن اعمله لو راكب عربية رياضية او سباق مصممة على استخراج عزم دورانها وقدرتها على rpm عالى
الله ينور عليك ياريس
ياترى حد تانى استخدم منظف الانجكشن وكشف ع البوجيهات ؟
او ما استخدمش وكشف برضه ع البوجيهات ؟
عاوزين نعرف التفسير للصورة دى .. وبالمناسبة انا فتحت الكلام ده فى موضوع ليكوى مولى الاعلانى وفى انتظار رد منهم
- أكتر حاجة مخوفاني هي موضوع "بعض الأعضاء " ..هههه- ربنا يستر!!
- أنا كان رأيي مبني على إن عندك يا دكتور حاجتين (ضفيرة اتغيرت لمدة 20 ألف ، ومنظف إنجيكشن لمدة 500 كم)
- وده برضو ميقللش من وظيفة منظف الإنجكشن.
(اللي وظيفته تنضيف ال Fuel line من التانك للرشاشات ، وبطريقة غير مباشرة بيساعد في إزالة الcarbon deposits داخل غرفة الإحتراق: سواء رؤوس البساتم أو جدران الأسطوانة أو الصبابات أو البوجيهات نفسها)
-حاجة تانية كنت عايز أضيفها .. إن بوجيهات 20 ألف و40 ألف هما كمان مفيهمش مشكلة.
(إحمرار العازل بتاع الطرف الموجب للبوجيه) لا يمثل ولا يدل على وجود مشكلة نوهائي.
- سألت كتير على سبب الإحمرار ده .. وملقيتش غير إجابتين(زودوا حيرتي بصراحة) !!
(إما بنزين سيء وعليه إضافات من المصدر ، أو صاحب العربية بيستخدم octane booster).
- أما موضوع الضفيرة : مش شرط ان كل اللي عنده مشكلة في الضفيرة تكون البوجيهات عنده (مهببة)
- البوجيهات هتكون مهببة فعلا لو جزء الضفيرة اللي رايح للبوبينات الdirect ignition فيه مشكلة (يعني مقاومة الأسلاك عالية مثلا)فبالتالي ميحصلش إحتراق تام .
:tumb::tumb::tumb: يا دكتور إنت المفروض تغير مجالك وتشتغل في السيارات.
* بالنسبة للغيارات:(ملهاش قاعدة معينة .. إني أنقل عند كام RPM) لكن بتيجي بالsense تبع أسلوب سواقتك.
بس ممكن نختصرها في 4 حالات: IMHO
1- عايز أقصى توفير في الوقود مع أداء مناسب : يبقى 2500 : 3000 مناسب.
2- عايز أقصى تسارع(يعني أعلى عزم) : يبقى تنقل عند 4000 : 4500 زي ما حضرتك قولت.
3- لو زودت عن 4500 يبقى انت في Drag يعني عايز سرعة أعلى (سرعة= قدرة)..(بالرغم من الإستهلاك العالي ، والتسارع اللي بيقل تدريجيا).
4- لو نقلت بدري أوي(1200 RPM مثلا) .. هتزود الإستهلاك (حتى ولو خففت رجلك من عالبنزين عشان العربية متسقفش).
* ملحوظة: الكلام ده لا ينطبق عالمواتير المتربنة الحديثة .. عشان:
- ممكن تنقل بدري (1500 RPM) وسبحان الله هتحصل على أعلى عزم ممكن.
- وممكن تفضل لحد (5000 RPM) أو تعديها كمان ، ومازلت على أعلى عزم.(نفس القيمة)
* حاجة أخيرة ودي بختلف معاك فيها يا دكتور يوسف:
- أقوى غيار في العربية من حيث الاستجابة والتسارع هو (الأول) .. لإنه بيبدأ حركته من سكون.
وفيه هتلاقي مؤشر الRPM حركته أسرع بكتير جدا من مؤشر السرعة.
:verygood::verygood::verygood:
الله ينور عليك يا باشمهندس احمد مفيش كلام بعد كلامك
بس انا مازلت مصر على ان الضفيرة مالهاش تأثير على شكل البوجيهات .. وتحدى :nemoflow:
ومن اول الزيرو والعربية مفيهاش مشكلة فى الكهرباء ولا تقطيع ولا عمرها عصلجت فى الدوارة والبوجيهات رغم شكلهم ده زى الفل
واقوى غيار هو الاول فعلا عشان موضوع السكون بس بالنسبة لى باكتم الاول دايما وانقله على 1000-1500 اخرى 2000 مع انه مرة وانا باجرب العربية مع مهندس فى يونايتد جروب قالى انقل على 3000 حتى لو الاول عشان كده ممكن ابوظ الفتيس !!!
ولكن الرابع بتلاقى مؤشرين السرعة ولفات الموتور بيزيدو مع بعض وهو الاقوى فى تخطى العربيات ع السريع :verygood:
وعمرى ما حطيت منظف اوكتان والتفويل من بنزينات نضيفة
يا جدعااااااااان 2.5 ار بي ام ده العربية مابتبقاش ماشية اصلا هههههههههههههه
والخمسة ده في الطواريء بس ......... بس النقل العادي علي 4 وده اعتقد حلو اوي عليها ماشاء الله
استفدنا ايه كده
برضو موضحش سبب الشكل الفريد للبوجهات
مكالمة تليفونية اليوم من خدمة عملاء اوتوايجيبت
تلقيت اليوم الساعة السادسة مساءا تليفون من الاستاذة/ ايمان من خدمة عملاء مركز خدمة اوتوايجيبت ابو رواش لاستبيان رأيى عن الصيانة التى تمت فى 31-12-2011 عبر الاجابة عن بعض الاسئلة والاختيار بين (ممتاز - جيد - متوسط - دون المستوى)
-------------------
1. توقيتات استلام وتسلم العربية .. متوسط لظروف انقطاع الكهرباء يومها
2. مستوى مهندس الاستقبال وتفهمه لمشاكل العربية ومناقشتك فى تفاصيل مقايسة الصيانة والفاتورة .. ممتاز وتم التواصل اكتر من مرة اثناء الصيانة
3. مستوى استراحة العملاء والانتظار اثناء الصيانة داخل المركز .. ممتاز
4. مدى توافق مبلغ الصيانة مع مستوى الخدمة .. ممتاز لأنى استفدت من عرض المركز (فلتر مجانى + مصنعيات مجانية)
5. مدى نظافة السيارة من الداخل والخارج .. دون المستوى لأنه لم يتم غسلها واعتقد السبب هو انقطاع الكهرباء لكن تم غسل المحرك فقط
6. تقييم الخدمة كليا داخل المركز ومدى تأثيرها على كفاءة السيارة .. ممتاز وفعلا لمست الفارق بعد الصيانة خاصة بعد تربيط العفشة بالعزم المطلوب واستلام التقرير المفصل لحالة العربية
7. هل ستكرر زيارة اوتوايجيبت أو تنصح أحد اصدقاءك بزيارتنا .. نعم بكل تأكيد
الف مبروك يا يوسف تثبيت الموضوع و هو فعلا من التقارير المميزة جدا
مبروك التثبيت
تستحقها بجداره ياداره
جزاك الله خيرا على هذا التقرير الجميل و على الصور الرائعة
لاني داخل على صيانة ال 60000 كم و بفكر اغير السبع و اروح لاوتو ايجيبت
كنت عايز اسالك على منظف الانجكشن و زيت ليكوى مولى منين اجيبهم و السعر كام
اعذرني لاني لسه جديد في هذا المنتدى الجميل
شكرا لمشاركتك والف مبروووووووووك مقدما ع الصيانة يا محمد باشا
منظف الانجكشن ب35ج وتمن لتر الزيت 70ج سواء كان توب تيك 4100 5-40 زى اللى حطيته او هاى تيك سوبر لايت لوف 5-40
والاتنين موجودين بفروع كتير على مستوى القاهرة والمحافظات والاسهل تتصل بالشركة الالمانية المستوردة وتطلب عنوان وتليفون اقرب فرع ليك
01224961111 - 0222699277
او ادخل على موضوعهم الاعلانى من لينك الاعلان اعلى الصفحة واعرف تفاصيل اكتر
واى خدمة احنا تحت امرك :nemoflow:
شكرا يا باشا على الاسعار وان شاء الله هاجرب منظف الانجكشن و الزيت
بجد موضوع هايل جدا...شكرا لمجهودك