الموضوع: هو ده طبيعى يا جدعان؟

المشاركة الأصلية كتبت بواسطة europian

المشكله اصلا ان سحب العربيه قل بقاله شهر بس بقى واضح اوى لما حموله العربيه بتزيد

ممكن تتأكد من ضغط الكاوتش (و هو واقف على البارد يكون 30 ) ما تكشفش عليه بعد ما يسخن .

ضغط الكاوتش بيفرق جدا جدا في السحب .

و لو عندك فرصة تفرغ الهوا اللي في الكاوتش و تبدله بنيتروجين ( الضغط بتاعه بيكون ثابت لمدة طويلة جدا لأنه لا يتأثر بالحرارة )

المشاركة الأصلية كتبت بواسطة europian

دا اللى انا عملته فعلا فرغت الهوا اللي في الكاوتش و بدلته بنيتروجين وفعلا السحب اتحسن شويه بس بردو لسه السحب ضعيف .....انا شاكك فى فلتر البنزين لان بقى فى رجرجه بسيطه اووووى ما بحسش بيها الا لما اركز مع العربيه وانا واقف فى اشاره مثلا

طيب ما تشتري منظف رشاشات من كارفور أسمه سبيدوا بعشرة جنيه .
ممتاز أنا بتسخدمه على طول من زمان مع الفيات و مع البروتون و بصراحة بحس أن أداء العربية واحد على طول و الأستهلاك كويس .
الأول تحطه قبل ما تفول و ما تفولش تاني إلا عند الربع علشان يكون أشتغل و نظف كويس .

لو فلتر البنزين محتاج تغيير بسبب بنزين مش نظيف .... غيره
بس جرب المنظف الأول مرتين تلاثة ورا بعض قبل ما تغير فلتر البنزين و كدا كدا المنظف هاينظف الرشاشات .

بس خلي بالك ...
أوعى تشتري منظف دورة البنزين (فيه فرق بين منظف دورة بنزين و منظف رشاشات )
منظف الدورة بيستخدم كل فترة كبيرة حوالي 10 الاف كم علشان فيه مواد قوي لها تأثير سلبي على كاوتشات و خراطيم الدورة .

إنما المنظف ممكن تستخدمه مع كل تفويله للحفاظ على نظافة الرشاشات .
بس أنا بستخدمه كل 1000 كم مش مع كل تفويله . و برضه جرب تاني تتأكد من ضغط الكاوتش بكذا جهاز ضغط
و إن شاء الله خير لا تقلق .

المشاركة الأصلية كتبت بواسطة europian

المشكله اصلا ان سحب العربيه قل بقاله شهر بس بقى واضح اوى لما حموله العربيه بتزيد

الموضوع ده حصل معايا قبل كدا من سنتين (لقيت سحب العربية قل شوية )
روحت البنزين أكشف على الكاوتش لقيته 22 قدام
زودت و خرجت و السحب لقيته رجع زي الأول .