لا خالص..حطها في اي تفويلة..دا لما تلاقي بنزبن الأول :-))))
عرض للطباعة
طيب يا جماعه انا عندي الرعشة ديه الصبح بدرى بس او لما بيكون الجو برد جامد والعربية مركونة بقالها فترة ولما بتحصل الرعشة ديه rpm بنزل شويه ومجرد 20 ثانية والرعشة تروح والـ rpm بيظبط وكله بيبقى تمام ومش بتحصل حاجه تانية
كنت عايز اسال حضرتك هل الرعشة مرجعتش تانى بعد ما حطيت منظف الرشاشات ولا بعد كام يوم رجعت تانى؟؟ و يا رت تقولى اجيب منين منظف الرشاشات ده و طريقة استخدامة... انا عندى نفس المشكلة دى بقالها شهور من اول الشتاء و مش عايزة تروح و مش عارف اعمل اية... بس انا عربيتى فيرنا... و متشكر لحضرتك على الافادة.
السلام عليكم
أولا : الحمد لله الرعشة مرجعتشي تاني مع العلم اني حاليا فولت التفويلة التانية "بعد التفويلة الاولى اللي حطيت فيها منظف الرشاشات"و التانك تقريبا فيه نصه دلوقتي
ثانيا: منظف الرشاشات اللي جبته هو نوع اسمه STP أمريكاني هس عبوه تقريبا على ما اتذكر 330مم لونها فضي و مكتوب عليه injection cleaner كانت بحوالي 30 جنيه من بنزينة توتال اللي على الاوتوستراد -المعادي- خلي بالك منتجات STP فيه منها انواع كتيرة لاغراض مختلفة يعني فيه نوع تاني مثلا لتنظيف دورة الوقود كاملة " ناوي أجيبه ان شاء الله بس قدام شوية"
ثالثا : الطريقة بقى سهلة جدا و هي انك و انت بتفول التنك بتاع عربيتك حط محتويات العبوة بتاعت STP كاملة مع البنزين أثناء التفويل " اديها للراجل بتاع البنزينة يفضيهالك في التانك"
جرب كده و شوف و لو ماجابتشي نتيجة عندك جرب تحط منظف دورة البنزين كده لو المشكلة ماتحلتشي شوف كهربائي كويس يبصلك على البوجيهات و أسلاك الكهربا الموصلة للبويجيهات أو الموبينه اللي بتبقى متوصلة بالبوجيهات.... كمان اتأكد الاول ان فلتر الهواء عندك تمام و لو محتاج يتغير غيره و بالتوفيق ان شاء الله
والله عندي نفس المشكله وسايبها على الله
ياباشا نضف بوابة الهواء(أير منفلد)، و شوف النتيجة
لو عملتها تاني حطها على الجهاز للكشف عن حساس الكرنك
بالتوفيق