نمحى الامية الاول و الناس تتعلم تتعايش بشكل راقى و محترم ونجتهد فى صناعة وطنية وبعدين طبقا لاتفاقية الجات اللى مصر موقعاها حضرتك الجمارك هتساوى صفر سنة 2017 على السيارات الاوروبى بكل انواعها يعنى كلها 5 سنوات
عرض للطباعة
نمحى الامية الاول و الناس تتعلم تتعايش بشكل راقى و محترم ونجتهد فى صناعة وطنية وبعدين طبقا لاتفاقية الجات اللى مصر موقعاها حضرتك الجمارك هتساوى صفر سنة 2017 على السيارات الاوروبى بكل انواعها يعنى كلها 5 سنوات
الطرق لو اتظبطت و اترصفت صح و المطبات و الخ......... الى فى الشارع اتشالت و الناس الى تركن صف تانى و تالت عربياتها تتسحب و الباعة الجائلين يتعبطوا من الشوارع و الارصفة هتلاقى نفسك فى مدينة تانيه اساسا
و الشوارع فاضية و واسعه و زى الفل
واللهي انا معاكم قلب وقالباً لأني بعاني زيكم من حكاية الزحمة وبأيدكم في رأيكم وبحترمو على العين والراس ...
بس تعالو نفكر بعقلانية ليه انا ادفع أكتر بينما ممكن أدفع أقل ... هل ياترى انتم قصدتم أن فلوس الجمارك بتروح لأنشاء طرق وبناء وسائل موصلات ... بس الحقيقه غير كده تمااماً .
كل فين وفين لما يعملو كوبري ولا يصلحو بلاعة في طريق ... انتو عارفين يعني ايه دولة بتكسب في حاجة هيا مصنعتهاش ولا تعبت فيها أساساً ، وبتاخد الفلوس دي من عرق المواطن الغلبان وكمان تحرمو من اساسيات العربية وتقولك اصلها رفاهية ... الله طيب فيها أيه لمن ترفهني شوية وتدلعني وسيب فلوسي وشقى عمري في حالو ...
اما بالنسبة للزحمة الي بقت لا تطاق ...
دي سببها أن جمهرية مصر العربية بحالها متجمعة في القاهرة ، شوف مساحة مصر قد أيه وكلنا عايشين جوا القاهرة ... ومصر بلد كبير مش صغير ... فيها أيه لمن نعمل زي بلدان تانية عندهم ثلاث عواصم ... واحد عاصمة تجارية أثنين عاصمة سياحية ثلاثة عاصمة سياسية نعمل زي تركيا مثلاً ... خلي القاهرة عاصمة تجارية أو سياحية خلي شرم الشيخ عاصمة سياسية وخلي الاسكندرية أو بورر سعيد عاصمة تجارية نتصرف ... متجيش يكون عندك شقه كبيررة وحاطط البوتجاز وأوضة النوم والانتريه كلو في الصالة وتقول عنو قلب البيت والدنيا زحمه كده ليه ... الله طب ما توسع على نفسك خلي المدن التانية تلعب دور جوهري في تاريخ مصر ... ولا هو الاسكندرية منعرفهاش غير في وقت الصيف بس ... ليه مندهاش دور سياسي وقيادي مهم السويس دي ممكن تكون عاصمة مصر الصناعية ... ليه الشغل وفرص العمل محصورة جوا القاهرة بس ونقول اصل البلد زحمه . احنا سايبين بلدنا كلها ومتجمعين في حته وحده تسمى القاهرة مش حاجة تقهر وتغيظ والنبي . وتعال مثلاً ميدان التحرير ... حاططلي فيه أهم مجمع للمصالح الحكومية والسفارة الامريكية وجمعتها ومكتبتها وجامع عمر مكرم مخليه للعزى دي غير الفنادق ده غير السوق دي غير المتحف المصري دي غير جامعة الدول العربية والمصيبة المصيبه علشان تروح من مكان لمكان لازم تعدي على ميدان التحرير لازززززززم ومش عاوز البلد تبقى زحمة . سووووء تخطيط . النقابات السفرات الملحق السقافي الاسواق كلو في قلب وسط البلد حتى مبنى الجرائد المصرية كلو في قلب وسط البلد وبنقول الدنيا زحمه ليه .
الله هو لو الاهرام ولا الاخبار ولا الجمهورية نقلو لستة أكتوبر ولا التجمع الخامس ولا حتى اسكندرية الاخبار هتجيلنا بايته وفي وسط البلد هيجلنا الخبر طازة . هو لو مبنى التلفزيون ماسبيرو لو نقلوه لمدينة الانتاج الاعلامي المذيعة هتوصل متأخره على البرنامج وهو المتحف لو نقلوه عند الاهرمات ولا في اي حته تانيه وبنو مكانو جراش أو جنينه السياح هيبطلو يروحولوا ويقولك لا اصلوو بعيد ولا حتى نقلو الاقصر مدن كتير وأماكن كتير أحنا لغينها من حيتنا ومتمركزين بس في القاهرة ونقول اصل البلد زحمة ... ماهو طبعاً لازم تبقى زحمة مش سايبين البيت كلو وقاعدين في اوضة وحده .
بس برضو موضوع الزحمه ملهوش علاقه بالجمارك ورفاهية المواطن المصري .
ماشى احنا مش اقل من اى جنسيه تانيه بتركب العربيه بتمنها بدون جمارك , بس قبل مانطلب التخفيض لازم نبص حوالينا ونشوف ظروف البلد لاننا مختلفين عن دول كتير
فى ظل الغلاء والجمارك الغاليه العربيات بتزيد كل سنه حوالى ربع مليون عربيه جديده , والشوارع هى هى والاماكن هى هى والعربيات القديمه لسه موجوده + الميكروباصات والاوتوبيسات والتكاتك الخ ...
فى الوضع الحالى الناس مش عارف تمشى ولا تركن فى اى حته من كتر الزحمه , القاهره بس فيها اكتر من 20 مليون مواطن ومعظم الناس شغاله فيها واغلب الحكومات والهيئات والمصالح فى القاهره
ال 85 مليون عايشين على 10 % من مساحة مصر
لازم برضه الجنيه بتاعنا يعلى شويه والاقتصاد يتحسن لان حتى لو لغينا الجمارك خالص والدولار او اليورو بقى ب 10 جنيه هاتلاقى برضه العربيات غاليه زى ماهى واسمنا لغينا الجمارك
بإختصار مينفعش دلوقتى خالص غير لما نحل كل المشاكل التانيه
متفق معاك يا ميدو قلبا وقالبا وخصوصا ان علي الاقل يخلو الجمارك علي سي سي الموتور والكماليات يسيبوها ميسرقوهاش في جيبهم وكله بالتخطيط والحكمة طبعا اللي افتقدناهم 30 سنة وحسبي الله ونعم الوكيل
يا جماعه اللي بيقول لما تتلغي الحمارك الشعب كله هيركب عربيات و الشوارع مش ناقصه.....طب ماتلغوا الجمارك و تظبطوا الشوارع بالنهب و ال(هبششش) اللي اخدتوه من الناس طول الفتره اللي فاتت
طب الجمارك زي ماهي اهي....ظبطوا الطرق ؟؟!!!!!!!!!
نهب في نهب و سرقه من دم الشعب الغلبان وهم بفلوسنا راكبيين اغلى العربيات ...ماهي مش فارقه معاهم بقى
و سلملي عالتصنييع الوطني...بقالهم عشرمييت سنه بيقولوا الكلام ده و بعد كل الهوليله دي....العربيات دي تجميييع مصري!!! والله العظييم !! ظراف جدا والله
يا جماعه الكامري اللي هي هنا باكتر من نصف مليون....موجوده تاكسي فالسعودييه
بستغرب جدا من الناس اللي بتقول لا لتقليل الجمارك
كانهم بيقولو لا لمنع سرقة المواطن
دي جبايه الدوله فارضاها علينا عشان نشتري حاجه مش موجوده
واللي متصور ان الجمارك لما تتشال او تقل والعربيات ترخص كل من هب ودب هيبقي عنده عربيه يبقي غلطان لان كل اللي هيحصل هو شيفت Shift في مستوي العربيات اللي الناس راكباها
تخيل كده كل الناس اللي راكبه سي كلاس هتلاقيها راكبه E63 AMG مثلا والحاجات القديمه اللي اكبر مننا في اللسنه دي تتكهن ولا هيبقي فيه زحمه عشان زوبع عطلانه ولاتلوث عشان عربيه بتطلع هباب من الشكمان ولا استهلاك بنزين عالي عشان عربيه قديمه
+11111111111اقتباس:
ا والحاجات القديمه اللي اكبر مننا في اللسنه دي تتكهن ولا هيبقي فيه زحمه عشان زوبع عطلانه ولاتلوث عشان عربيه بتطلع هباب من الشكمان ولا استهلاك بنزين عالي عشان عربيه قديمه
على الاقل يرفعوا الجمارك عن تكنولوجيات الامان..زي ABS وairbags والزينون الفابريقة وكدا..يخللوا الحاجات دي استندارد..ويخلو الكماليات فرش جلد، فتحة سقف، ستائر، زجاج غامق..وكدا
اللي عمل الجمارك والضرايب في المرور علي السي سي اكيد ميعرفش حاجه عن العربيات ولا عن تكنوليجيا العربيات
مواتير بي ام وميرسيدس دلوقتي فوق ال 500 حصان وبتمشي 10 كيلو في اللتر او اكتر