تقرير سريع عن صيانة 80000 في أوتو أيجيبت

أجمل صيانة عملتها للعربية من يوم ما أشتريتها
و تقريري حيكون مختصر جدا بعد ما شفت تقارير أخواني اللي سبقوني و كمان عشان عندي مشكلة في النت بتفصل كل شوية فمش واخد راحتي

علي الرغم من اللخبطة اللي حصلت في يوم السبت لأنقطاع الكهرباء بمركز أوتو أيجيبت صباحا ألا أني مكنتش متضايق وده كان لوجود عدد كبير من أعضاء أسرة نيسان / نايل موتورز بالمركز يومها لعمل صيانات مما أدي لتحول صيانة عربيتي إلي أحد لقاءات نيسان / نايل موتورز المميزة و مش حذكر أسماء عشان مش حقد أدي كل واحد حقه

لكن شكر خاص طبعا لحبيب الملايين أ / أحمد مصطفي اللي أهتم بنفسه و راح كمان وقف مع عمال شركة الكهرباء لأستعجال أعادة الكهرباء و كلمني بعد ما مشيت لأعادة تسليم عربيتي للصيانة زي ما المركز كلمني عشان أرجع أعمل الصيانة

و كمان زميلنا العزيز أ / أحمد رحيم أبو مروان اللي تشرفت بمعرفته جالنا المركز لمجرد انه عرف بوجود اعضاء من المنتدي بأوتو أيجيبت و أخدنا معاه لكارفور داندي مول لحين ما الكهرباء ترجع و الصيانة تبدأ

وكمان شكرا لأوتو أيجيبت بداية من الحجز مع الأستاذة / أمنية و أهتمامها بأعضاء المنتدي وصولا للمهندسة / أمينة اللي تحملت كتييير اليوم ده لأني كنت كل شوية بأطلب منها طلب يخص العربية و مع عدم وجود أتصالات لأن الكهرباء ماكنتش رجعت بالكامل داخل المركز أكتشفت أنها كانت في كل مرة تتحرك بنفسها لصالة الصيانة أو قطع الغيار للأجابة عن استفساراتي

نوصل لصيانة ال80000 و المتضمنة تغيير الأتي :
سير الدينامو / سير التكييف / زيت الموتور / زيت الفتيس / زيت الباور / زيت الفرامل / ماء الريدياتير / بوجيهات / فلتر هواء / فلتر تكييف
مع فحص العربية فحص شامل و أعطائي تقرير بالأجزاء المطلوب تغييرها خارج الصيانة المعتادة مثل تيل الفرامل و خلافه
علما بان عربيتي أشتغل عليها عدد 2 فني و ده أختصر كتير من وقت الصيانة

- تكلفت الصيانة 1209.00 جنية بعد خصم 300 جنيه مصنعيات ضمن عرض أوتو أيجيبت المصنعيات مجانا بالأضافة لفيلتر زيت مجاني عشان أستعملت زيت توتال من عندهم
علما بأني وجدت أن التكلفة في مراكز الصيانة الأخري حوالي 1200 جنيه بالمصنعيات و لما بحثت بالموضوع و ( طلعت الفواتير القديمة ) تبين أن أوتو أيجيبت أضافة بندين
- فلتر التكييف ( مكنش عندي في العربية ) تم تركيبه و تمنه 180 جنيه بدون مصنعية لأنه ضمن بنود صيانة ال80000 اللي مصنعيتها مجانا في العرض بتاعهم
- تم تغيير زيت الباور بتكلفة حوالي 120 جنيه ضمن بنود المصنعية المجانية ( مكنتش غيرته في صيانة ال40000 )

الجانب السلبي اللي وجدته كان بعد انتهاء صيانة العربية و توجيهها لقسم الغسيل لأن الفترة اللي العربية أخذتها في الغسيل كانت طويلة و إن كانت أتغسلت كويس بصراحة و أعتقد ده سوء تنظيم مقدرش أقف عنده مع ظروف انقطاع الكهرباء و عدم قدرة الأقسام التنسيق معا لأن الأتصالات ماكنتش اشتغلت

في النهاية و بعد ما طولت عليكم و زهقتكم أنصح الجميع بالمنتدي عند عمل الصيانة بأي مركز يكون بالحجز مسبقا و ياريت اللي رايح صيانة في وقت معين يكتب موضوع بالميعاد و المركز يمكن يكون فرصة لتلاقي الأعضاء بدل ما كل واحد يكون بمفرده

مبروووووووووووووووووك يا حسام ع الصيانة وعقبال ال100 الف عن قريب
وتوضيحك للفاتورة والزيوت والفلاتر دى شىء مهم جدااااااا .. شكرا للتوضيح
وطبعا كل الزيوت فى اوتوايجيبت ماركة توتال

الف مبروك على الصيانه و عقبال المليون :verygood:

1000 مبروووووووووووووووك عالصيانة & وعقبااااااال صيانة ال1000.000كم & ومتشكرين على تقريرك

الف مبروك ياريس
وربنا يبركلك في عربيتك
كنت عايز اقولك زيت الباور المقصود اللي كان تمنه 120 جنيه ممكن يكون قصدهم علي زيت الفتيس
وفي الحاله دي الفتس بياخد 4-5 لتر يبقي التكلفه دي مظبوطه لان سعر اللتر الموبيل 25 *5=125 جنيه
وفي نوع اعلي تمنه 45*5=225
غير لو كان قصده عالباور ستيرنج زي ماكنت فاكر

الله ينور على التقرير القوى السريع ده

وياريت كل واحد من الاعضاء ميرتكزش على نقطة السوال عن تكليف الصيانة .. لان ممكن تروح تعمل صيانة
وتلاقى فى حاجات فى العربية مش عايزة تتغير وممكن كمان بيفرق من مركز لمركز اذا كان ماشى زى ما قال كتاب الضمان

يعنى فى مراكز مش بتهتم بتغير زيت الفرامل بعد 24 شهر او 40 الف وكمان زيت الباور وهكذا فممكن مش يحطوا تكلفتهم فى الصيانة وبالتالى لما تسال تلاقى ان سعر الصيانة اقل عن مركز اخر .. ودى بتعمل لخبطة للناس اللى بتسال

وطبعا الصح ان الكل يمشى زى اتو ايجيبت ما ماشية على كتاب الضمان .. وكمان فى ميزة عندهم .. مش بيغيروا حاجة محتاجة تتغير .. لكن الضرورية بتتغير طبعا

والميزة الاهم .. انهم بيفلوا العربية صح .. فى الصيانة

يا جماعة معلش لدرجة انهم مش بيرموا فردة الكاوتش على الارض .. فى ايه كمان

وغير كدا بتاخد تقرير عن حالة العربية اجبارى ومجانا .. فيه ايه اللى اتعمل فى العربية من فحص

بصراحة حاجة محترمة


ومعلش يا حسام وبردوا ليوسف موضوع الغسيل ده .. لسه عامل فعلا مشكلة عندهم .. عشان المغسلة لسه بتتعمل وانا وريتكم المغسلة وهى بتتبنى .. وبعدين كل الغسيل مانيول .. وطبعا بيكون عندهم عربيات ورا بعض فلازم سرعة

ان شاء الله هما وعدونى بان الموضوع ده حيخلص فى اقرب فرصة باذن الله

والمهم فعلا ان اغلب الاعضاء فى تقاريرهم فى الصيانات انهم حسوا ان العربية خرجت من المركز اكنها جديدة وان الصيانات جيدة جدا

وده حاجة كويسة بالنسبة لمركز لسه فاتح جديد وتقييم هائل

وان شاء الله يستمروا على كدا

وباذن الله اى سلبيات تحصل نبلغهم بيها عشان يقدروا يطوروها الى ايجابيات

والناس بصراحة محترمة وبتسمع وبتسجل كل الملاحظات وكل القصور اللى بيقعوا فيه .. وبيهتموا بمعالجة السلبيات

تحياتى ليهم

وتحياتى ليك يا حسام

وعايز الصوررررررررررررررررررررر ررررررر

مبروك على الصيانة يا باشا، وتقري جميل

:verygood::verygood::3_3_102[1]:

الف الف مبروك ياباشا الصيانة و عقبال صيانة الـ 500000 ان شاء الله

اقتباس:

---

المشاركة الأصلية كتبت بواسطة ahmed.tv

وعايز الصوررررررررررررررررررررر ررررررر

---

:verygood::verygood::verygood:
رأيى من رأيك يا عم احمد .. وعاوزين نعمل عقوبة لأى عضو يعمل موضوع او تقرير بدون صور :nemoflow:

اقتباس:

---

المشاركة الأصلية كتبت بواسطة y2y1500

:verygood::verygood::verygood:
رأيى من رأيك يا عم احمد .. وعاوزين نعمل عقوبة لأى عضو يعمل موضوع او تقرير بدون صور :nemoflow:

---

ليه كده، أنا أفشل واحد ممكن ينزل صور، وفي الحالة دي هاستأنف الحكم

شباب شباب شباب
أولا شكرا علي الردود و التوضيحات
ثانيا صور أيه و قصص أيه دا انا أصلا بأعرف أستعمل صفحة المنتدي بالعافية عاوزيني كمان أرفع صور بضم صوتي لsehsss !!!!
علي العموم حبعت الصور لأحمد بك مصطفي و هوه يتصرف :)

و تعقيب علي مشاركة أحمد بك مصطفي و توضيح برضه ليوسف باشا بالنسبة لموضوع الفروق بين فاتورة المركز مع المراكز الأخري أن أصلا الأسبوع اللي فات كا فيه خط ساخن بيني و بين أحمد مصطفي و باوتو ايجيبت للمناقشة في تفاصيل الفاتورة و كمان مقارنتها بفاتورة أي مركز تاني أجيبهالهم بصدر رحب و أيضاح كامل

و شكرا يا جماعة علي الردود و شكرا يا خالد باشا (zeznia) علي التوضح
شكرا يا بيشوي و الصيانة الجاية تتظبط أكتر و اللمة تكبر و نتشرف بيك
و شكرا M_nabeeh و Sameh_007 و wshawky للأهتمام

ألف ألف ألف مبروك على الصيانة يا باشا ..
و إيه يا عم التقارير الحلوة ديه .. تجربة جميلة بجد
يديني ويديك طولت العمر كده عقبال ماعربيتي تعمل 80 ألف دول < 10 سنين كده قدام > ههههههههه

الف مليون مبروك و عقبال صيانه المليوووووووووووووووووووو وووووووووون

اقتباس:

---

المشاركة الأصلية كتبت بواسطة sehsss

ليه كده، أنا أفشل واحد ممكن ينزل صور، وفي الحالة دي هاستأنف الحكم

---

اقتباس:

---

المشاركة الأصلية كتبت بواسطة hossam_zaky

ثانيا صور أيه و قصص أيه دا انا أصلا بأعرف أستعمل صفحة المنتدي بالعافية عاوزيني كمان أرفع صور بضم صوتي لsehsss !!!!
علي العموم حبعت الصور لأحمد بك مصطفي و هوه يتصرف :)

---

باقولكم ايه احنا لازم نحترم رأى الاغلبية وفى اجتماع الجمعية العمومية للقسم القادمة هانصوت ونوقع عقوبات كمان :36_2_33: واللى مش عارف يتعلم واحنا وراه
انشالله تحطوا صورة العربية من غير صيانة ولا شعار المنتدى دى حاجة سهلة جدا بس هو كسل .. مش كده :banzai:

اقتباس:

---

المشاركة الأصلية كتبت بواسطة y2y1500

باقولكم ايه احنا لازم نحترم رأى الاغلبية وفى اجتماع الجمعية العمومية للقسم القادمة هانصوت ونوقع عقوبات كمان :36_2_33: واللى مش عارف يتعلم واحنا وراه
انشالله تحطوا صورة العربية من غير صيانة ولا شعار المنتدى دى حاجة سهلة جدا بس هو كسل .. مش كده :banzai:

---

مش كسل دا فشل

ما شاء الله

:butterfly08::butterfly08::butterfly08:

مبروك الصيانة وإن شاء الله عقبال صيانة 160 ألف
مبروك كمان التقرير الجميل

:verygood::verygood:

سبحان الله وبحمده سبحان الله العظيم

الف مبروك يا استاذ حسام صيانة ال 80
وعقبال صيانة ال 800 :)
ربنا يباركلك فى عربيتك وعطيك خيرها ويكفيك شرها ...انت من الناس المحترمين اللى اتعرفت عليهم فى المقابلة الاخيرة والله وعقبال ما نتقابل كمان وكمان

الف الف مبارك عليك يأ / حسام
ربنا يباركلك فيها ياااااارب .......... ويرزقكك خيرها ويكفيك شرها
وعقبال صيانة ال10000000000000 ان شاء الله
-----------------------------------
وفيه موضوعين يساعدوك ترد علي المواضيع و تعمل الاقتباسات وترفع الصور ومش بعيد تفتح الكمبيوتر وتقله عيش يابني :))

1-

2-

اقتباس:

---

المشاركة الأصلية كتبت بواسطة sehsss

مش كسل دا فشل

---

:banzai::banzai: بعد الموضوع ده لا فيه فشل ولا كسل باذن الله
http://www.nilemotors.net/Nile/264509-a.html

الف مبروك الصيانة وان شاء الله نشوفك تانى،

حبايبي و أخواتي
شكرا لمتابعة الموضوع و الأهتمام
و علي فكرة أنا بس عندي اليومين دول مشكلة في النت فمش واخد راحتي بس كام يوم و حظبط كل حلجة
و لما أظبط رفع الصور حظبطكم معايا في صور و فيديوهات للقشقاي و الجوك لأني تقريبا عندي كافة الصور و الفيديوهات اللي علي النت ( بدون مبالغة )

اقتباس:

---

المشاركة الأصلية كتبت بواسطة hossam_zaky

حبايبي و أخواتي
شكرا لمتابعة الموضوع و الأهتمام
و علي فكرة أنا بس عندي اليومين دول مشكلة في النت فمش واخد راحتي بس كام يوم و حظبط كل حلجة
و لما أظبط رفع الصور حظبطكم معايا في صور و فيديوهات للقشقاي و الجوك لأني تقريبا عندي كافة الصور و الفيديوهات اللي علي النت ( بدون مبالغة )

---

:3_3_102[1]::3_3_102[1]: