الموضوع: ...........سجاير ............

أنا بقالى أسبوع اهو تقريبا ماحطتش سيجارة فى بوقى الحمد لله لأنى بحاول أبطل بجدية و هابطل ان شاء الله
كان بقالى حوالى 5 سنين متواصل ده غير فترة المراهقة المتقطعة و التفريط من الاكشاك و خلافه
كنت يشرب حوالى علبة فى اليوم و ساعات بتزيد شوية مارلبورو أبيض ياعنى بتاع 400 فى الشهر
بس و الله فعلا أنا حاسس انها فارقة كتييير
كفاية ريحتى على طول نضيفة و ريحة إيدى نفس الكلام
طعم الأكل اتغير فعلا فى كذا حاجة و للأحسن أكيد
باقيت حيوان أكل و أنا أصلا رفيع تقريبا فواضح ان السجاير كانت بتقفل النفس أكيد
أخدها قفش على نفسى من غير أدوية و لا حوارات و كانت صعبة جدا فى الأول بس صعوبتها بتقل تدريجيا مع الوقت و خصوصا ان اصحاب كتير ليّا بيشربوا

أنا أصلا عايز أبطل من فترة بس ما كنتش عارف بصراحة و أعت أدلع و ماجيبش علب و أجيب فرط بس كله كان أى كلام
كنت عايز أبطل عشان صحتى و فلوسى و ذنوبها أدام ربنا
و قولت أنا لو مخرجتش منها و أنا شاب و فى عزّ احتياجى ليها عمرى ما هاخرج منها طول عمرى

والدافع برده الى شجعنى خلاص و اتوكلت على الله ان خاطبتى بتكره السجاير جدا و ريحتها و أنا استحالة أخلى مراتى المستقبلية تعيش مع راجل كارهة ريحته لأن أنا شخصيا بكره ريحتى بعد ما أشرب
و ربنا يوفقنى و يساعدنى ان شاء الله على تبطيلها التام و يعين أى حد على انه يبطل برده
و فى النهاية موضوع جاااامد جدااا و جيه فى الجون يا فارما

و لو قزمت أوى ممكن يبقى حجر شيشة فى الاسبوع و لا حاجة أو 2 فى الشهر بالكتير

انا واحد من الناس عشت 20 سنه من حياتي مبشربش سجاير نهائي خالص
وحصلي حاجه ف حياتي مع تفكير مش ناضج خلاني ادخل عليها وبشراهه واقدر اقولكم اني بقيت مدخن تماما
ووصل معايا الموضوع لفترات قريبه لقيته بيزيد لدرجه اني بدات اشرب علبتين ف اليوم
لما لقيت حصلي كده وقفت مع نفسي وبدات اقلل ورجعت للمعدل العادي بتاعي

انا مدخن وبشرب علبه واحده ف اليوم مالبورو
بمعدل 12 جنيه بقالي 5 سنين بدخن اهوة
360 جنيه شهريا
4350 جنيه سنويا *5
21600 ياخبر احمر
انا لسه اول مرة احسبها حالا ده مبلغ وقدرة متابع معاكم باذن الله وابدا واحاول

ملحوظه بمجرد انك بدات تعد عدد السجاير الي بتشربها وتحاول تقلل المعدل ده
اعرف انك قرفان من نفسك وبدات تكرة السجاير وعندك بصيص امل
ومحاوله منه وباب مفتوح انك تبطل السجاير

تجربه خاصه بياه
انا السنه الي فاتت حطيت اهداف كده قدامي وسعيت ف اني احققها
كان من ضمنها اني ابطل سجاير بعزيمه واراده وخلاص يعني خلاص زهقت

كل الحكايه اني مشيت علي اني اقلل ولما تخلص مشتريش علي طول
واشتري فرط واذنب نفسي واقلل الفلوس الي ف جيبي علشان مشتريش حاجات كتير ساعدتني اني ابطل بس اهمها ان كان في عزيمه واراده وان ده هدف ولازم احققه

بطلت لمده 6 شهور
كاملين شربت فيهم يجي علبه مثلا ورجعت بطلت خالص

طبعا سبب الفشل ان حصلت ظروف رجعتني ليها
والاكتر كمان الي رجعني ليها
وده اهم سبب في فشل كل محاولات تبطيل السجاير
التواجد والاحتكاك مع ناس مدخنين وانك تشم ريحه السجاير الي كنت متعود عليها ومدمنها ومواظب علي نيكوتين وكده
اتواجدت ف مكان فيه ناس كتييييير جدا وانا بعمل الفيش لورق الجيش وبعدها بكام يوم ولعت اول سيجارة وطفيتها وتخيلت اني مش رجعتلها اتاري ولا انتش داري رجعتلها


باذن الله هبدا معاكم ونحاول كلنا نشجع بعض ونبطلها باذن الله ونوقف نزيف الفلوس وهلك الصحه والريحه الوحشه وكل حاجه وخصوصا ان انا كمان خطيبتي بتكرهها جدااااا وانا بكررة ريحتها لما بزود فيها


موضوع جميييييل جدا وجي ف وقته جدا جدا جدا
يادكتور

نصيحه لكل شخص مش مدخن جدا يعني او شرب سيجارة دلع او كده متقنعش نفسك انها ليها وقتها ومتقنعش نفسك انها مش ادمان السجاير ادمان ونسبه نيكوتين بتعود جسمك عليها لغايه ما يجي الوقت الي تتمكن منك فيه
ومتعرفش تبطل