اقتباس المشاركة الأصلية كتبت بواسطة NoNaMe مشاهدة المشاركة
لأ اشرح كدة تانى بالراحة لأن انا عندى نفس المشكلة بس عندى البوية مفهاش بقع ولا حاجة سليمة بس العربية مطفية ومش عايز ارش علشان بوية الفابريكة..وبعدين هوا الورنيش دة ميتاليك وعادة ولا اية؟
اللي عرفته من كريم محب و عاشق فيات هنا في المنتدي (كريبتون اكس).. عشان هو عمل شغل سمكرة ودوكو بايده في عربيته..
ومن اخوة افاضل ردوا في الموضوع ده..

السبب في الموضوع ده ان طبقة الورنيش اللي علي بوية المصنع بتبقي بدأت تتلاشي بفعل الجو تراب و شمس..
و مسح بحاجات خشنة و تجريح و غطا و حاجات كتير..
اللي بيتعمل كالتالي..
ممكن تسحق العربية بصنفرة ناعمة جدا و تشيل طبقة الورنيش الموجودة..
وممكن ترش الورنيش عادي علي البوية الموجودة..
ممكن ترش وش واحد و ممكن ترش اكتر من وش..
في انواع من الورنيش.. بس بصراحة ماعرفهمش.. (الرش لازم يكزن في كابينه زي كابينه فرن الدوكو او هي نفسها.. عشان التراب و الهوا..)
بعد ما تخلص الرش ده كله.. تسيبها تنشف ساعتين تلاتة..
تقوم واحد العربية وش سحق بصنفرة ناعمة جدا برضه..
وبعديه تديها وش بوليش.. كريم زي الكومباوند بس مختلف في التركيب عنه..
وبعد ما تحلص كل ده.. تضربها وش واكس و كده بقي تبقي خلصت..

وهاحاول اجيبلك لينك.. دورت عليها بس مش لاقيها دلوقتي..
لما الاقيها هابعتهالك..