مشكلة في علبة الفيوزات اللي في الكبوت
السلام عليكم،
انا عربيتي لانوس 2001 اكتشفت امبارح الآتي:
1- مكان الريلاي (الكتاوت) بتاع النور العالي والواطي (head) اللي في علبة الفيوزات اللي في الكبوت سايح، واكتشفت دا بعد ما النور رجع يعلق ثاني.
2- اتضح أصلاً أن الدراع القديم بتاع الملتي فنكشن اللي غيرته مكنش هو المشكلة اللي خلا النور يعلق .. المشكلة كانت في الريلاي نفسه
(الكتاوت) اللي في علبة الفيوزات ورحت لكهربائي ثاني وغيرهولي بكتاوت أعتقد انه مضروب. (المشكلة في اللينك التالي)
http://www.nilemotors.net/Nile/showthread.php?t=20297
3- بعد ما غيرت الكتاوت بتاع النور العالي والواطي الفيوز بتاع الكلاكس اللي في علبة الفيوزات بتاعة الكبوت برده بقى بيضرب باستمرار. وكل ما اجي اضرب كلاكس الاقي النور بيرعش معايه.
يا ترى المشاكل دي سببها إيه .. والا دي مشكلة زي اللي حصلت مع أحمد أبو ليله. أفيدوني أفادكم الله.