الموضوع: خصم خاص .. من ادارة المنتدى لاعضاء قسم نيسان المميز .. على العضويات المدفوعة

المشاركة الأصلية كتبت بواسطة walidadel

ياجماعة الخير
دلوقتي احنا الحمد لله وصلنا لحاجات مع التوكيلات المختلفه لنيسان من خلال المنتدي ده وبسبب مدي المحبه و الترابط بينا و الاشتراك ده هايبقي للاعضاء النشطين فقط و المؤثرين في المنتدي للدخول في مرحله اخري مع قسم نيسان من خلال هذا المنتدي العظيم و اللي من حقه علينا اننا نساعده و لو بشئ رمزي كمشاركه مننا في دعم المنتدي و السيرفر و كده و الدعم ده كان بيتمثل في الاستيكرات و المنتجات الاعلانيه للمنتدي مثلا الكابات و الماج و الشماسه اللي كان اتعمل بيهم موضوع زمان
و الاستيكرات دي كانت الاعضاء بتاخد بالمقابل خصم في مختلف الموزعين المعتمدين سواء توكيلات نيسان او جينز كار او بردجستون او ... او ... او
الان و نحن علي مشارف نقله اخري بفضل هذا المنتدي و هو التعامل مع مصنع نيسان مباشرة و الزياره و ما الي ذلك من تعاون بينا نحن كقسم نيسان متمثل في بعض من اعضاء مش كل الاعضاء لازم يبقي ليهم تميز في المنتدي ده عن طريق العضويات مدفوعه الاجر مننا و ده مش الزام علي حد و لكن ده للتقدم اللي الحمد لله وصلناله مع التوكيلات و مع المصنع
فان شاء الله الفتره المقبله هاتبقي مقتصره علي الاعضاء المشتركين في العضويات دي لان الموضوع مابقاش مقتصر علي خصم في اماكن و كده لأ زاد عليه زياره للمصنع ان شاء الله و تعاون معاهم و كمان عمل اختبار لبعض السيارات الجديده و عمل تقارير كامله عنها و مقارنه مع سيارات اخري و ما الي ذلك من تقدم ان شاء الله و كل ده من خلال هذا المنتدي العظيم و الذي اتاح لنا الفرصه دي
و المنتدي كمان عملنا خصم علي العضويات دي علشان احنا نعتبر الحمد لله قسم متميز بسبب التعاون اللي بينا كأعضاء و مع التوكيلات و ما الي ذلك
ان شاء الله انا هاشترك في البلاتنيوم و اي حد عنده استعداد انه يشترك ياريت لو يقولي و نشوف نتقابل ازاي علشان اوصل الفلوس للاستاذ كريم منير اللي لولاه مكناش وصلنا لكل ده

ايه الكلام الكبير ده يا كبير .. هى دى الروح وموافقة بشدة على كل كلمة قولتها

المشاركة الأصلية كتبت بواسطة fbiahmed

موافق و ان شاء الله اعملوا حسابي في البلاتنيوم
100/100 كويس والله ان شاء الله عشان يبقى فيه دايما تطوير في المنتدى و كمان الاعضاء دول يبقوا من الاعضاء المميزين و كمان الي ليهم مشاركات عاليه كمان غير كده لما يبقى فيه مقابلات ذو اهميه هيبقى طبعا ليهم الاولويه

الله يفتح عليك يا ابوحميد بجد .. فعلا حتعمل تشجيع كمان للمشاركات ..وباذن الله
انا حعمل موضوع بعد الاشتراك .. برابطة للاعضاء المميزين عشان نتقابل كل فترة بصفة ودية ونتناقش فى مصلحة المنتدى والقسم والاعضاء وكمان فى مصلحتنا الشخصية ونشوف ايه اللى ممكن نعمله لينا ويفيدنا
غير كمان اى حدث قوى حنعمله حيكون للاعضاء المميزة الاولوية فى الاشتراك فيه طبعا

المشاركة الأصلية كتبت بواسطة sonasteel

ياأحمد جزاك الله عنا خيرا يارب العالمين وربنا يجعلك سبب في تقدم المنتدي ده انت بتفكر في حاجات احنا مش بنفكر فيها والله
جزاك الله عنا خيرا
وده اقل اقل حاجة ممكن نعملها للمنتدي بتاعنا ده اللي اتعرفت علي اعز اصحاب واخوات ليا لغاية دلوقتي ويارب دايما الي الامام وان شاء الله يبقي من اول مواقع السيارت في العالم والشرق الاوسط :))

وادينا جربنا جزء من التميز اننا من نايل موتورز في المقابلة اللي فاتت اللي يتقال عليها بكل لمقاييس من انجح المقابلات اللي شوفتها في تاريخ المنتدي فعلا و اتشرفت فعلا اني من المنتدي ده بيتي التاني ...... ربنا يديم المعروف يارب العالمين

واكيد اي تقدم للمنتدي ككل هايعود علينا كأعضاء بحاجات كتييييييير ان شاء الله والله الموفق والمستعان :))

ان شاء الله عضوية بلاتينيوم من اللي بتقعد 100000كم ديه :))

انا ممكن اقابل اي حد في مدينة نصر .. مصر الجديدة .. عين شمس ... حلمية الزيتون ... وممكن العبور

اهو انت بقا من الكنوز اللى طلعت بيها من المنتدى .. اللى بعتبر ان لو مكنش نايل موتورز مكنتش اتعرفت على اخ زيك يا حسين بجد

وكمان باقى الاعضاء زى وليد وبسام واحمد فواد واحمد محمود ومحمد حسين ومحمد نبيه واسامة دهب واسامة اسكندرية واحمد عبد الرحيم وايهاب وحسام زكى ويوسف واحمد عبد المنعم واحمد ابراهيم وبيشوى واحمد حازم ومحمد عبد العزيز ومحمد فوزى اكتوبر ومحمد فوزى الهرم واسعد وباقى الاعضاء الغالين على قلبى .. ومحدش يزعل لو نسيت اى اسم

====

حسين حط رقم تليفونك يا حبى

المشاركة الأصلية كتبت بواسطة ahmazong

مفيش كلام يتقال بعد اللي إنت قولته يا عم أحمد

احيك بشدة بجد ..
و عايز ازود كلمة كمان بعد اذنك طبعا .. المكان ده فعلا يستحق كل الاهتمام بجد نفسيا وماديا عشان يفضل واقف على رجليه
و ده عشان
خدمنا ..
اهتم بينا ..
ساعدنا ..
خلى ورانا ظَهر ..
عرفنا على ناس زي الفل محترمة .. على خلق . .. مبيبخلوش على حد بالمعلومة .. ولا بخدمة .. بجد ده اهم حاجة طلعنا بيها في القسم ده .
و حاجات كتير قوي ..
الواحد عمره ماهيلاقيها في حتة بره ابدا ..

عشان كده أنا معتبر ده عيد ميلاد سنوي للقسم .. يستحق اننا نيهاديه بهدية بسيطة .. وطبعا 75 جنيه دول ولا حتى 50 ..

و يارب يقبل مننا الهدية ديه ..

عشان يستحق اكتر من كده بكتير ..

يا رب مكنتش طولت عليكم ..

اخوكم أحمد ..

ايه الكلام الكبير ده يا بوحميد .. فعلا انا بعتبرك بجد والله اخويا الصغير .. وفعلا سعيد بيك جدا وبصداقتى ليك اللى شرف ليه حقيقى
وبايدك فى كلامك الجميل ده وروحك

المشاركة الأصلية كتبت بواسطة ahmddomar

أنا مش بشارك كتير في المنتدى ومش باعمل شغل في المشاركات والتوقيع وخلافه ، ولكني معكم لدعم المنتدى الرائع بأعضائه الأكثر من رائعين ، حضرت مع بعض الأعضاء الكرام مقابلة الصيانه بأوتو إيجيبت وكم كنت سعيد بتعرفي عليهم وحريص على توطيد علاقتي بهم جميعا حبا وتقديرا لهم على مشاركاتهم وموضوعاتهم في المنتدى ، و أخلاقهم العاليه من خلال سرعة الرد على إستفسارات الأعضاء وحرصهم على إفادة المشاركين ، فأنا لم أشتري عربيتي الجديده إلا من خلال المنتدى ولم أذهب إلى أبو رواش إلا من خلال المنتدى ولم أركب الزينون إلا باستشارة الأحبه اللي كانوا معي بأبو رواش من المنتدى
المنتدى كده خيره علي ومشاركتي دي واجب مش تفضل وعلشان كده أنا معاكم في العضويه البلاتينيوم علشان نقدر نرقى بالمنتدى ونفيد الأعضاء الكرام منه

بصراحة انا مش عارف اقولك ايه يا استاذ احمد على روحك وكلامك الطيب ده وتقديرك الغالى
احنا اللى سعداء بيك بامانة وشرف لينا لقائك .. ونتمنى ان يكون فى تواصل بينا دايما

ودى الروح اللى بندور عليها .. وفعلا انتوا كنز ميتعوضش بجد

القسم ده فيه اعضاء فى منتهى الطيبة والانسانية .. ويارب يديم بينا المحبة والود

وتحت امرك فى اى خدمة .. حتى لو كنت فى اخر الدنيا .. حتلاقينا معاك .. وده كلام حقيقى بجد

وتحياتى الحارة لحضرتك


==============

اى عضو فى مسافة بعيدة فى اى محافظة لو حابب يشترك قريب جدا ححطلكم عنوان مكتب البريد اللى حيتحول عليه مبلغ العضوية

عشان اجمع المبلغ على بعضه .. واديه للادارة

تحياتى للجميع