الفتيس الاتوماتيك بيخرف او

**kamose** · 03-01-2012 09:02 AM

السلام عليكم ورحمة الله وبركاته
اهل الخبره في المنتدي العظيم
انا عندي اكسل 97 لسه من سته شهور مغير الفتيس بواحد استيراد كهربه المهم من حوالي 15 يوم وانا ماشي كانت العربيه تجيب الغيار الثالث وبعدين الاقيه فلت تاني اخف السرعه وبعدين اشد تمشي عادي. المسافه الي قطعتها كانت حوالي 350 كيلو وركنت العربيه وثاني يوم جيت اخرج لقيت العربيه تقيله في الطلوع شويه ولما تاخد الغيار الاول وتيجي تاخد الغيار الثاني صوت العربيه يعلي وماتخدش الغيار ... اقف واطفي العربيه وارجع ادور تاني تاخد الغيار عادي وتطلع شويه وبعدين ترجع بعد شويه لما اهدي وتقف وكأن الغيار علي ال n .. رجعت ثالث يوم نفس المسافه كانت للاسكندريه حوالي 350 كيلو وكانت بتعمل نفس المشكله لحد ماوصلت الاسكندريه .. سألت علي ميكانيكي يفهم في الاتوماتيك .. وبالفعل رحت ويادوب شال البن بتاعة مقاس الزيت ومسح علي صباعه الزيت وشمه وقال ان الزيت محروق وغالبا الفتيس عايز يتغيير وبعدين قالي انا هفك كرتير الزيت واشوف .. ولما نزل الزيت قالي ان في رايش ولقي الفلتر او المصفه مسدوده جامد وهيرجع الزيت تاني عشان حرام يغيير زيت وانا هغير الفتيس .. وبعدين قالي مش ينفع الزيت في رايش وهنظف الفلتر وهحط زيت من ابو 10 جنيه حاجه مصري
وبالفعل لما غيير الزيت ونظف الفلتر جرب معايا والعربيه اخدت الغيارات زي الفل وبعديها بيومين نزلت مصر عادي ولما وصلت الكارته بتاعة مصر طبعا وفقت عشان ادفع وجيت اطلع مش راديه تاخد الغيار طفيت العربيه وشغلتها تاني اخدت الغيار ومشت عادي جدا ومشيت حوالي 120 كيلوا تاني لحد الفيوم وعملتها مره كمان واطفي وولع العربيه وكل حاجه ترجع لاصلها . هو كان الميكانيكي قالي اني اغير زيت وفلتر لو العربيه مشيت كويس معاك . مش عارف بقي ايه المشكله اعمل ايه اغير زيت ولا اغير فتيس علي طول ووفر الزيت انتم عارفين الزيت بكام الكيلو والفلتر كمان .
برجاء من اهل الخبره المشوره
جزاكم الله عنا خير

**kamose** · 06-01-2012 07:03 AM

ممكن حد يفيدني في الموضوع دا....اشكركم

**mouraddesk** · 25-01-2012 12:25 PM

تقؤيبا نفس المشكلة حصلت معايا فى النترا 2008 لسه جايبها وديها لكرم اللى فى شارع السودان اللى قدام موقف اوتوبيس ارض اللواء

**mody1221** · 27-01-2012 07:46 PM

جرب غير زيت الفتيس والفلتر قبل ما تغير الجيربوكس كلة عشان ماتندمش ممكن يكون سليم والشوائب اللى فية هيا اللى بتبرجلة

**Kefo_Honda** · 27-01-2012 09:14 PM

ديه حساسات الفتيس... أكشف عليها عند حد بالكمبيوتر

**ezatooo** · 03-02-2012 10:44 AM

السلام عليكم ورحمة الله وبركاته
انا عندي نفس المشكلة وصلت فيها انها حساسات النقل هما 2 حساس a&b نصيحة نزل الزيت ابو 10 جنية لأنه ضعيف وضغطه ضعيف يعني زيت خفيف وفية شوائب وأحسن نوع زيت هو موبيل 320 ودة 45 جنية للكيلو وفية منة ال220 ب 25 جنية للكيلو وفي زيت كويس جداً هو بترومين ب 25 نفس تقل الموبيل 320
انا الموبيل 320 وكان كفأة ممتازة
غير الحساسات وأن شاء الله المشكلة هتتحل