مشكلة مش عارفلها حل فى لمبة الموتور ساجا

**vsaga** · 03-01-2012 01:08 PM

انا عندى مشكلة اتغيرلها بدال البنزين وبرضه محلهاش
المشكلة بتحصل لما بكون ماشى لما العربية تعدى على ارض فيها تكسير وتترجرج وخصوصا لما اعدى على البذوذ اللى بتكون فى الطريق دى اللى هى بتهدى السرعه او من على مفاصل كوبرى اكتوبرى بيحصل حاله من دول مع العلم ان العربية مانيوال:
1- لما اموار الاقى الار بى ام عالى بقى ما بين واحد واتنين واكنه واخد بنزين من غير مادوس بنزين ويفضل ثابت كده فترة لحد اما اعدى على حاجة ترجرج العربية تاني يروح الاربى بى ام يعلى لحد 3 واربعه وانا ممور ويروح على طول لمبة الموتور منورة والار بى يرجع كانه ويتظبط والعربية تبقى مكتومة واللمبة منورة ولما اسيب رجلى من على البنزين العربية تنتش.
2- او الاربى ام يعلى جامد مرة واحدة لحد 3 او 4 وتروح لمبة الموتور منورة والاربى ام يرجع طبيعى على 900 والعربية تبقى مكتومة وتنتش لما اشيل رجلى من على البنزين

وفى كل الحالتين العربية لمبة الموتور بتفضل منورة لحد اما العربية ابطلها وتبرد ولما اجى ادور تانى يرجع كل شئ كمان طبيعى تانى وهكذا

التوكيل شخص الحالة دى انها عيب بدال البنزين بالحساس بتاعه واتغير وبرضه رجع تانى مش عارف انا ايه العيب ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**elpasha1** · 03-01-2012 01:16 PM

اكشف على العربية بالاسكنر
بس خارج التوكيل

**vsaga** · 03-01-2012 05:35 PM

جهاز الاسكانر بيطلع رسالة
pedal connection lost
وعشان كده غيروا فى التوكيل بدال البنزين بالحساس وبرضه رجع العيب تانى

**mememsaid** · 11-01-2012 03:01 PM

تقريبا صلاح حكيم يعرف العيب ده

**vsaga** · 13-01-2012 03:35 PM

طب ياريت لو حد يعرف يوصله يقولى العيب ده ايه ؟

**yassergpc** · 14-01-2012 09:45 AM

اكشف على واير البنزين و اعمل كشف على الكهرباء

**vsaga** · 16-01-2012 10:17 AM

ماهما فى التوكيل قبل مايخدوا قرار تغير بدال البنزين كشفوا على دفيرة الكهرباه كلها بتاعت البنزين
انا معرفش الموضوع ده غريب جدا مع رجرجه جامدة بلاقيه حصل
يعنى امبارح كنت معدى من على الكات ايز اللى هي قبل كنيسة الكتدارئلية العباسية البذوذ بتاعتها عاليه العربية اترجرجت جامدة وانا ممور لاقيت الاربى ام زاد لوحده لحد اما اوصل اربعه وبعد كده راحت لمبة الموتور منورة والاربى ام نزل تانى على 900

**MEGAREKAB** · 13-02-2012 01:24 PM

ياريت تقولولنا ايه اللى تم فى الموضوع ده

**aYaBooY** · 15-02-2012 03:38 PM

الاخ صاحب الموضوع
نفس المشكلة تقريبا كانت بتحصل عندي في فيستا 98 و بعد لف و دوران و قرف طلعت المشكلة من حساس السرعة
مش من الدواسة او البوابة ( ما يوازي الدواسة الاليكتروني الي عندك )
اي مشكلة في الموضوع ده بكون سببها حساس السرعة و ده وظيفتة انه يساعد الكنترول في تحديد افضل وضع للايدل كنترول
علشان العربية ماتقطعش معاك في السلانسيه
جرب تغيرة و شوف
او شوف ايه الحساس الي بيقوم بيه
انا اسف جدا معرفش اسم الحساس بالانجليزي ايه