تقرير رائع وكل كلمة فيه مظبوط جبت عربية مستعملة 2007 استخدام ممتاز وتقريرك كان من أحد المشجعين ليا بصراحة وبجد لا مقارنة بينها وبين اللانسر اللي كنت هدبس فيها
عرض للطباعة
تقرير رائع وكل كلمة فيه مظبوط جبت عربية مستعملة 2007 استخدام ممتاز وتقريرك كان من أحد المشجعين ليا بصراحة وبجد لا مقارنة بينها وبين اللانسر اللي كنت هدبس فيها
الف مبروك و انشاء الله يجعلها سبب خير و سعاده
دي شهاده اعتز بيها و الواحد لازم يذكر العيوب قبل المزايا عشان دي تعتبر شهادة حق و في ناس بتأخد بالتقرير وتدفع تحويشة العمر
بعكس تقارير تانيه تلقى تقيمات الكوري أحسن من الهوندا لمجرد انهم راكبين كوري يعني غسيل مخ رسمي
او عربيه ياباني لسه نازله و انتشارها ضعيف مدينها ٩٥بالميه !!!!! يعني ولا مجاميع الثانويه العامه
تسلم يا باشا على التقرير الممتاز و العادل ,هيساعدنى كتير فى قرار العربية ان شاء اللة
شكرا على تقريرك بس ياريت لو فيه تقرير عن السيفيك الجديدة 2012 لإنى بصراحة عاوز أجيبها بس قلقان من كذا حاجة
الوكيل فى إسكندرية
قطع الغيار
تكون سعرها مش مناسب لإمكانياتها و أداءها من موديل 2010 اللى أنا جربته فى السعودية بس 1800 سى سى
ياريت لو حد من الأعضاء عنده معلومات يفيدنا و جزاه الله خيرا
ادي التقرير بتاعها
http://www.nilemotors.net/Nile/304001-2012.html
قطع الغيار زي الجيل التامن ان مكنش اقل زي مثلا الفانوس الامامي
و على ضمانتي العربيه جميله جدا ولو استنيت ل 2013 هتنزل بشوية تعديلات
وشوف برده الموضوع بتاع civic 2013 update
موضوع اكتر من رائع جزاك الله خيرا
انا والله عمال افكر فى هوندا 2009 او 2010 كاملة أو BMW 318 highline 2005 و محتار جدا
من ١٣٥ ل ١٥٠ الف حسب السنه و الحاله بس صعب تلاقي الكامله لو لقيت ٢٠٠٩ او ٢٠١٠ نضيفه ممكن تنفذ و تقل ١٥ الف
هانى بك كل الشكر ليك ولتقاريرك المميزة اللى خلت الواحد يركب عربية كل يوم بيزداد إعجاب واحترام ليها عن اليوم اللى قبله خصوصا انى ركبت عربيات كتير (النترا - سيراتو - كورولا - اوكتافيا ) الفرق واضح مع احترامى الشديد ليهم
ياباشا لا شكر على واجب الواحد انا لمااجيت اقيم العربيه خرجت من انتمائي لها عشان ان عارف ان كلامي بيتوقف عليه قرار مصيري لعديد من الناس
استاذ هاني مع خالص شكري على تقريريك
بس ممكن تفيدني في هذا الموضوع ، انا بقارن بين التويوتا الكرولا واللانسر الشارك والسوبارو امربيزا كله جديد 2012
أو بينهم وبين السيفيك من 2008 حتي 2010 بس طبعا مستعمل عشان انا عاجبني الشكل ده وممكن اجيبها عن طريق التوكيل من ال trade in بس انا فعلا خايف من قطع الغيار والتوكيل في السوبارو وعدم الانتشار في الشارك ومشكلة التويوتا كرولا انها عوجيزي حبتين ، ودلوفتي لسه واحد قايلي على الهوندا دي وفي واحدة قدامه 2009 عاملة 60000 كم واستعمال راقي جدا بس لسه السعر
فياريت تنصحني نصيحه تجيب ايه منهم ولك مني جزيل الشكر
والله يا صديقى انا كنت فى نفس حيرتك
ولاكن بفضل الله ثم اعضاء القسم المحترمين صبرت كثير أكثر من شهرين والحمدالله وفقنى الله فى lxi 2010 كسر زيرو -
وقبل شرائها بساعات كاد اليأس يصيبنى - وكنت بقارن بين البيجو 408 والرينو فلاونس و الفورد والأسترا وكان فاضل هبابة وانفذ
ولاكن بكل امانة انصحك بالصبر والتآنى مع زيادة تكثيف مجهودك وهات الهوندا مش هتندم وتستاهل كل مجهود فى البحث وبعد عناء البحث وتوفيقك بإذن الله فى سيارة بحالة محترمة هتعرف انها كانت تستحق كل هذا المجهود
وبأكد عليك تانى الموضوع محتاج مجهود كبير والله انا أحياننا كنت بنزل من السويس إلى القاهرة الساعه العاشرة مساء وكان بعد كده الموضوع يطلع فشنك بسبب حالة السيارة أو الناس إللى بتحب للأسف تتسلى ومش بتقدر ظروف الناس اكيد حضرتك فاهم انا عايز أقول إيه
واخيرا ادعو لك بالتوفيق ان شاء الله
انا شاكر جدا لرد حضرتك جزاك الله كل خير وانا فاهم والله الحضرتك بتقوله بس انا خوفي من الهوندا قطع غيارها برضوا وانها واطيه شويه في المطبات بتاعتنا دي وممكن الواحد وهو ماشي بالليل فجأه يلاقي العربية بتنط منه في السما عشان مطب مش باين وده والله حصل معايا من يومين لولا اني كنت راكب هيونداى جيتس فعاليه شويه وربنا طبعا ستر وده الخلاني اقلق من الهوندا
ربنا يعمل الفيه الخير ويحفظلك عربيتك ويديك خيرها ويكفيك شرها يارب
موضوع بتعليقاته ممتاز لكن كنت عايز اعرف استهلاك البنزين اخباره ايه للموديلات من2007 الي 2010 واخيرا لكم خالص التحيه
مع القرص والشد 170-180 كم لكل 20 لتر داخل البلد
ومع المشى العادى :200-210 كم لكل 20 لتر داخل البلد
على الطريق السريع : 280 كم لكل 20 لتر
هايل . وهى عموما عربيه رشيقه ..
طب إيه اسعار قطع الغيار من المستهلكات زي التيل الكاتينه الفلاتر الطنابير .... ًًً
انا كانت عندي وحدا التكيف تاعها في ساعات الظهر ولا كانو شغال اما باليل حاجا جامدة بس انا كانت عندي تويوتا كارينا موديل 1996 ويمين بالله انه مكيفها احسن والتسارع والثبات كانت 2000 سي سي وبتحداكم سيارة تتطلع منها وهي كارينا مش كرولا اعتقد مش موجود منها في مصر
يا جماعة شوفو الثانيه 37 وشوف السيفيك كأنها هتتقلب مقارنة بالكروز .... ها عايز الرد يا جماعة
Chevy Cruze Excels on Test Track Video - YouTube
فين ده ؟
عربية ممتازة
1-التسارع رائع
2- ثبات ممتاز
3- التكيف كويس مشكلتة الرعشة فى الأول أول ما تفتحة
4- واطية عن الأرض شوية وبتحك كتير فى المطبات دة العيب الوحيد الى انا شايفة
5-كلبسات الاكصدامات بتتفك من اى تريحة بسطة
6-عدادات التابلوة ممتازة ورائعه من شايك عدادات العربيات
7-الموتور وعزم العربية لما بتيجى تتطلع بيها من الثبات بتحس انها بتنط معاك
8-الشكل الخارجى جميل والعربية مش واسعه من جوة ولا ضيقة متوسطة
9- العزل معقول لكن الصوت بيبان اكتر فى الازدحام
10- الساوند سيستم صوت المساعات كويس بس لو ركبت الدى فى دى بتاعها او بايونير الصوت اكيد حيتحسن اكتر
11- العربية دة لو اتوضبت صح بالحاجات الاورجنال بتاعتها زوايد وعتب وسبويلر شنطة وسبويلر القزاز الخلفى وجنط محترم بتقى شيك جدا جدا
تقييمى من أفضل السيارات فى مصر واشيكهم مميزاتها اكتر من عيوبها
ممنوع الكتابة باللون الأحمر حيث انه مخصص للمداخلات الإدارية
تم تغيير لون الكتابة
م ب 8
معلش بقى لأنى ادمن موقع تانى فبستخدم اللون الأحمر علطول حقلبة فحلقى بعد كدة
عندى سؤال ليكى بما انى عربنت فى اول عربية هوندا ليا
انا مش عارف هيا vti و لاء
هية فتح سقف و جنط و طارة ملتى و كاسيت Fly و فوانيس كريستال قدام
بس اللى سمعتة ان ال vti بتبقى فيها shiftter و اللى بشتريها مفهاش
فمش عارف دى انهو فئة
و عالعموم العربية عاملة 50 الف كيلو و فيها زوايد متركبة فى التوكيل موديل 2009
قلولى تساوى كام عشان اعرف اتضحك عليا ولا لاء
بصراحه ما شاء الله علي الهونداويه يشرفني ان اكون واحد منهم
انا معايا هوندا 2008 و ما شاء الله العربيه دي فعلا ارضت غوروري بعد البي ام و المرسيدس بس انا عندي مشكله انا اشتريت الفواننيس الي فيها رنجات و ليدات المشكله ان النور الواطي ضعيف اوي مع العدسه و روحت مركبلها زينون لكن برضوا لسه ضعيف و المشكله اني بسافر كتير و النور الواطي عاملي مشكله
يا جماعة انا عندي استفسار و نفسي حد يجاوبني عليه
هو ايه الفرق بين السيفيك 2007 2008 2009 2010 ؟؟؟؟؟؟
غير الجنوط و المطي و فتحة السقف؟؟؟؟؟؟؟؟
انا شايف ان الابعاد و الماكينة و الفيس هي هي ولا انا بيتهألي؟؟؟؟
ياجماعة هو ليه الناس مابتردش على موضوع اسعار قطع الغيار وياريت الامكان الثقة اللى ممكن تتوافر فيها قطع غيار اصلية بأسعار مش مبالغ فيها ... علشان ده اهم حاجه مخليانى متردد فى موضوع الشراء وخاصة ان ليا تجربة مؤلمة مع الاستروين فى موضوع توافر قطع الغيار الاصلية واسعارها الهبل.
شرح جميل أوى ياهانى
عربية جميلة جداً
وتقرير اكثر من رائع
تحياتي للجميع
بارك الله فيكم
ما شاء الله
صباح الخير
أستاذ هانى عايز اشكرك على التقرير الهايل ده لهوندا حاجة رائعة فعلا, بس كنت عايز أسأل أنا معايا لآنسر بومة وكنت عايز أغير و اجيب هوندا بس كنت قلقان عشان مش شايفها كتير فى الشارع مش منتشرة زى الموديل إلى قبلها من اول 2007 لحد 2010 مثلا.
هل لآن الناس مش معجبة بشكلها الجديد ولا إيه مع إنى شايفة كويس...؟
الشكل فعلا كويس الفكره ان الهوندا ليها ناسها العربيه تعتبر جيده جدا ما عدا التشطيبات الداخليه بس الصراحه يقابلها تابلوه تحفه اعتقد الموضوع ده هيفيدك
http://www.nilemotors.net/Nile/304001-2012.html
السلام عليكم ورحمة الله وبركاته
معايا سيفك 2009 غيرت العفشه بالكامل ماعدا مساعدين
وبرضه بسمع صوت حاجه مفكوكه في الجنب اليمين وانا ماشي هادي في المطبات المدقدقه
كل ماسال اهل الخبره يقولولي علبة دريكسيون
وناس تاني تقولي اكشف علي المساعد اليمين
وناس تقولي مفيش عيب علبة دريكسيون في موديل 2009
سالت علي اصلاح العلبه في التوكيل طلع 1850جم وضمان 3 شهور او 10000كم
وناس بيقولولي بتبوظ تاني
وفي الحرفيين بيصلحوها 600جم وبرضه بيقولوا بتبوظ تاني
يا اهل الخبره ده عيب علبه فعلا
ولو عيب علبه تنصحوني اعملها فين
ولكم جزيل الشكر
ياجماعه معايا سيفك 2009
وعندي علبه دريكسيون عايزه اصلاح والتوكيل 1850جم وضمان 10000كم او 3 شهور
وفي ناس بتقولي بتبوظ تاني وبره التوكيل بتتصلح 600جم وبرضه بيقولوا بتبوظ تاني
افيدوني اضمن مكان اصلحها فيه علشان انساها
شكرا
صلحها في التوكيل
اخويا الغالي الموضوع ده توثيق للجيل الثامن
وانا بعتبره قيمة ولما بحب اراجع حاجة عن السيفيك بشوف الموضوع
فرأي تطلب تعديل الصور او ترجعها علشان خسارة الصور تضيع
من موضوع زي ده حتي لو صور للعربية بشكل عام من النت لانها بتبقي توضيحي اكتر
معلش لتدخلي بس صدقني لان الموضوع يستاهل
تحياتي لشخصك الكريم ..