مصطفى باشا كامل
ياريت توضح حكاية EBC brakes
عرض للطباعة
مصطفى باشا كامل
ياريت توضح حكاية EBC brakes
دي يا استاذ هاني sport rotor او اقراص مهواه (sloted or drilled) بتشتت درجه الحراره بشكل افضل
و ما تجمعش التراب و الرمل تحت التيل فالفرامل ما تسخنش اوي فالرجه بتاعه الفرامل علي السرعه العاليه تتعالج
ثانيا التيل بتاعها معدل التاكل بتاعه اقل من الفرامل الستوك
و ال EBC دي ماركه من انضف الروتور و التيول (هي انجليزيه علي ما اتذكر)
ده فيديو ليها
[youtube]http://www.youtube.com/watch?v=e0GbTN0wVYU[/youtube]
هي موجوده عند محمد عثمان و اعتقد عادل وجدي ممكن برده
بس المهم المكان اللي تجيبه منه لازم تاخد منه ضمان (و ده هايبقي اغلي بس اضمن)
بس فيه نوع معين مسمينه (super quite) ده اللي انا عايزه بس مش عارف هو موجود في مصر ولا لا
ده الشكل بتاعه
[youtube]http://www.youtube.com/watch?v=lHphsvv099I&feature=related[/youtube]
يا ريت لو حد يعرف بيتباع فين يقولنا..
موجوده عند محمد عثمان و اعتقد عادل وجدي (الروتور و التيل)بس الاهم انك تشتريها بالضمان حتي لو اغلي شويه (اعتقد عند goCarAccessories من غير ضمان)
بس انا كنت عايز نوع تاني غير اللي موجود اسمه (super quite) بس مش عارف موجود في مصر و لا لا و ده الفيديو بتاعه يا ريت لو حد شافه يقول و يبقي كتر خيره
[youtube]http://www.youtube.com/watch?v=lHphsvv099I&feature=related[/youtube]
لو انا فاهم صح يبقى لازم طقم طنابير ورا و قدام و طقم تيول ورا و قدام برضه
ياترى الموضوع يتكلف كام؟
و هل موضوع ضعف الفرمله هيتعالج (يعني فراملها تبقى عامله زي الالماني بلمسه) ولا زي ما قال سعد باشا زغلول ما فيش فايده
:tongue17::tongue17:
جينا بقا للاسئله المحرجه
هي تكلفتها متفاوته عاندك طنابير اماميه و طقم تيول اماميه و خلفيه دي ممكن تخشلها في +/ـ٢٠٠٠ جنيه
(بالتيل الاحمر طبعا اللي هو ريكومندد للسيفيك و ادائه بيعلي مع ارتفاع درجه الحراره بعكس التيل العادي و يا سلام لو الاصفر بتاع ال SI بس ده سعرالتيل ١٣٠ دولار قدام بس و ابعد عن الاخضر لانه صوته اعلي)
(انا ما عنديش اخر اسعار و يا ريت اللي يعرف اخر اسعارها يكتبلنا)
من ناحيه هاتحسن الفرامل هاتتحسن طبعا بس صوتها عالي مع الفرمله الجامده برده ف لو عاوز تحسن الفرامل و مش مهم الصوت ده يبقي تمام معاك
بس انا الفرامل متاقلم عليها و مافيش مانع لو اتحسنت بس الصوت هو اللي مضايقني لانك بتبقي ماشي علي سرعه عاليه و تيجي تفرمل تسمع الصوت فتعرف ان الفرامل مولعه من الحراره فبتبقا عايز تشيل رجلك من عليها بس ما ينفعش
واحد زميلي معاه دودج شارجر و كان عنده نفس مشكله الصوت و العربيه اتظبطت لما حط الsuper quite
فيا ريت نلاقي منها للسيفيك و لا ياس مع الحياه و لا حياة مع الياس:tongue17:
الله يفتح عليك يا أ/ هانى انا ركبت السيارة دى فى الأمارات وكانت 1800 cc ولا أستطيع ان أحكى عن مستوى الراحة والأمان والأنسيابية والتكيف ممتاز جدا مع الجو الحر جدا
وهذة شهادة منى بذلك فى حق السيارة الى أعشقها
م/ هانى عامر
بصراحة انا العربية دي انا بعشقها من صغري من ايام السيفيك 92 لما كانت مع والدي و الحمد لله ربنا كرمني ب سيفيك 2008
هي مميزاتها قوة موتورها مقارنة بالياباني في فئتها و تقل العربية على الارض مديها اتزان و جودة خاماتها الداخلية و الخارجية بتحسسك انها عربية محترمة جدا ما شاء الله
عيوبها بقى انها فعلا ساعات كتير بتحك في المطبات و بالذات اكيد لما ببقى شايل 3 ورا ببقى داخل عالمطب و مستعد للحكة من تحت في العربية و تكييفها بيرعش العربية كل ما الكمبورسر يفصل و يشتغل و بحس ساعات انها تقيلة اوي لما بكون وسط زحمة و الطريق يفتح و تيل الفرامل بقى على طول بيصفر و ساغة لما بدوس على عيون قطة في الطريق بحس انها بتخبط في دماغي جوة مش عارف ليه بعكس الكورولا اللي مبحسش فيها بكدة
انا عندي الاكصدمات مخربشة اوي بفكر اشيل بتوع الفابريكا و اركب بدي كيت بس مش عارف هل ده هيبقى عملي ولا هقول ياريتني
معلش انا طولت على حضرتك بس ادينا بنحاول اننا نبقى اعضاء نشيطة على قدنا بقى :)
ياباشا ولا طولت ولا حاجه ده انت تشرف
موضوع انها بتحك موجود فعلا ماقبل 2009 بس لمعلوماتك الالماني بيحك اكتر بس التركيز على الهوندا عشان شكلها لازق في الارض
بالنسبه للتيل طالما بيصفر يبقى لازم يتغير عشان الطنابير وعن نفسي ناوي اجرب طقم امريكي و هعمل تقرير بيه
بالنسبه لنشوفية العفشه جرب النتروجين هيفرق جامد
مالوش لازمه البودي كيت ورش الاكصطدمات احسن
رعشة التكييف فعلا موجوده بس بتتحس اكتر وانت في الزحمه واقف على n انما حتى وانت بطىء غير مؤثره
سيفيك الجديدة شكلها زفت وخسارة فيها المبلغ المبالغ فيه دا أنا لما شفتها كنت فاكرها سيتى الجديدة ولكن صعقت لما شفت كلمة سيفيك عليها وصاحبها يا عينى بيفتح المرايات بإيده