:verygood::verygood::verygood::verygood:
عرض للطباعة
ما تلفش حبل المشنقة بايدك على رقبتك
القايمة حبل مشنقة
دي ممكن في اي خلافات و انت مش موجود في مصر اساسا العفش يتنقل لمكان تاني و يترفع عليك قضية تبديد امانة و تاخد حكم غيابي و تيجي نازل بالسلامة تلاقي نفسك بتتكلبش في المطار
معلش التخوين مالوش لزمة
و قول له انا لو ماحصلش نصيب مش هتبقى خناقتنا عالعفش و الكلام الفاضي ده
قال لك يعني ايه قول له يعني حضرتك عامل حساب الانفصال من دلوقتي و انا باقول لك لو حصل كده لا قدر الله ساعتها العفش مش هيبقى اكبر مشاكلنا .......
و اللي عاجبه عاجبه اللي مش عاجبه البنات اللي عايزة تتجوز مالية البلد و خش عالمواقع النسائية اياها و شوف و هما هيموتوا على عريس ازاي !!!
و المؤخر شرعا دين عليك سواء طلقت ام لم تطلق يعني المفروض تسده فماتكتبش على نفسك رقم ما تقدرش تسده او رقم يعضلك .......
و اللي مخون أو متعب من اولها مالوش لزمة و انت ما تحسسهمش انك ميت عالجوازة لان ساعتها هيخلوك تمشي تكلم نفسك خليك برنس (و خلي بالك فيه شعرة رقيقة بين انك تبقى برنس و انك تبقى تنك ...... بلاش تناكة كله بالاحترام و الذوق و الادب بس تبقى مالي مركزك ....) ...... و الا شوية و هتخش في الشقة دي بيئة و الفرح مكانه بيئة و مش عارف ايه و مابصرش ايه و الكلام ده
يعتبر فعلا مفيش معرفه
صحابي بيقولولي كده بس انا الصراحه مش عاجبني وضع التخوين
منا مش قايل حاضر انا محتار ومن الاول وقايل للبنت لا حتى من قبل ما اعرف راي اخوالي وانهم جوزوا بناتهم ازاي
ما ده اللي حاصل رديت عليه قولتله هكلم اخوالي هما ادرى منى وعندهم بنات ومجوزينهم
ده رااي الشخصي وانا مش موافق على فكره قايمه ومؤخر من الاساس فلقيت صحابي بيقولوا غلط وبتاع وانا فاهم كويس ان المؤخر ده دين عليك مش لما يحصل طلاق و بس من كلام حضرتك انتا شايف اني لازم اكون كاتب مؤخر ؟؟؟
بس اللي محيرني اراء الناس اللي حواليا هوا الجواز كده ولازم قايمه ولازم مؤخر وكلام تييت مش بالعه منا لو واحد واطي وكاتب على نفسي مليون جنيه - على اساس انهم فاكرين ان ده تقدير للبنت -وحبيت اطلق منا هطلع عينيها لغاية ما تقول حقي برقبتي
حاولت اكلمك تليفونك مقفول :)
يا عم فكك من الجواز اصلا
بس لو ناوى خلاص بلا رجعة , يبقى الى هى جابتوا يتكتب فى القايمة دة حقها
والمؤخر بيكون بالاتفاق
بس تعال نحسبها من طرف البنوته
انت عايز تخطبها بدبلة ومحبس وتسافر , طيب لو انت معلش رجعت فى كلامك يبقى الوضع ايه ؟
هتقول اهى دبلة ومحبيس بتمن موبيل وضاع منك
انا راى الشخصى لو الخطوبه اكتر من 6 شهور يبقى لازم يتقدم شبكة لضمان الجديه
لو انت فكرت تخلع يبقى راحت عليك الشبكة يا حلو
المؤخر واجب شرعي يا باشا :)
خلاصة الكلام
تعمل زي إلي قبلك ماعمل
يعني شوف نظام الإتفاق عندكم إزاي...وتتفق زيه
وده هو الأسلم علشان محدش ييجي على التاني..وتتفقوا على كل حاجة قبل أي رابط
يعني لو هي هتشتغل أو لا ؟
هتسافر معاك ولا لأ ؟
وكل شئ يكون واضح من الأول علشان أبوها مايحشرش نفسه في تفاصيل حياتك مع مراتك بعد كده
والأحسن
فكك وخليك فررررررررررررررري
إنت مش عندك عربية ؟؟ خلاص فكك من قطار الجواز
القايمه بيتكتب فيها اللي هي جابته وحايز بيختلف من مكان للتاني
ا
انا عن نفسي معرفش القايمه مكتوب فيها ايه ومضيت وخلاص ومعرفش حتي الان الموخر كام ولا اي حاجه من الحاجات دي لان ابويا وعمي راحو اتفقو وقالولي اخرك كام في المهر قلتلهم كذا راحو وجم ولقيتهم مذودين في المهر 3 الاف بس قلت مش مشكله
وبعد كده لقيت اخت خطيبتي بيقولوي ان في هديه بتيجي مع الشبكه للعروسه قلتيها دي مكنتش في الأتفاق اللي الرجاله اتفقو عليه والهديه مش بنتطلب وقمت عامل معاهم احلي مشكله والناس بقت تتحايل وقالو خلاص مفيش مشكله احنا اسفين وعدي الموضوع علي كده
الخلاصه اني مدخلتش نفسي في اي حاجه وابويا وعمي هما اللي خلصو كل حاجه
احلي حاجه ان عمي لما يبقي خلاص جاب اخره في موضوع تلاقيه كل شويه يقول هه ويخبط ايده علي ركبته عشان يمشي وابويا بيقولي انه طبعا عمال يفاصل معاهم لما هراهم وكل شويه يقول هه اقوم قايل في سري ربنا يستر وميقومش