كشف على صني مستعملة في التوكيل ( ضروري )

**Land_Cruiser** · 04-01-2012 12:03 AM

التوكيل اضمن من اى حته تانيه حتى لو اغلى و فكر فيها بطريقه تانيه. لو كشفت على العربيه فى بنزينه مثلا ب ١٠٠ جنيه فقط مثلا و قالك مثلا العربيه زى الفل و بعد كده طلع فيها حاجه بتاع البنزينه ما خدش باله منها علشان معندوش كل ادوات الكشف و التشخيص اللى عند التوكيل على الاقل بصرف النظر عن الخبره؛ الحاجه دى أيا كان صغرها هتبقى اكيد اغلى من ال ٢٠٠ جنيه اللى حضرتك وفرتهم و بنفس المنطق تخيل بقى انها مشكله كبيره لاقدر الله، يبقى ساعتها ايه الحال؟

و لو اكتشفت المشاكل اللى فى العربيه اللى عايز تشتريها ده هيساعدك تسعرها مضبوط و تخصم ثمن الحاجات اللى محتاجه تغيير و كنت هتدبس فيها و هتشترى العربيه بسعر اعلى من تمنها و كده كده لازم هتغيرها بس طبعا علشان كل حاجه تبقى مظبوطه مش معقوله تتفرج على ٣ عربيات تقوم دافع ٩٠٠ جنيه لكن فى البدايه خد معاك حد تعرفه يكون بيفهم فيها علشان تبقوا وجهتين نظر لاتخاذ رأى مبداى ولو استقريتم على عربيه واحده ابقى اطلع بيها على التوكيل و اتوكل على الله و بالتوفيق

**Youssef.Awad** · 04-01-2012 12:19 AM

ما تحسبهاش بالفلوس لأن مش كل يوم الواحد بيشترى عربية سواء زيرو ولا مستعملة وانا من رأى الردود اللى فضلت الكشف فى التوكيل وده لمعرفة حضرتك مافيش مخلوق هايعرف فى العربية قد اللى بيعملولها صيانة كل يوم وعشرات ومئات العربيات نفس الماركة وبالمقارنة بين السبع واوتوايجيبت او غيرها من توكيلات نيسان
انا شايف اوتوايجيبت الاجدر والادق فى تشخيص حالة اى عربية وده بيتم اوتوماتيك فى اى صيانة دورية وانا لمسته بنفسى فى صيانة ال60 الف كم وبصراحة ده اللى يهمنى موتور - فتيس - عفشة - كاوتشات - .... الخ وده من خلال ورق ودرجات متحددة مسبقا غير الكشف الظاهرى حتى لو كان باجهزة هاتختلف عن اللى موجودة فى توكيلات لأنى شايف البنزينات دى مجهود ذاتى وخبرة شخصية ليس الا
انا مثلا ممكن اكشف على عربية ظاهريا واعرف انها رشة برة ولا جوة ولا مخبوطة لكن مش هافك عجل وابص ع التيل واقيس سمكه ولا اكشف على جلب مقصات وترشيح زيت وتشقيق خراطيم فى اماكن خفية
الكشف قبل الشراء مهم جدااااااااا بدل ما تفرح بالسعر الكويس وبعد كده تدفع الفرق من وقتك ومزاجك وفلوسك ولفك على مراكز الخدمة والورش وتكره نفسك
اشترى راحة بالك بأى تمن واعرف حالة العربية عاملة ايه بالزبط عشان تقدر تاخد قرارك وربنا يوفقك

**meado_2005** · 04-01-2012 01:00 AM

شكرا لكل واحد اهتم و رد على سؤالي او حتى قرأه وان شاء الله ربنا يكرمني و اكون من اصحاب نيسان الجميلة

**Bishoy.Girgis** · 04-01-2012 01:14 AM

انا عايز اقول لك اني لما جيت اشتري اول عربية في حياتي كانت تويوتا كرولا موديل 1996 و روحت كشفت عليها في التوكيل و فعلا ادوني تقرير رائع عن العربية و حتي قالولي العربية غالية بتاع 5000 جنيه لكن حالتها تستاهل الفلوس و قبل العربية ديه كنت وديت ليهم كرولا 1994 و قالولي اوعي تاخدها العربية دي عاملة حادثة و متنفعش
طبعا..

اخدت العربية 1996 اللي قالي عليها التوكيل انها تمام و علي فكرة انا اللي كنت جايب العربية ديه و كانت من علي النت كمان
بس معلش انا كان ليا قريب في التوكيل فمدفعتش اي مبالغ كشف .. بس كنت بشتري العربية و انا مبسوط جدا..

فنصيحة روح علي التوكيل و خد تقرير احسن و ممكن تخلي حد يشوف لك العربية تكون واثق فيه يعني يشوفها مبدأيا ً و لو كده روح علي التوكيل و بالمرة تشوف العربية عايزة ايه بالظبط

**Dr'AhmZZong** · 04-01-2012 02:50 AM

المشاركة الأصلية كتبت بواسطة Peaceman

انا عايز اقول لك اني لما جيت اشتري اول عربية في حياتي كانت تويوتا كرولا موديل 1996 و روحت كشفت عليها في التوكيل و فعلا ادوني تقرير رائع عن العربية و حتي قالولي العربية غالية بتاع 5000 جنيه لكن حالتها تستاهل الفلوس و قبل العربية ديه كنت وديت ليهم كرولا 1994 و قالولي اوعي تاخدها العربية دي عاملة حادثة و متنفعش
طبعا..

اخدت العربية 1996 اللي قالي عليها التوكيل انها تمام و علي فكرة انا اللي كنت جايب العربية ديه و كانت من علي النت كمان
بس معلش انا كان ليا قريب في التوكيل فمدفعتش اي مبالغ كشف .. بس كنت بشتري العربية و انا مبسوط جدا..

فنصيحة روح علي التوكيل و خد تقرير احسن و ممكن تخلي حد يشوف لك العربية تكون واثق فيه يعني يشوفها مبدأيا ً و لو كده روح علي التوكيل و بالمرة تشوف العربية عايزة ايه بالظبط

بالظبط كده

**Land_Cruiser** · 04-01-2012 06:48 PM

طلع ايه ؟

**atefadel** · 04-01-2012 10:14 PM

طلع اة انا فضوليييييييييييييي

**Ahmed.TV** · 04-01-2012 10:26 PM

لا تحت امرك .. معلمتش غير الواجب

انا بس عايز اعرف ايه اللى طلع فى التقرير .. عشان تفيد الاعضاء زى ما افادوا حضرتك

وطبعا مفروض التقرير معاك .. ياريت تصوره او تعمله سكنر وتورينى التقرير بيكون ازاى وايه نتيجيته

عشان الافادة العامة .. ان مكنش يضايق حضرتك

الموضوع: كشف على صني مستعملة في التوكيل ( ضروري )

LinkBack

أدوات الموضوع

عرض

-

-

-

-

المواضيع المتشابهه

لو عايز أكشف علي عربية مستعملة قبل ماشتريها أوديها التوكيل ولا لميكانيكي؟

قدامى رينو ميجان 2 2007 مستعملة وعايز اكسف عليها فى التوكيل ارجو المشاركة...

محتاجين هدوم مستعملة ضروري وبسرعة

عن مواعيد التوكيل والرواس ضروري لو سمحتم

كيف اكشف على عربية مستعملة فى التوكيل

الكلمات الدلالية لهذا الموضوع

المفضلات

المفضلات

ضوابط المشاركة