الموضوع: محتاجين هدوم مستعملة ضروري وبسرعة

السلام عليكم ورحمه الله
معظمكم عارفين جمعية المقسطين وجروب المنار الل يكتبت عنه هنا كذا مرة
ونشاطهم باختصار للي مايعرفش انهم بيجمعو الهدوم ويعملة بيها معارض خيرية ويجيبو الاطفال ينقو اللي هما عايزينو
طبعا مش اي اطفال
اطفال متاكدين انهم محتاجين
وفي جزء اللي بيتبقي بيتباع بمبالغ رمزية لناس محتاجة بس مابتحبش تاخد حاجة صدقة
تتباع القطعة ب 5 واو 10 او 3 جنيه
والباقي بيتصرف على المشروعات الخيرية وعلاج المحتاجين
لما بيكون في هدوم غالية وقيمة بيبعوها اغلى من كدة عشان يقدرو يستفيدو بالفلوس صح في المشروعات الخيرية
احب اقول للناس ان الجمعية ثقة جدا جدا
وانا بتعال معاهم من اكتر من 7 سنين
ربنا يجازيهم كل خير
ده نص رسالة مهندس منار عقل مديرة الجمعية:

السلام عليكم و رحمة الله و بركاته
إزى حضراتكم
اتمنى تكونوا كلكم بكل خير يا رب
كنّا خارجين في مشوار خيري من 5 ايام تقريباً و كان في احتمال بنسبة ضئيله جداً اننا منلحقش الفطار في بيتنا و رغم ان ده مشكلة كبيييييييرة لينا طبعاً في بيوتنا


اللا انى استغليت الفرصه على الأقل انى احلم حلم يقظه انى ممكن احظي بلحظه خاصه في احد موائد الرحمن .. نفسي احضر فطار و لو لمرة واحده في عمري في مائدة رحمن
مش عايزه افطر معاهم .. انا بس نفسي اتفرج

هكذا قالت لى نفسي و تملكنى الحلم فعلا صوتي و كررت الجمله اللى قلتها بيني و بين نفسي امام زميلاتنا و زملائنا المرافقين لينا في المشوار التطوعي الخيري التابع للجمعيه

فرد عليّا احد زملائي بجمله اصابت جسدى بقشعريرة .. قال لى ( في ناس كتير نفسها متفطرش يوم في مائدة رحمن ) انا طبعاً كان نفسي اقول اسمه لنسبة الفضل لأهله و لكن انا مستأذنتوش و كمان انا واثقه انه يفضل ان لا اذكر اسمه حتى يأخذ الثواب كاملاً ان شاء الله

طبعاً انا بكتب لكم الموقف ده و انا خجلانه من نفسي بجد لكن عشان اؤدبها عشان متفتكرش نفسها انها بقت حاجه مهمه و متفرحش كتير بنفسها

عايزه اقول لها يا نفسي بحبك ايوة بس انتى لسه بتغلطى و لسه محتاجه كتيييييييييييير قوى عشان تتعلمى

كمان بكتب لكم الموقف ده عشان نتكلم عن اللبس و الملابس و الناس المستحقه بجد

يعني ايه ؟؟؟؟

يعني الجمله دي جددت جوايا الحلم انى اقابل الناس اللى نفسهم ميفطروش في مائدة رحمن مرة واحده في عمرهم بجد .. ليه بقول كده؟؟؟

عشان في ناس كتير غير مستحقين و مسيطرين على منافذ خيريه هامه زي موائد الرحمن و معارض الملابس المستعمله و زكاة الجمعيات الشرعيه .. الخ و العفيفين النفس الحقيقين مش كلهم بيعرفوا يوصلوا

النهارده توفرت لينا و لحضراتكم هذه الفرصه اننا نقابل ناس مستحقين بجد و ناس منتظرين دعمنا بجد

الفرصه دي حتتوفر لنا من خلال حاجتين

اولاً اننا مطلوب مننا نجمع 80 طقم ملابس لأطفال بطن البقرة في مرحلة الحضانه من ايتام و ضحايا تفكك اسري و مرضي .. عشان تتوزع عليهم و يفرحوا بيها وقت العيد ان شاء الله

تانى حاجه اننا ان شاء الله حنعمل معرض ملابس بجمعية المقسطين الخيريه بمدينة نصر الأسبوع الأخير من رمضان لكل الأعمار و الأجناس برده لعرض ملابس العيد و دي حتكون فرصه كويسه اننا ندعو فقط الأسر المستحقه المدروس حالتها جيداً من قبل الجمعيات الخيريه

و في ثقه متبادله بيننا و بينهم لحضور المعرض و انتقاء ملابس العيد


و اللى محتاجينه من حضراتكم هو ان اى حاجه .. اى حاجه تنفع عند حضراتكم لأى حد في الدنيا و تكون زايده عن احتياجاتكم

انكم تتفضلوا مشكورين و تساهموا معانا بيها

و احنا ان شاء الله نعمل لها الفرز اللازم و التنظيف و الكي و التكييس للصالح منها لتقديمها في احسن حال لمستحقيها ان شاء الله

للإستفسار و الإتصال على رقم

0121099601

شكراً

مهندسه / منار عقل

جمعية المقسطين الخيريه - جروب المنار الخيري
ط§ظ„ظ…ظ†ط§ط± ظ„ظ„ط¹ظ…ظ„ ط§ظ„ط¥ظ†ط³ط§ظ†ظٹ | Facebook
عنوان الجمعيه :- 85 مساكن التعاونيات الحى الثامن مدينة نصر



اللهم اجعلنى خيراً مما يظنون و اغفر لى ما لا يعلمون و ارحمنى يوم يبعثون

ربنا يجازيكم كل خير
ويجعلة في ميزان حسناتكم
بجد الجمعية في اشد الحاجة لاي ملابس او احذية
اي مقاس
باي حالة
وهيا هاتقدر تظبطهم تاني
وخاصةالاطفال
افتحو دواليبكم
دواليب عيالكم
ان شاء الله هاتلاقو حاجة صغرت او بقت ضيقة
افتح دولابك هاتلاقي حاجة من السنة اللي فاتت
بقت ضيقة او مش على مقاسك
ماتسيبهاش وتقول هاخس
او يمكن اخس
لما تخس هات احسن منها ان شاء الله
والي عندة ومش قادر يروح الجمعية يبعتلي على الخاص او يكلمني من غير كسوف ونرتبها وحد عايز ياخد ثواب يروح ياخدها منه
قول لاخواتك
قول لقرايبك
قول لجيرانك للي بتعزهم وعايزلهم الخير
كل سنة وانتم طيبين