الموضوع: 120 كيلو في ال 20 لتر؟؟؟؟

يا جماعه عربيتي جين 2 مانيوال 2008
بتعمل في الصفيحه ال20 لتر حوالي 120 كيلو
انا هتجنننننن يا تري العيب فين بالظبط ومين اللي يظبطللي الموضوع ده غير التوكيل طبعا لان الضمان خلص
خالص تحياتي

استهلاك طبيعي ايه بس
انا عندي نفس المشكلة بنفس الارقام بالظبط ( بس اخر مرة عملت معايا 122 كيلو )
وعربيتي لسة في الضمان والتوكيل معرفش يحل المشكلة وبردو ملهاش حل خالص

في السفر المفروض تعمل اكتر من كدة كمان
انا لو مسافر اسكندرية ومثبت على 160 او 170 باخد تفويلة وشوية .. يعني اكتر من 60 لتر

يا جماعة أستهلاك البنزين في العربية (لو العربية مظبوطة له عوامل كتيرة )
الأول طبعا تكون كهربا العربية مظبوطة (و دي لو الموتور سليم يبقى تمام )

نيجي بقى للحاجات التانية
أولا محدش يقيس الأستهلاك في الزحمة و داخل المدينة و يشتكي .

لازم القياس الصحيح يكون على طريق مفتوح و على سرعة ثابتة لا تزيد عن 90 كم - س

أنا مجرب الأستهلاك في الموتور القديم فتيس مانوال موديل 2007 و الموتور الجديد فتيس أوتوماتيك موديل 2010

أولا القيادة الهادئة بتأثر جدا في الأستهلاك .
ثانيا .نوعية البنزين طبعا و المحافظة على دورة البنزين تكون نظيفة بأستمرار .
ثالثا ضغط الكاوتش ..... لازم يكون مظبوط على 30 و العربية باردة تماما و الأفضل نيتروجين طبعا علشان مش بيتأثر بالحرارة .

المعدل الطبيعي للأستهلاك على سرعة 90 كم - س يعني حوالي 2600 لفة - دقيقة للموتور
بتعمل من في الصفيحة على الأقل 220 كم و بتوصل ل 250 كم
الرك على كل العوامل السابقة و طبعا طريقة السواقة .

إنما القيادة داخل المدن مش مقياس نهائيا علشان أنت كدا موتورك شغالك بدون تحرك لمدد كبيرة و بالتالي أنت بتحسب أيه على أيه ؟

و القيادة بسرعات عالية معناه بنزين مضاعف علشان معاكسة الهوا للعربية بتتضاعف فوق 100 كم - س
و بالتالي مجهود أكتر من ا لموتور علشان يدفع العربية و بالتالي أستهلاك بنزين و طاقة أعلى .

ازي حضرتك يااستاذ توت
انا جربت اختبار التوكيل اللي تمشي 50 كيلو بسرعة 90 ثابتة بدون تكييف
النتيجة ان المسافة دي خدت 6 لتر او 6 لتر ونص كمان
يبقى من هنا نقدر نقول ان العربية فيها مشكلة .. طب ايه المشكلة ؟؟ التوكيل مش عارف

المشاركة الأصلية كتبت بواسطة eng f3lix

ازي حضرتك يااستاذ توت
انا جربت اختبار التوكيل اللي تمشي 50 كيلو بسرعة 90 ثابتة بدون تكييف
النتيجة ان المسافة دي خدت 6 لتر او 6 لتر ونص كمان
يبقى من هنا نقدر نقول ان العربية فيها مشكلة .. طب ايه المشكلة ؟؟ التوكيل مش عارف

بصراحة مش عارف
بس المفروض المسافة دي أستهلاكك يكون على الأقل 5 لتر

طيب كشفوا على الموتور بالكمبيوتر ؟ يمكن يكون فيه حاجة في الكهرباء ؟؟

طيب بقولك أيه
ما تيجي نعمل شويه حاجات نجرب بيها و مش هاتخسر حاجة
هات منظف رشاشات و فول عليه
و بعدين أتأكد من ان ضغط الكاوتش 30 أو 31
سوق على مهلك و أثبت على سرعة 80 لمدة 50 كم - س
و مرة تانية على سرعة 90 لمسافة 50 كم - س
و شوف كدا الأستهلاك أيه ؟
و برضه أنت أخبار البوجيهات أيه ؟؟ و أخبار العادم بتاعك رحته و شكله عاملين أيه ؟

المشاركة الأصلية كتبت بواسطة tutankhamoun

بصراحة مش عارف
بس المفروض المسافة دي أستهلاكك يكون على الأقل 5 لتر

طيب كشفوا على الموتور بالكمبيوتر ؟ يمكن يكون فيه حاجة في الكهرباء ؟؟

طيب بقولك أيه
ما تيجي نعمل شويه حاجات نجرب بيها و مش هاتخسر حاجة
هات منظف رشاشات و فول عليه
و بعدين أتأكد من ان ضغط الكاوتش 30 أو 31
سوق على مهلك و أثبت على سرعة 80 لمدة 50 كم - س
و مرة تانية على سرعة 90 لمسافة 50 كم - س
و شوف كدا الأستهلاك أيه ؟
و برضه أنت أخبار البوجيهات أيه ؟؟ و أخبار العادم بتاعك رحته و شكله عاملين أيه ؟

كشفت كتير على العربية بالكومبيوتر لدرجة اني بقيت احط الجهاز في العربية وادخل بنفسي اكشف في مركز عصام .. والعربية مسجلة عيب واحد اللي هو miss fire يعني عيب بنزين وده طبيعي في مصر لاي عربية هتكشف بالكومبيوتر
وكتير حطيت منظف رشاشات مع التفويلة وكل مرة في التوكيل المهندس يقولي اعمل كدة وتعالى نجرب .. وبعد التجربة يطلع الناتج 6 لتر او 6.5 لتر على سرعة 90 ثابت
يعني الموضوع بيبقى في ساعتها بعد مابحط منظف الرشاشات

البوجيهات غيرتها على ال 20الف مع الصيانة .. ومع صيانة ال 25 الف غيرتهم تاني ودفعت طبعا لان البوجيهات الاولى كانت مرطبة يعني بايظة
العادم عادي مفيهوش حاجة بس طبعا مع اول تدوير للعربية في الجراج بشم ريحة بنزين لدرجة اني شكيت في الرشاشات ممكن تكون ( بتسيل ) بنزين
وعملت المستحيل والعربية مش مسجلة اي حاجة غير الmiss fire انا هتجنن بجد