استغاااااثة ..أرجوكم

**Scent7104** · 03-01-2012 11:52 PM

أول مشاكلي مع الفتيس... أنا كانت العربية كويسة جدا جدا أول ما جبتها و في شهر 6 2010 كنت بأعمل الصيانة قالولي يوجد عرض نغيرك وحةد الفتيس مع الصيانة و من غير حجز ... قلت لهم بس العربية كويسة و ماعملتش معايا مشاكل قالوا لأ كده هتبقى أحسن و نضمن أنها ما تعملش مشاكل و في أمر من اليابان بتغيير كل العربيات .... المهم بعد ربع ساعة نقاش وافقت أغيره ... في الأول الموضوع كان رائع و العربية كانت بتوفر في البنزين كمان... من حوالي شهرين حصل معايا موضوع رفض الفتيس للنقل بعد الغيار الأول و بيكون عادة بعد التهدئة لمطب... و من يومين لا حظت في رزع في النقلة بس المشكلة الأكبر رزع رهيب مع الرجوع للخلف (R) في الأول بتبقى مش عايزة ترجع و لما بأدوس بنزين تعمل صوت غريب و رزع جامد ... أنا بجد مش عارفة أعمل ايه؟ و أروح أكلم مين في التوكيل ؟ و دخلت على group على facebook بس مالقيتش حد عمل حاجة... و المشكلة إني ممكن مش أقدر أروح التوكيل قبل يوم السبت ... فإيه نصيحتكم أمشي بيها و لا لأ و أعمل ايه؟

**phpcoder** · 04-01-2012 01:57 PM

اتصلي بالتوكيل فورا واطلبي انك تكلمي مهندس الصيانة واعرفي منه هل ممكن تمشي بالعربية ولا لأ
واذا قالك لأ ماتحاوليش تمشي بيها لحد ماتوديها

**Veroman** · 04-01-2012 05:54 PM

العربية معاية دلوقتى بتعمل زى ما بتعمل معا حضرتك كدة بالظبط و نفس الكلام فى الرجوع للخلف بظبط و روحت التوكيل و نزل معا مهندس من هناك و قاعد يسوق ويلف بيها و فى الاخر يقول هى كدة و دى طبيعتها و طبعا العربية المفروض مش كدة خالص بالمقارنة بعربية صديق لية و مش بتعمل كدة خالص و انا سوقت عربيتو مفيها ايى عيوب فيها ولا نتش ولا رزع ولا اى حاجة هما عارفين كويس فى التوكيل ان العربية اصلا فيها عيب صناعة بس هما بيستهبلو و بسطعبتو و مش هيخافو الا لما نتجمع كلنا و ننزل نتفاهم معاهم