صيانة ال 1000 للروسى

**totaman** · 04-01-2012 12:14 AM

السلام عليكم يا شباب

يا ترى فاكرنى ولا لا انا اللى اشتريت من شهر تقريبا اللادا الروسى 2011

المهم انا دلوقتى كملت ال 1000 كم ومش فاضى للاسف الا يوم الجمعه

وطبعا التوكيل مش بيفتح يوم الجمعه فكنت عايز اعرف المفروض اعمل ايه

فى اول صيانة

هوة اكيد تغيير زيت فياريت تنصحونى بانهو زيت ؟

وهل هيتم تغيير الفلتر؟

**totaman** · 04-01-2012 04:20 PM

ايه يا جماعه محدش بيغير زيت ولا ايه ؟؟؟؟

**SHNORY** · 04-01-2012 09:24 PM

هو حضرتك داخل في فتره ضمان ولا حاجه علشان تصين في التوكيل؟؟؟

**a7madramadan** · 05-01-2012 01:26 AM

انا الحقيقة عملت صيانة الــ 1000 فالتوكيل وموصى بيها جدا عملوا check على كل حاجة فالعربية و غيروا زيت الموتور لانه خفيف وبتاع التليين بس ..... عموما انا أخدت العربية بتاعتي على الموبيل الرصاصي يمكن أفكر أعمل فلاش للموتور و أحط زيت فيسكو 3000 بس ماخدتش القرار ده لسه عشان سواقتي عموما هادية جدا و الزيت موصى بيه للسواقة الهادية (يعنى RPM واطي) بيوطي صوت الموتور كتيير .....

وهم هيغيروا برضه زيت الكرونه لان الموجود الي جايي من روسيا سيء برضه و هيربطوا العفشة و هيطلعوا بالعربية يجربوا الموتور و الفرامل و العفشة (بافتراض انك رايح التوكيل العامرية اسكندرية) و ما انصحكش بالي في سموحة الصنايعية الي فيه مستواهم مش قد كده بتجربة شخصية في عربية صديق ليا هنا ..... دائما انا باطلع على العامرية و باريح دماغي .....

مش متذكر باقي الحاجات الي عملوها الحقيقة بس عموما انا كنت كتبت عن جدول الصيانة الدورية للعربية http://www.nilemotors.net/Nile/256091-2107.html و أعتقد الــ 1000 الأساسي فيها تغيير زيت موتور و كورونا وتربيط و تشيك على كل حاجة فالعربية ....

**totaman** · 05-01-2012 04:00 PM

شكرا يا باشا على اهتمامك وكويس انك نبهتنى لنقطة زيت الكرونة

انا مكنتش اعرف انه لازم يتغير هوة كمان

طيب هما بيشتغلو يوم السبت عادى

ولوشغالين ممكن استاذنك تقولى الوصفة بتاعة فرع العامرية ( مرغم )

وهل بيتم الحجز بالتليفون ولا باسبقية الحضور ؟؟؟

اسف اسالتى كتير

بس انا نفسى احافظ على العربية على قد ما اقدر وبسال على الصح

**a7madramadan** · 05-01-2012 04:16 PM

حضرتك تكون هناك الساعة 9-10 الصبح عشان انت هتروح هتخش من اليمين لو روحت متأخر هتلاقي نفسك في طابور عربيات ومافيش حجز على حد علمي

انت هتاخد طريق العامرية هتلاقيه على يمينك تحديدا الكيلو 27 في طريق العامرية مرغم على الصحراوي هتلاقي نفسك بتعدي على كذا توكيل ورا بعض وهتلاقي لوحات على اليمين مكتوب عليها شركة الأمل كمان 5 كيلو وكمان 3 كيلو وبعدين 5/6 ورا بعض بيقولوا انك قربت هتلاقيها لوحات زرقاء وعليها لوجو لادا لو لقيت نفسك شاكك ولا حاجة اسأل الناس كللللللها عارفاها ماتقلقش :)

وبالنسبة ليوم السبت والله مش متأكد 100% بس أعتقد شغالين بس تقريبا ده تليفونهم 4703330 مش عارف شغال دالوقتي ولا لأ بس تقدر تستفسر بالتليفون منهم ......

وبالنسبة للمحافظة على العربية اعرفلك عفشجي محترم قوي قوي بيفهم بالذات فاللادا قريب منك وابقى ربط العربية بــ 15 جنيه كل شهر او شهر ونصف وشحمها لو مجاش ميعاد الصيانة دا لو بتمشي قليل قوي يعني زي حالاتي انا عربيتي بقالها سنتين معايا ومشيت أقل من 19 ألف كيلو لحد دالوقتي وبص على الموضوع ده http://www.nilemotors.net/Nile/523-a.html في نصائح عامة حلوة وبسيطة

ولو عندك أي استفسارات تانية كلنا آذان صاغية :) الأصل فالأسئلة فالمنتدى هو توسعة المعرفة العامة للجميع لان كلنا بنستفيد من بعض هنا :)