10000 كم ,,, يعنى اية ؟؟

**dr_hady4447** · 04-01-2012 03:01 AM

السلام عليكم ورحمة الله وبركاتة

سؤال محيرنى جدا

هوا اية الاستفادة من معرفه عدد الكيلوهات اللى مشيتها السيارة ؟؟
يعنى مثلا
انا كنت لقيت فى موضوع
ان التجار بياخدوا العربيات اللى مشيت كليوهات كتير ويغيروا العداد ويبيعوا بسعر اعلى
طيب
الكيلوهات دى بتعبر عن اية ؟؟
ولازم اشوفها وانا بشترى سيارة ؟؟

وجزاكم الله خيرا

**moh19227** · 04-01-2012 04:21 AM

الكيلوهات دي بتعبر عن نظره عامه لاستخدام السيارة
بمعني في المتوسط 20 الف كيلو في السنه ده الرنج العادي
لما العربيه تكون موديل 2010 وماشيه 100 الف كيلو يبقي كتييييييييير اوي ويبقي العربيه استهلكت بطريقه كبيره وهتحتاج تغير فيها شويه حاجات + لما عربيه تكون قديمه شويه مثلا موديل 2000 وتبقي ماشيه 300 الف كيلو يبقي عمر الموتور قرب ينتهي وهتحتاج تعمر قريب
وقيس علي كده حاجات تاني

**Ashraf_Ibrahim** · 04-01-2012 08:56 AM

دا احد المؤشرات على الحالة العامة للعربية
بس مش هو المؤشر الوحيد
يعني لو عربية مشيت 300000 كم في سنتين مثلا طريق سفر سريع مش زي عربية مشيت 150000 كم في وسط البلد في الزحمة على الاول والتاني
اللي مشيت على طريق سفر هتلاقي موتورها احسن طبعا
ايا ما كان الكيلومترات مش مهمة عشان تخليك تقول دي عربية كويسة او لا ولكن الكشف على العربية هو الفيصل الأخير

**Land_Cruiser** · 05-01-2012 01:07 AM

اكيد لها قيمه طبعا و عامل مؤثر يمكنك من الحكم على السياره و تسعيرها لكنه مش العامل المؤثر الوحيد يعنى. و لازم تعرف سواء كان كتير او قليل ايه سببه ( لو كان موديل العربيه قديم و كيلومتر قليل او كان الموديل حديث و الكيلومتر كبير) و من العوامل التانيه التى تؤثر برضه مع الكيلومتر لكن ملهاش دعوه به مباشره حاله جسم السياره و الدهان و الخرابيش والعربيه وكيل ولا خليجى

**SASA3** · 05-01-2012 01:38 AM

طب انا عندى عربية موديل 84 و ماشية 218 الف كيلو كده كويس :)

**dr_hady4447** · 05-01-2012 02:37 AM

المشاركة الأصلية كتبت بواسطة wshawky

اكيد لها قيمه طبعا و عامل مؤثر يمكنك من الحكم على السياره و تسعيرها لكنه مش العامل المؤثر الوحيد يعنى. و لازم تعرف سواء كان كتير او قليل ايه سببه ( لو كان موديل العربيه قديم و كيلومتر قليل او كان الموديل حديث و الكيلومتر كبير) و من العوامل التانيه التى تؤثر برضه مع الكيلومتر لكن ملهاش دعوه به مباشره حاله جسم السياره و الدهان و الخرابيش والعربيه وكيل ولا خليجى

يعنى مدلول غير مؤثر فى حالة السيارة القديمة
انما فعال فى السيارات الحديثة
صح ؟

**omaroof** · 06-01-2012 05:25 AM

1-متوسط استخدام العربيه بيبقى من 20 الى 30 الف فى السنه
اقل من كدا يبقى العربيه حالتها نادره يعنى صاحبها مابيمشيش بيها وتبقى العربيه غير مستعمله تقريبا
2- حالة العربيه يعنى فرش وجسم وبيبان اللى مستخدمها كان صاين العربيه ولا مبهدلها
3- حالة العفشه وحالة الموتور والجير وما شبه
ممكن تلاقى عربيه موش ماشيه كتير بس متبهدله وحالة الموتور تعبانه كدا يبقى العداد ملعوب فيه
وممكن تلاقى العداد ماشى كتير بس حالة العربيه ممتازه فرش وموتور وكل حاجه ودى دائما بتلاقيها لما تشترى العربيه من اول يد لان معظم اللى بيطلع عربيه جديده بيحافظ عليها وكل حاجه بيغيرها فى مواعدها واكيد بيستخدمها فى شغل او سفر فموضوع العداد لوحده موش كفاية

**dr_hady4447** · 07-01-2012 08:10 AM

المشاركة الأصلية كتبت بواسطة omaroof

1-متوسط استخدام العربيه بيبقى من 20 الى 30 الف فى السنه
اقل من كدا يبقى العربيه حالتها نادره يعنى صاحبها مابيمشيش بيها وتبقى العربيه غير مستعمله تقريبا
2- حالة العربيه يعنى فرش وجسم وبيبان اللى مستخدمها كان صاين العربيه ولا مبهدلها
3- حالة العفشه وحالة الموتور والجير وما شبه
ممكن تلاقى عربيه موش ماشيه كتير بس متبهدله وحالة الموتور تعبانه كدا يبقى العداد ملعوب فيه
وممكن تلاقى العداد ماشى كتير بس حالة العربيه ممتازه فرش وموتور وكل حاجه ودى دائما بتلاقيها لما تشترى العربيه من اول يد لان معظم اللى بيطلع عربيه جديده بيحافظ عليها وكل حاجه بيغيرها فى مواعدها واكيد بيستخدمها فى شغل او سفر فموضوع العداد لوحده موش كفاية

30 الف كليو
مش كتير شوية